BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

حالىقارالىق «كانال-كراسنىي بارحان» وپەراسياسى: قانشا ەسىرتكى تاركىلەندى؟

بۇگىن ۇجىمدىق قاۋىپسىزدىك تۋرالى شارت ۇيىمىنىڭ (ۇقشۇ) مۇشە-مەملەكەتتەرىنىڭ ەسىرتكىگە قارسى كۇرەس بولىمشەلەرى، سونىمەن قاتار يران يسلام رەسپۋبليكاسى مەن قىتاي حالىق رەسپۋبليكاسىنىڭ قاتىسۋىمەن حالىقارالىق «كانال-كراسنىي بارحان» ەسىرتكىگە قارسى وپەراسياسى اياقتالدى، دەپ حابارلايدى ۆaq.kz اقپارات اگەنتتىگى.

قاتىسۋشى-ەلدەر قۇقىق قورعاۋ ورگاندارىنىڭ ٴوزارا بىرلەسكەن ارەكەتتەرىن ۇيلەستىرۋ شىمكەنت قالاسىندا ورنالاسقان حالىقارالىق شتابى ارقىلى جۇزەگە اسىرىلدى.

وپەراسياعا 22 مىڭنان استام قۇقىق قورعاۋ ورگاندارىنىڭ قىزمەتكەرلەرى قاتىستى.

بۇل وپەراسيانى وتكىزۋ بارىسىندا ەۋروپالىق وداق، ەۋروپالىق قاۋىپسىزدىك جانە ىنتىماقتاستىق ۇيىمى، قىلمىستىق كىرىستەردى جانە تەرروريزمدى قارجىلاندىرۋدى زاڭداستىرۋعا قارسى ٴىس-قيمىل جونىندەگى ەۋرازيالىق توپ، بۇۇ-نىڭ ەسىرتكى جانە قىلمىس جونىندەگى وڭىرلىك باسقارماسى، ٴواواۇو حالىقارالىق ۇيىمداردىڭ قىزمەتكەرلەرى باقىلاۋشى مىندەتىن اتقاردى.

«كانال-كراسنىي بارحان» وپەراسياسىنىڭ نەگىزگى مىندەتتەرى – اپيىن كونترابانداسى ارنالارىنىڭ جولىن كەسۋ، ترانسۇلتتىق ەسىرتكى توپتارىنىڭ قىزمەتىنە، ەسىرتكى كىرىستەرىن زاڭداستىرۋعا توسقاۋىل قويۋ، زاڭسىز اينالىمداعى قارۋ-جاراقتار، وق-دارىلەر مەن جارىلعىش زاتتاردى تاركىلەۋ بولىپ انىقتالدى.

وپەراسيانىڭ وسى نەگىزگى مىندەتتەرىنىڭ قاتارىنا قىزىلوردا وبلىسىندا قاراسورانى زاڭسىز وسىرۋگە جانە جامبىل وبلىسىندا جابايى قاراسورانى دايىنداۋعا قارسى كۇرەس شارالارى ەنگىزىلدى.

وپەراسيا بارىسىندا بروندالعان 4 «تيگر» اۆتوكولىگى، «باگگي» سىنىبىنا جاتاتىن 6 بىرلىك، ٴجۇرىپ ٴوتۋ مۇمكىندىگى جوعارى 15-تەن استام اۆتوكولىك، مي-171ە تىك ۇشاعى ىسكە قوسىلدى.

ارنايى وپەراسيا شەڭبەرىندە ٴىىم «دەلتا-دولينا» بولىمشەسىنىڭ اۋماعىندا قازاقستان جانە قىرعىزستان ٴىىم كينولوگيالىق قىزمەتتەرىنىڭ بىرلەسكەن جاتتىعۋلارى، قىزمەتتىك-ىزدەستىرۋ يتتەرىنىڭ كورنەكى ونەر كورسەتۋلەرى وتكىزىلدى.

وپەراسيا ناتيجەسىندە قاتىسۋشى-مەملەكەتتەر اۋماعىندا زاڭسىز اينالىمىنان 9 توننا ەسىرتكى، ونىڭ ىشىندە 5 توننا اپيىن، 38 كگ گەروين، 2 توننا سينتەتيكالىق ەسىرتكىلەر، 800 كگ گاشيش جانە 830 كگ ماريحۋانا تاركىلەندى.

115 بىرلىك قارۋ-جاراق، 2،5 مىڭعا تاياۋ وق-دارىلەر، 127 مىڭ اقش دوللارى كولەمىندە باعالى ماتەريالدىق زاتتار مەن باسقا دا زاتتار تاركىلەندى.

719 ەسىرتكى قىلمىسى اشىلدى، 7 مىڭعا تاياۋ قىلمىستىق ٴىس قوزعالدى. زاڭسىز ارەكەتتەرى ٴۇشىن 500 ادام اكىمشىلىك جاۋاپكەرشىلىككە تارتىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي