USD 336.23 EUR 360.3 RUB 5.28
استانا:

ەندى قازاقستان مەن قىرعىزستان ازاماتتارى ەكى ەلدە تىركەلمەي 30 كۇنگە دەيىن جۇرە الادى

فوتو: Доган Йылдыз

بۇگىن قىرعىزستان رەسپۋبليكاسىنىڭ سىرتقى ىستەر ٴمينيسترى ەرلان ابدىلبايەۆ پەن وسى ەلدىڭ ىشكى ىستەر ٴمينيسترىنىڭ ورىنباسارى قۇرسان اسانوۆ قازاقستانعا رەسمي ساپارمەن كەلدى. ناتيجەسىندە ەلىمىز باۋىرلاس ەلمەن ٴۇش قۇجاتقا قول قويدى، دەپ حابارلايدى baq.kz ٴتىلشىسى.

ەكى جاقتى كەزدەسۋ بارىسىندا ەكى ەلدىڭ سىرتقى ىستەر مينيسترلەرى 2017-2018 جىلدارعا ارنالعان ىنتىماقتاستىق باعدارلاماسىنا جانە 2012 جىلدىڭ 11 مامىرىنداعى قازاقستان ۇكىمەتى مەن قىرعىز ۇكىمەتى اراسىنداعى قر ازاماتتارىنىڭ قىرعىز رەسپۋبليكاسىنىڭ اۋماعىندا جانە قىرعىز رەسپۋبليكاسى ازاماتتارىنىڭ قازاقستان اۋماعىندا بولۋ ٴتارتىبى كەلىسىمىنە وزگەرىستەر مەن تولىقتىرۋلار ەنگىزۋ تۋرالى حاتتاماعا قول قويادى.

كەيىن قر ىشكى ىستەر ٴمينيسترى قالمۇحانبەت قاسىموۆ جانە قىرعىزستان ىشكى ىستەر ٴمينيسترىنىڭ ورىنباسارى قۇرسان اسانوۆ قازاقستان ۇكىمەتى مەن قىرعىز ۇكىمەتى اراسىنداعى رەادميسسيا تۋرالى كەلىسىمدى ىسكە اسىرۋ ٴتارتىبى تۋرالى حاتتاماعا قول قويدى.

جيىن بارىسىندا ەرلان ىدىرىسوۆ باۋىرلاس قىرعىز ەلىمەن قارىم-قاتىناستى جوعارى باعالادى.

«بۇگىن استاناعا باۋىرلاس قىرعىز ەلىنەن ماڭىزدى دەلەگاسيا كەلدى. ارىپتەسىم، قىرعىزستان رەسپۋبليكاسىنىڭ سىرتقى ىستەر ٴمينيسترى ەرلان ابدىلدايەۆپەن ەكىجاقتى كوپتەگەن ماسەلەنى تالقىلادىق. تاڭەرتەڭ ٴبىزدى ەلباسى نۇرسۇلتان نازاربايەۆ قابىلدادى. مەملەكەت باسشىسى ەكى ۇكىمەت اراسىنداعى قارىم-قاتىنىستى دامىتۋعا ارنالعان كەشەندى باعدارلامانى جاساۋعا تاپسىرما بەردى. اتالمىش تاپسىرما بويىنشا ەكى مەملەكەت جۇمىس ىستەيتىن بولادى. باۋىرلاس قىرعىزستانمەن قالىپتاسقان سەنىمدى جانە دوستىق قاتىناسىمىزدى جوعارى باعالايمىز»، - دەدى مينيستر.

ال قىرعىزستان سىرتقى ىستەر ٴمينيسترى ەرلان ابدۋلدايەۆ كەزدەسۋ بارىسىندا قانداي ماسەلەلەردىڭ تالقىلاندىعىن اتاپ ٴوتتى.

«ٴبىز شەكاراداعى وتكىزۋ پۋنكتەرىنە قاتىستى ماسەلەلەردى تالقىلادىق. بۇل باعىتتا جۇمىستار باستالدى. ول ٴوز ناتيجەسىن بەرۋدە. الداعى ۋاقىتتا شەكارامىزداعى بارلىق باقىلاۋ-وتكىزۋ پۋنكتەرىندە ازاماتتارىمىز ەركىن ٴوتۋى ٴۇشىن ٴتيىستى شارالاردى قولعا الدىق. سونىمەن قاتار، ٴبىز تاعى ٴبىر ماڭىزدى قۇجاتقا قول قويدىق. ياعني قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسى ۇكىمەتى اراسىنداعى قر ازاماتتارىنىڭ قىرعىز رەسپۋبليكاسىنىڭ اۋماعىندا جانە قىرعىز رەسپۋبليكاسى ازاماتتارىنىڭ قازاقستان اۋماعىندا بولۋ ٴتارتىبى كەلىسىمىنە وزگەرىستەر مەن تولىقتىرۋلار ەنگىزۋ حاتتاماسىنا قول قويىلدى. ەندى ازاماتتارىمىز ەكى ەلدە تىركەلمەي-اق 30 كۇنگە دەيىن جۇرە الادى. ارينە، بۇل قۇجات مەملەكەتتەر ىشىندەگى ورگانداردا راتيفيكاسيادان ٴوتۋى كەرەك. بۇل قۇجات كوپ كۇتتىرمەي، پارلامەنتتە راتيفيكاسيادان وتەدى دەگەن ۇمىتتەمىن»، - دەدى ول.

سونداي-اق، ەرلان ابدۋلدايەۆ ەكى جاقتى كەلىسىمنىڭ قورىتىندىسى كوڭىلىنەن شىققاندىعىن اتاپ ٴوتتى.

«ەكى ەل اراسىندا شەشىلمەگەن ماسەلەلەر دە بار. ماڭىزدىسى بىزدە وسى ماسەلەلەردى شەشۋگە دەگەن ىنتا بار. ٴبىز باۋىرلاس، اعايىندى ەلمىز»، - دەدى مينيستر.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي