BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

ەو ورتا ازيامەن قارىم-قاتىناستى دامىتۋدىڭ 2027 جىلعا دەيىنگى جوسپارىن بەكىتپەكشى

فوتو: ҚР СІМ

استانا، baq.kz. حالىقارالىق قاتىناستار جونىندەگى ەۋرازيالىق كەڭەس ەۋرووداقتىڭ ورتا ازيا بويىنشا جاڭا ستراتەگياسىنا ۇسىنىستارىن جاريالادى. بۇل تۋرالى قر ٴسىم ٴباسپاسوز قىزمەتىنەن حابارلادى.

قر سىرتقى ىستەر ٴمينيسترىنىڭ ورىنباسارى رومان ۆاسيلەنكونىڭ ۇلىبريتانياعا ساپارى قازاقستاندىق دەلەگاسيانىڭ حالىقارالىق قاتىناستار جونىندە ەۋرازيالىق كەڭەستىڭ (حقەك) ٴ5-شى وتىرىسىنا قاتىسۋىمەن اياقتالدى. كەڭەس وتىرىسى ەۋرووداقتىڭ سىرتقى بايلانىس بويىنشا بۇرىنعى جوعارى كوميسسارى جانە حقەك كونسۋلتاتيۆتىك كەڭەسىنىڭ قازىرگى ٴتورايىمى بەنيتا فەررەرو-ۆالدنەردىڭ باسشىلىعىمەن ٴوتتى.

«وزدەرىڭىز بىلەتىندەي، قازان ايىندا پرەزيدەنت نۇرسۇلتان نازاربايەۆ بريۋسسەلدەگى اسەم سامميتىندە ٴسوز سويلەپ، حالىقارالىق ارەناداعى سەنىم جانە ديالوگ داعدارىسى جايىندا الاڭداۋشىلىعىن بىلدىرگەن ەدى. وسىندا جينالعان بەدەلدى ەۋروپالىق ساياسي قايراتكەرلەرگە پرەزيدەنتىمىزدىڭ ٴوزارا سەنىمدى ارتتىرۋ شارالارىن نىعايتۋ جانە استانادا الدىڭعى قاتارلى الەمدىك دەرجاۆالار كوشباسشىلارىنىڭ كەزدەسۋىن وتكىزۋ جايلى باستاماسىن ەگجەي-تەشجەيلى تالقىلاۋدى ۇسىنامىن»، – دەدى ر. ۆاسيلەنكو وتىرىستا.

قازاقستاندىق ديپلومات كەزدەسۋگە قاتىسۋشىلاردى ورتالىق ازيا مەملەكەتتەرى اراسىنداعى جانە اتالعان ەلدەر مەن ەۋروپالىق وداق اراسىنداعى قارىم-قاتىناستاردىڭ جاعىمدى ديناميكاسى تۋرالى، سونداي-اق ەو-نىڭ ورتالىق ازيا بويىنشا ستراتەگياسى جونىندە استانانىڭ ٴبىرقاتار جالپى ۇستانىمدارى تۋرالى حاباردار ەتتى. سونىمەن قاتار، ٴوزارا بايلانىس پەن لوگيستيكاعا، جەكە كاسىپكەرلىكتى دامىتۋعا (ايەلدەر كاسىپكەرلىكتى قوسا العاندا)، زاڭ ۇستەمدىگىن نىعايتۋعا نازار اۋدارۋ جونىندە ۇسىنىستار ايتىلدى. وعان قوسا ستراتەگيانى نەعۇرلىم قۇرىلىمدالعان جانە جۇيەلى ۇسىنۋ بويىنشا، ونلاين-كەڭىستىكتە اتالعان قۇجات پەن بارلىق ٴتيىستى اقپاراتتى ناسيحاتتاۋ جونىندە ۇسىنىستار ەنگىزىلدى.

وتىرىس ناتيجەسىندە حقەك-تىڭ ەۋرووداقتىڭ ورتا ازيا بويىنشا جاڭا ستراتەگياسىنا ۇسىنىستار قامتىلعان ارنايى بايانداماسى تانىستىرىلدى. اتالعان ستراتەگيا 2019 جىلدىڭ ٴبىرىنشى جارتىسىندا قابىلدانادى دەپ كۇتىلۋدە. باياندامادا بۇۇ، ەو، ەقدب، ٴبىرقاتار ۋنيۆەرسيتەتتەر، ت.ب. بەدەلدى ۇيىمدار ۇسىنعان ماتەريالدار نەگىزگە الىندى. قۇجاتتا ەو-عا ورتا ازيامەن قارىم-قاتىناستى دامىتۋدىڭ 2020-2027 جىلدارعا ارنالعان باعدارلاماسىندا ماقساتتى ارەكەتتەردى ىسكە قوسۋعا قاتىستى پراكتيكالىق ۇسىنىستار بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي