BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

پەتروپاۆلداعى فورۋم. رەسەي فورۋمنان نە كۇتەدى؟

فوتو: © РИА Новости/Алексей Дружинин. ҚР Президенті Нұрсұлтан Назарбаев пен РФ президенті Владимир Путин Челябідегі кездесу кезінде. 2017 жылдың 9 қарашасы

استانا، baq.kz. 9 قاراشا كۇنى پەتروپاۆلدا ٴوڭىرارالىق ىنتىماق ماسەلەسى بويىنشا قازاقستان مەن رەسەيدىڭ مەملەكەت باسشىلارى قاتىساتىن فورۋم وتەدى. ٴوڭىرارالىق فورۋمدار - رەسەي ٴۇشىن ەرەكشە ٴمانى بار وقيعالار. رف وسى ارقىلى ٴوزىنىڭ ايماقتاعى ورنىن ٴبىر پىسىقتاپ الاتىن سياقتى.

رەسەي مەن ٴدۇيىم الەم اراسىنداعى كيكىلجىڭ بارىمىزگە ايان. مۇندايدا قازاقستان سياقتى ستراتەگيالىق ارىپتەستىڭ ايماقتاعى ساياساتىنان باستاپ، بۇۇ-داعى داۋىس بەرۋىنە دەيىن ماڭىزدى.

بۇگىندەرى رف پرەزيدەنتى پۋتين حالىقارالىق ارەنادا تاعى دا ەكىۇداي جاعدايعا قالىپ وتىر. 11 قاراشادا پاريجدە بولاتىن i دۇنيەجۇزىلىك سوعىستىڭ بىتۋىنە 100 جىل تولۋىنا وراي شارادا يزرايل پرەمەرى نەتانياحۋمەن كەزدەسۋى بولمايتىن بولدى. مۇنى رەسمي كرەمل "فرانسيا بيلىگىنىڭ ٴوتىنىشى" دەپ ٴتۇسىندىردى. بۇدان ٴسال ەرتەرەك ٴدال وسى شارادا اقش پرەزيدەنتى ترامپپەن كەزدەسۋ ارەكەتى دە اياقسىز قالعان بولاتىن. رەسمي تۇسىنىكتەمە - ۆاشينگتون مەن ماسكەۋدىڭ كەزدەسۋى كۇن تارتىبىندەگى باستى شارانىڭ ماڭىزىن جاۋىپ كەتۋى مۇمكىن.

ٴوز كەزەگىندە قازاقستان - رەسەيمەن ارادا جاسالعان ۋاعدالاستىقتىڭ بارلىعىنا ٴارقاشان بەرىك بولعان. "ماڭگى دوستىق" دەگەن ٴسوزدى ايتەۋىر قازاقستان ەشقاشان كەرەعار تۇسىنبەگەن، ونىڭ مازمۇنىن قۇبىلتىپ، "كەڭەيتۋگە"، "استار" ىزدەۋگە تىرىسپاعان. رەسەيدى ايماقتا دا، حالىقارالىق ارەنادا دا كوپتەگەن سەرىكتەستەرىنىڭ ٴبىرى رەتىندە قولداپ كەلدى.

ٴپۋتيننىڭ قازاقستانداعى كۇن ٴتارتىبى كەلەسىدەي. بۇگىن (8 قاراشا كۇنى) استاناعا ٴتۇسىپ، ۇجىمدىق قاۋىپسىزدىك تۋرالى شارت ۇيىمىنىڭ جۇمىسىنا قاتىسادى. بۇل ۇيىمنىڭ ەڭ جوعارى ورگانى - ۇجىمدىق قاۋىپسىزدىك كەڭەسىنىڭ ٴتوراعاسى نازاربايەۆ ەكەنىن ەسكەرسەك، سەسسيا بارىسىندا قول قويىلادى دەپ كۇتىلەتىن 20 شاقتى قۇجاتقا قازاقستاننىڭ ىقىلاسى ماڭىزدى.

ال 9 قاراشا كۇنى پۋتين قازاقستاننىڭ سولتۇستىگىنە بارادى. پەتروپاۆلدا «قازاقستان مەن رەسەيدەگى ٴتۋريزمدى دامىتۋداعى جاڭا شەشىمدەر مەن تەندەنسيالار» تاقىرىبىندا وتەتىن xv ٴوڭىرارالىق فورۋمعا قاتىسادى. فورۋمنىڭ پلەنارلىق ماجىلىسىنە قاتىسقاننان كەيىن پرەزيدەنت نازاربايەۆپەن بىرگە تاقىرىپتىق كورمەدە بولادى. بۇل شارادا دا ەكىجاقتى كەلىسىمدەرگە قول قويىلادى. بۇعان قوسا، وسى فورۋمدا نازاربايەۆ پەن رەسەي پرەزيدەنتىنە "بايتەرەك" زىمىراندىق كەشەنىنىڭ پرەزەنتاسياسى جاسالادى.

رەسەي پرەزيدەنتىنىڭ قازىرگى احۋالدا ايماقتاعى ستراتەگيالىق ارىپتەسى قازاقستاننىڭ وڭ ىقىلاسىنا مۇقتاج ەكەنى ٴسوزسىز. ال قازاقستان تاراپى كەز كەلگەن قارىم-قاتىناستا ٴارقاشان تەك ەكونوميكالىق ريتوريكادا بولعانى الەمگە ايان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي