BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

ەندى قازاقستاندىقتار ومانعا ۆيزاسىز بارا الادى

ماسقاتتا قازاقستان رەسپۋبليكاسىنىڭ ۇكىمەتى مەن ومان سۇلتاندىعىنىڭ ۇكىمەتى اراسىنداعى ديپلوماتيالىق، ارنايى جانە قىزمەتتىك پاسپورتتار يەلەرىن ۆيزالىق تالاپتاردان ٴوزارا بوساتۋ تۋرالى كەلىسىمگە قول قويىلدى، دەپ حابارلايدى ۆaq.kz اقپارات اگەنتتىگى.

قۇجاتقا قازاقستاننىڭ ومانداعى ەلشىسى ەرجان مۇقاش پەن ومان سىرتقى ىستەر ٴمينيسترىنىڭ ورىنباسارى مۋحامەد بين يۋسۋف بين قاسىم از-زارافي قول قويدى.

ۇكىمەتارالىق كەلىسىمگە قول قويىلۋى ەكى ەل اراسىنداعى شارتتىق-قۇقىقتىق بازانى جۇيەلى كەڭەيتۋگە ماڭىزدى قادام بولدى.

ايتا كەتۋ كەرەك، وتكەن جىلى ومان ۇكىمەتىنىڭ شەشىمى بويىنشا قازاقستان ازاماتتارى اقش، كانادا، اۆستراليا، ۇلىبريتانيا، سونداي-اق شەنگەن كەلىسىمى ەلدەرىنىڭ ۆيزالارى نەمەسە وسى ەلدەردە تۇراقتى تۇرۋعا رۇقساتتارى بار بولعان جاعدايدا، ۆەب-سايت ارقىلى تۋريستىك ۆيزالاردى (ە-ۆيزا) جەرگىلىكتى دەمەۋشىسىز الا الاتىن 25 ەلدىڭ تىزىمىنە ەنگىزىلدى. بۇل جاعداي قازاقستان مەن ومان اراسىندا ەكىجاقتى تۋريزم سالاسىنداعى قارىم-قاتىناستاردى نىعايتۋعا مۇمكىندىك بەرەتىنى ٴسوزسىز.

ٴوز كەزەگىندە ومان سۇلتاندىعى شاقىرۋسىز جەڭىلدەتىلگەن ٴتارتىپ بويىنشا قىسقا مەرزىمدى قازاقستان ۆيزاسى بەرىلەتىن 48 مەملەكەتتىڭ قاتارىنا كىرەدى.

تۋريزم سالاسىنداعى ەكىجاقتى قارىم-قاتىناستاردى نىعايتۋ ماقساتىندا قازاقستاننىڭ ومانداعى ەلشىلىگىنىڭ قولداۋىمەن ٴىرى وماندىق majan light travel & tourism كومپانياسى مەن al baleed resort كومپانياسى وكىلدەرىنىڭ 2017 جىلعى ساۋىردە الماتىعا ساپارى ۇيىمداستىرىلدى. وماندىق كومپانيالاردىڭ وكىلدەرى قازاقستاندىق ارىپتەستەرىمەن كەزدەسىپ، ٴوزارا ٴتيىمدى ىنتىماقتاستىقتىڭ بولاشاق دامۋ جولدارىن تالقىلادى.

2017 جىلعى قىركۇيەكتە قازاقستاندىق تۋريستىك كومپانيالارىنىڭ وكىلدەرى وماندا قارىمتا ساپارمەن بولىپ، ەكى ەلىدىڭ تۋريستىك كومپانيالار اراسىندا تىعىز بايلانىس ورناتىلدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي