BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

ەلشى: سيريا ماسەلەسىن رەتتەۋدە استانا پروسەسىنىڭ ماڭىزى زور

استانا، baq.kz. تۇركيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى نەۆزات ۋيانىك قازاقستاندىق باق وكىلدەرىنە وتكىزگەن بريفينگ بارىسىندا استانا پروسەسى سيرياداعى جاعدايدى بارىنشا وڭتايلاندىرىپ، قاندى قىرعىندى ازايتۋعا ايتارلىقتاي ۇلەس قوسقانىن مالىمدەدى.

ەلشىنىڭ ايتۋىنشا، تۇركيا بۇل باستامانى تولىق قولدايدى. ويتكەنى ٴقازىر وندا ٴۇش جارىم ميلليون سيريالىق بوسقىن ٴجۇر. ولاردى ورنالاستىرۋعا 32 ميلليارد دوللار جۇمسالعان. سوندىقتان بارلىق تاراپ سيرياداعى شيەلەنىستىڭ تەزىرەك شەشىلۋىنە مۇددەلى.

نەۆزات ۋيانىك پرەزيدەنتتىك جۇيەگە كوشكەننەن كەيىن دە تۇركيا بىتىمگەرلىك جانە گۋمانيتارلىق كومەك باعىتىنداعى جۇمىستارىن جالعاستىراتىنىن العا تارتتى. بۇعان قوسا، ەلشى الداعى ۋاقىتتا استانادا وتەتىن كەزەكتى پروسەستەن زور ناتيجە كۇتەتىندىكتەرىن جەتكىزدى.

«سيريا ماسەلەسىن رەتتەۋدە استاناداعى جيىننىڭ ماڭىزى زور. اسىرەسە، الدا وتەتىن كەزدەسۋدە ناقتى شەشىمدەر قابىلدانىپ، تاراپتاردى تاتۋلاستىرۋعا تاعى ٴبىر قادام جاسالادى دەپ ۇمىتتەنەمىز. ٴبىز سيريا توپىراعىندا تىنىشتىقتىڭ ورناۋى مەن قازىرگى قاقتىعىستىڭ ساياسي شەشىم ارقىلى توقتاتىلۋىن قالايمىز. سونداي-اق تۇركيا بۇۇ-دا ەنگىزىلگەن پارامەترلەر نەگىزىندە ساياسي شەشىمنىڭ ورناۋىن قولدايدى» دەيدى تۇركيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي