BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

ەلتاڭباداعى «قازاقستان» ٴسوزى لاتىن الىپبيىمەن جازىلادى

پارلامەنت سەناتى كونستيتۋسيالىق زاڭناما، سوت جۇيەسى جانە قۇقىق قورعاۋ ورگاندارىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ كەيبىر كونستيتۋسيالىق زاڭدارىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى، دەپ حابارلايدى baq.kz اقپارات اگەنتتىگى سەناتتىڭ ٴباسپاسوز قىزمەتىنە سىلتەمە جاساپ.

قۇجات سايلاۋ تەتىكتەرىن، ونىڭ ىشىندە جاڭا ينستيتۋتتار ەنگىزۋ ارقىلى جەتىلدىرۋگە ارنالعان.

«قازاقستان رەسپۋبليكاسىنداعى سايلاۋ تۋرالى» زاڭعا مىنانداي قۇقىقتىق ەرەجەلەر ەنگىزىلەدى:

- اۋداندىق دەڭگەيدەگى (اۋداندىق ماڭىزى بار قالا، اۋىل، كەنت، اۋىلدىق وكرۋگ) اكىمدەردى تىكەلەي سايلاۋ ەنگىزىلەدى;

- پارتيالار تىزىمدەرى بويىنشا سايلاناتىن ٴماسليحات دەپۋتاتتارىن سايلاۋدىڭ تەپە-تەڭدىك جۇيەسى بەكىتىلەدى;

- وكرۋگتىك سايلاۋ كوميسسيالارى تاراتىلادى;

- اۋىلدىق دەڭگەيدەگى اكىمدەردى تىكەلەي سايلاۋعا كوشىرىلۋىنە بايلانىستى اۋماقتىق سايلاۋ كوميسسيالارىنا اۋىلدىق دەڭگەيدەگى اكىمدەردى سايلاۋدى ۇيىمداستىرۋ جانە ونى وتكىزۋ جونىندەگى وكىلەتتىكتەر بەرىلەتىن بولادى;

- اۋماقتىق سايلاۋ كوميسسياسىنىڭ ەكى مۇشەسىنە وكىلەتتىكتى كاسىبي دەڭگەيدە جۇزەگە اسىراتىنى تۋرالى ەرەجە ەنگىزىلەدى;

- سايلاۋ ۇدەرىستەرىنە سيفرلاندىرۋ بولىكتەرى، ونىڭ ىشىندە سايلاۋشىلار ٴتىزىمىن سيفرلاندىرۋ ەنگىزىلەدى;

-ەلەكتروندى بۇقارالىق اقپارات قۇرالدارىنا سايلاۋ الدى ناسيحات جۇرگىزۋ رەتتەلەدى;

- حالىقارالىق بايقاۋشىلاردى تىركەۋدى كەرى شاقىرىپ الۋ ٴتارتىبى ناقتىلانادى.

زاڭ جوباسىمەن «قازاقستان رەسپۋبليكاسىنىڭ مەملەكەتتىك رامىزدەرى تۋرالى» كونستيتۋسيالىق زاڭىنا مەملەكەتتىك ەلتاڭباعا «قازاقستان» جازۋىن لاتىن ارىپتەرىمەن جازۋدى كوزدەيتىن تۇزەتۋ ەنگىزىلەدى.

وتىرىستا سونداي-اق «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سايلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ٴبىرىنشى وقىلىمدا قارالدى.

زاڭ جوباسى زاڭنامالىق اكتىلەردى «قازاقستان رەسپۋبليكاسىنىڭ كەيبىر كونستيتۋسيالىق زاڭدارىنا وزگەرىستەر مەن تولىقتىرۋلار ەنگىزۋ تۋرالى» كونستيتۋسيالىق زاڭ جوباسىمەن سايكەستەندىرۋ ماقساتىندا ازىرلەنگەن بولاتىن.

بەس زاڭنامالىق اكتىگە:

بيۋدجەت كودەكسىنە، اكىمشىلىك قۇقىق بۇزۋشىلىق تۋرالى كودەكسكە، «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ٴوزىن-وزى باسقارۋ تۋرالى» جانە «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭدارعا تۇزەتۋلەر ەنگىزىلەدى.

زاڭ جوباسىمەن مىنانداي نەگىزگى وزگەرىستەر مەن تولىقتىرۋلار ەنگىزىلەدى:

- سايلاۋشىلار مەن سايلاۋ كوميسسيالارىنىڭ مۇشەلەرىن جەرگىلىكتى بيۋدجەت ەسەبىنەن وقىتۋ ەنگىزىلەدى;

- سايلاۋعا قاتىساتىن ۇمىتكەرلەردىڭ، ساياسي پارتيالاردىڭ ۇگىت-ناسيحات ماتەريالدارىن جاريا ەتۋ نەمەسە ەفيرگە شىعارۋ ٴتارتىبىنىڭ بۇزىلۋىنا، سونداي-اق سايلاۋعا بايلانىستى قوعامدىق پىكىر سۇراۋ شارتتارىن بۇزعانى ٴۇشىن جاۋاپكەرشىلىك بەلگىلەنەدى;

- اۋىلدىق دەڭگەيدەگى اكىمدەردىڭ لاۋازىمعا سايلانۋى مەن وكىلەتتىگىن توقتاتۋى ٴتارتىبى ايقىندالادى.

زاڭ جوبالارى پالاتالاردىڭ قاراۋىنا جىبەرىلدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي