BAQ.kz - Қазақстан жаңалықтары USD 374.47 BAQ.kz - Қазақстан жаңалықтары EUR 421.43 BAQ.kz - Қазақстан жаңалықтары RUB 5.54
استانا:

«ەلىنە جول اشقان» – قازاق پەن ازەربايجان حالقىنىڭ تەرەڭ دوستىعىنىڭ ايعاعى

فوتو: Ержан Жаубай

قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىندا «ەلىنە جول اشقان» كىتابىنىڭ تۇساۋكەسەرى ٴوتتى. قازاق تىلىنە اۋدارىلعان اتالمىش كىتاپ ازەربايجان حالقىنىڭ جالپىۇلتتىق كوشباسشىسى گەيدار ٴاليرزا ۇلى اليەۆكە ارنالعان، دەپ حابارلايدى baq.kz اقپارات اگەنتتىگى.

ٴىس-شاراعا قازاقستان رەسپۋبليكاسى پرەزيدەنتى كەڭسەسىنىڭ باستىعى، جاڭا باسىلىم رەداكسيا القاسىنىڭ جەتەكشىسى ماحمۇت قاسىمبەكوۆ، ازەربايجان پرەزيدەنتىنىڭ قوعامدىق-ساياسي سۇراقتارى بويىنشا كومەكشىسى ٴالي گاسانوۆ، ازەربايجان پارلامەنتىنىڭ دەپۋتاتى، «ازەربايجان-قازاقستان» پارلامەنتارالىق دوستىق توبىنىڭ ٴتوراعاسى ٴادىل اليەۆ، ازەربايجان پارلامەنتىنىڭ دەپۋتاتى، «ازەربايجان-قازاقستان» پارلامەنتارالىق دوستىق توبىنىڭ مۇشەسى نيزامي دجافاروۆ، قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورىنىڭ اتقارۋشى ديرەكتورى قانات جۇمابايەۆ، قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى ديرەكتورىنىڭ ورىنباسارى ٴامىرحان راحىمجانوۆ، حالىقارالىق تۇركى اكادەمياسى ۇيىمىنىڭ پرەزيدەنتى دارحان ٴقىدىرالى، ل.ن.گۋميلەۆ اتىنداعى ەۇۋ رەكتورى ەرلان سىدىقوۆ قاتىستى.

«گەيدار اليەۆ – قازىرگى گۇلدەنگەن، دەموكراتيالىق ازەربايجان رەسپۋبليكاسىنىڭ نەگىزىن قالاۋشى. «ەلىنە جول اشقان» كىتابىنىڭ تۇساۋى ازەربايجان كوشباسشىسىنىڭ 95 جىلدىعىنا وراي وتكىزىلىپ وتىر. باسىلىمنىڭ العى ٴسوزىن گەيدار اليەۆپەن تامىرى تەرەڭ دوستىقتا بولعان قازاقستان رەسپۋبليكاسىنىڭ پرەزيدەنتى ن.ٴا.نازاربايەۆ جازعان. بۇل كىتاپتىڭ جارىق كورۋى ەكى ەل اراسىنداعى دوستىقتىڭ ٴبىر ايعاعى. ەستەرىڭىزدە بولسا وسىدان التى اي بۇرىن ەلباسى تۋرالى «نۇرسۇلتان نازاربايەۆ. ٴومىربايان» اتتى كىتاپ ازەربايجان تىلىندە جارىق كورگەن بولاتىن» - دەيدى قازاقستان رەسپۋبليكاسى پرەزيدەنتى كەڭسەسىنىڭ باستىعى، جاڭا باسىلىم رەداكسيا القاسىنىڭ جەتەكشىسى ماحمۇت قاسىمبەكوۆ ٴوز سوزىندە.

كىتاپتا مەملەكەت باسشىلارىنىڭ، الەمگە بەلگىلى ساياساتكەرلەردىڭ، ەكونوميستتەر مەن بيزنەسمەندەردىڭ ەستەلىكتەرى كەلتىرىلگەن. سونىمەن قاتار، ونىڭ بەتتەرىندە كوكپ وك ساياسي بيۋروسىنىڭ بۇرىن قۇپيادا ساقتالعان قۇجاتتارى مەن سۋرەتتەرى ۇسىنىلعان.

تانىمال تۇلعا جايلى كىتاپتىڭ تانىستىرىلىمىنا كەلگەن قوناقتاردىڭ بارلىعى دا گەيدار اليەۆتىڭ ٴوز ەلىنىڭ دامۋى ٴۇشىن اتقارعان ىستەرىن جوعارى باعالاپ، ونىڭ قازاقستان مەن ازەربايجان اراسىنداعى دوستىق قارىم-قاتىناستىڭ جوعارى ۇلگىسىن كورسەتە بىلگەندىگىن ايتتى.

اتالعان كىتاپ ازىرگە 500 دانامەن جارىق كورگەن. الداعى ۋاقتتا تيراجىن كوبەيتۋ جوسپاردا بار. بۇل «ەلىنە جول اشقان» تۋىندىسىنىڭ ەكىنشى باسىلىمى. العاش رەت گەيدار اليەۆتىڭ 90 جىلدىق مەرەيتويىنا وراي رەسەيدە ورىس تىلىندە جارىق كورگەن.

ٴىس-شارا بارىسىندا گەيدار اليەۆ تۋرالى ٴفيلمنىڭ كورسەتىلىمى مەن ەلباسى كىتاپحاناسىنىڭ مۋزەيى بويىنشا ەكسكۋرسيا ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي