BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

گۇلشارا ٴابدىقالىقوۆا ازاماتتىق باستامالاردىڭ ٴىى كونگرەسىنە قاتىستى

فوتو: Егемен Қазақстан

قازاقستان رەسپۋبليكاسىنىڭ مەملەكەتتىك حاتشىسى گۇلشارا ٴابدىقالىقوۆا سىبايلاس جەمقورلىققا قارسى كۇرەس ماسەلەلەرى جونىندەگى ازاماتتىق باستامالاردىڭ ٴىى كونگرەسىنە قاتىستى، دەپ حابارلايدى baq.kz اقپارات اگەنتتىگى اقوردانىڭ ٴباسپاسوز قىزمەتىنە سىلتەمە جاساپ.

ٴىس-شاراعا مەملەكەتتىك ورگاندار، ديپلوماتيالىق كورپۋس، حالىقارالىق ۇيىمدار جانە ەلىمىزدەگى ازاماتتىق قوعامداستىق وكىلدەرى قاتىستى.

كونگرەسس سىبايلاس جەمقورلىققا قارسى ىس-ارەكەت ماسەلەسى بويىنشا مەملەكەت پەن قوعامدى جۇمىلدىراتىن بىرەگەي الاڭعا اينالدى.

ونىڭ نەگىزگى مىندەتى – بارلىق دەڭگەيدە، ٴاربىر ەلدى مەكەندە جانە اۋىلدىق وكرۋگتەردە جۇرگىزىلىپ جاتقان قوعامدىق باقىلاۋدىڭ باستى قاعيداتتارىن ورنىقتىرۋ.

مەملەكەتتىك حاتشى «ٴتورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋدىڭ نەگىزگى باسىمدىعىنىڭ ٴبىرى سىبايلاس جەمقورلىققا قارسى كۇرەس جانە زاڭ ۇستەمدىگى ەكەنىن اتاپ ٴوتتى.

گ.ٴابدىقالىقوۆا 2014 جىلى قازاقستان پرەزيدەنتى «مۇلدە توزبەۋشىلىك» احۋالىن قالىپتاستىرۋ ارقىلى سىبايلاس جەمقورلىققا قارسى قوزعالىسقا بۇكىل قوعامدى تارتۋعا باعىتتالعان سىبايلاس جەمقورلىققا قارسى ستراتەگيانى بەكىتكەنىن ايتتى. وسى ۋاقىت ىشىندە 64 شارا اتقارىلىپ، اكىمشىلىك كەدەرگىنى ازايتۋعا، تۇرمىستىق جەمقورلىق دەڭگەيىن تومەندەتۋگە ەلەۋلى سەپتىگىن تيگىزدى. ماسەلەن، ٴقازىر بارلىق وڭىردە ازاماتتارعا بيۋدجەت قاراجاتىنىڭ يگەرىلۋىن، ماقساتقا ساي قولدانىلۋىن، الەۋمەتتىك نىساندار قۇرىلىسىنىڭ ساپاسى مەن مەرزىمىن باقىلاۋعا مۇمكىندىك بەرەتىن قوعامدىق باقىلاۋ كارتاسى ىسكە قوسىلدى. ەلدە جۇرگىزىلىپ جاتقان سىبايلاس جەمقورلىققا قارسى ساياساتقا دەگەن جۇرتشىلىقتىڭ سەنىمى كۇشەيدى.

كەزەكتى زاڭنامالىق وزگەرىستەر سىبايلاس جەمقورلىق سيپاتىنداعى قۇقىق بۇزۋشىلىقتىڭ الدىن الۋ جۇيەسىن جەتىلدىرۋدىڭ قۇقىقتىق نەگىزدەرىن قالىپتاستىردى.

قازاقستان بۇۇ-نىڭ سىبايلاس جەمقورلىققا قارسى كونۆەنسياسىن; ۇيىمداسقان ترانسۇلتتىق قىلمىسقا قارسى كونۆەنسيانى; ەۋروپا كەڭەسىنىڭ قىلمىستىق ارەكەتتەردەن تۇسكەن كىرىستەردى جىمقىرۋ، انىقتاۋ، تارتىپ الۋ جانە تاركىلەۋ تۋرالى كونۆەنسيالارىن راتيفيكاسيالادى.

«بۇگىندە ٴبىز «سىبايلاس جەمقورلىققا قارسى كۇرەس جونىندەگى ىستانبۇل جوسپارى» مونيتورينگىنىڭ ٴوزارا باعا بەرۋگە ارنالعان سۋبوڭىرلىك باعدارلاماسىنا بەلسەندى تۇردە اتسالىسىپ وتىرمىز»، – دەدى مەملەكەتتىك حاتشى.

سوڭىندا مەملەكەتتىك حاتشى گ.ٴابدىقالىقوۆا سىندارلى وي-پىكىرلەردىڭ ورتاعا سالىنىپ، ٴتيىمدى ديالوگ ورنايتىنىنا نيەتتەستىك ٴبىلدىرىپ، كونگرەسكە قاتىسۋشىلارعا زور تابىس تىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي