BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

قازاقستاندا ەلەكتروموبيل شىعارۋدا قىتايلىق تەحنولوگيا قولدانىلۋى مۇمكىن – ساراپشى

فوتو: интернеттен

وتكەن اپتادا قازاقستان پرەزيدەنتى نۇرسۇلتان نازاربايەۆتىڭ قىتايعا مەملەكەتتىك ساپارى كەزىندە بىرنەشە ماڭىزدى قۇجاتقا قول قويىلدى. ونىڭ ىشىندە ەكى ەل بىرلەسىپ قازاقستاندا مۇناي وڭدەۋ زاۋىتىن سالۋ، ماشينا جاساۋ سالاسىن دامىتۋ، كۇن ەلەكتر ستانسياسى پانەلدەرىن شىعاراتىن كلاستەرلەر سالۋ سياقتى ماڭىزدى جوبالار بار. وسى كەلىسىمشارتتاردىڭ قازاقستان ەكونوميكاسى ٴۇشىن ماڭىزدىلىعى تۋرالى قر پرەزيدەنتى جانىنداعى قازاقستان ستراتەگيالىق زەرتتەۋ ينستيتۋتى الەۋمەتتىك-ەكونوميكالىق زەرتتەۋلەر ٴبولىمىنىڭ عىلىمي مامانى بەكجان سادىقوۆ ايتىپ بەردى، دەپ حابارلايدى ۆaq.kz ٴتىلشىسى.

قازاقستان-قىتاي اراسىندا 40-قا جۋىق كوممەرسيالىق قۇجاتتىڭ اراسىندا ماشينا جاساۋ سالاسىن دامىتۋ دا بار. وسى ورايدا، ساراپشىنىڭ ايتۋىنشا، ەلىمىزدە ماشينا جاساۋ سالاسى تەك 2017 جىلى قايتا جانداندى.

«ماشينا جاساۋ – قازاقستاندا سوڭعى جىلدارى قيىندىققا تاپ بولعان سالالاردىڭ ٴبىرى. تەك 2017 جىلى سالاداعى ولقىلىقتار جويىلا باستادى. قازاقستان يندۋستريانى دامىتۋ ينستيتۋتىنىڭ دەرەكتەرىنە سۇيەنسەك، 2017 جىلى ماشينا جاساۋدىڭ فيزيكالىق كولەمىنىڭ يندەكسى 105،6%، جەكەلەگەن ماشينا جاساۋ 139% بولدى»، - دەدى ساراپشى.

مامان قىتاي قازاقستاننىڭ ماشينا جاساۋ سالاسىنا ينۆەستيسيا قۇيسا، ەلىمىزدىڭ ونەركاسىپ كەشەنىنە وڭ اسەر ەتەتىنىن اتاپ ٴوتتى.

«قىتاي قازاقستاننىڭ ماشينا جاساۋ سالاسىنا ينۆەستيسيا قۇيسا، اگروونەركاسىپ كەشەنىنە وڭ ىقپالىن تيگىزەدى، باسقا دا ماڭىزدى سالالاردا – مەتاللۋرگيا جانە ەنەرگەتيكادا تۇراقتىلىقتى قامتاماسىز ەتەدى. سوندىقتان ەكى ەل اراسىندا جاسالعان كەلىسىمدەر اۋىل شارۋاشىلىعى جانە تاۋ-مەتاللۋرگيالىق تەحنيكانى جاڭارتىپ، قايتادان قامتاماسىز ەتۋگە مۇمكىندىك بەرەدى. ناتيجەسىندە، ماشينا جاساۋداعى تەحنولوگيالىق شەشەمدەردى قولدانۋ ارقىلى ەڭبەك ونىمدىلىگىن ارتتىرادى»، - دەدى سادىقوۆ.

ساراپشىنىڭ ايتۋىنشا، قىتاي تاراپىمەن جاسالعان ماشينا جاساۋ سالاسىن دامىتۋعا كەلىسىم جەڭىل كولىك باعاسىن ارزانداتۋعا دا ىقپال ەتەدى.

«تاعى دا ٴبىر وڭتايلى تۇسى – جەڭىل اۆتوكولىك نارىعىنا جاڭا سەرپىن بەرەدى. «قازاقستانداعى اۆتوكولىك ونەركاسىبىن دامىتۋ» جوباسىنىڭ جول كارتاسىن ىسكە اسىرۋ قازاقستاندىق كاسىپورىنداردا قوسالقى جانە جيىنتىق بولشەكتەردى شىعارۋعا مۇمكىندىك بەرەدى. بۇل ٴوز كەزەگىندە جەڭىل اۆتوكولىك باعاسىن ارزانداتادى»، - دەدى ول.

مۇنىمەن قوسا، مامان قازاقستاندىق كاسىپورىندار قىتايلىق ەلەكتروموبيل شىعارۋ تەحنولوگياسىن قولدانۋى ابدەن ىقتيمال دەگەندى جەتكىزدى.

«سوڭعى بىرنەشە جىل بويى قىتايلىق اۆتو ونەركاسىپ نارىعىندا ايتارلىقتاي وزگەرىستەر بولدى – ولار ەلەكتروموبيل وندىرىسىنە اۋىستى. ەلەكتروموبيل شىعارۋداعى قىتايلىق تەحنولوگيالار بولاشاقتا قازاقستاندىق كاسىپورىنداردا قولدانىلۋى ابدەن مۇمكىن»، - دەپ تۇيىندەدى ٴسوزىن سادىقوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي