BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

ەقىۇ-نىڭ قازاقستانداعى قىزمەتىنە 20 جىل تولۋىنا وراي حالىقارالىق كونفەرەنسيا ٴوتتى.

كونفەرەنسيا بارىسىندا ەكى جاقتى ىنتىماقتاستىقتىڭ 20 جىلدىعىنا وراي جاھاندىق الەمدەگى ەقىۇ-نىڭ ٴرولىن جانە ونىڭ قازاقستان رەسپۋبليكاسىمەن ٴوزارا ىقپالداستىعى ماسەلەلەرى تالقىلاندى، دەپ حابارلايدى baq.kz اقپارات اگەنتتىگى اقوردانىڭ ٴباسپاسوز قىزمەتى.

باسقوسۋدى اشقان مەملەكەتتىك حاتشىسى گۇلشارا ٴابدىقالىقوۆا كونفەرەنسياعا قاتىسۋشىلارعا مەملەكەت باسشىسى ن.نازاربايەۆتىڭ قۇتتىقتاۋ ٴسوزىن وقىپ بەردى.

«2010 جىلى وسى بەدەلدى ۇيىمدى باسقارعان جانە بۇگىندە ونىڭ جۇمىسىنا بەلسەندى اتسالىسىپ كەلە جاتقان مەملەكەت رەتىندە ٴبىز ٴۇشىن بۇل وقيعانىڭ ماڭىزى زور. ەقىۇ-عا ٴتوراعالىعىمىز وڭىرلىك جانە حالىقارالىق قاۋىپسىزدىكتى قامتاماسىز ەتۋ ىسىنە ۇلەس قوسۋعا، ۇيىمدى باسقارۋ ٴۇشىن سەنىمگە، ساباقتاستىققا، اشىقتىق پەن توزىمدىلىككە نەگىزدەلگەن جاۋاپتى كوزقاراس تانىتۋعا مۇمكىندىك بەردى. قازىرگى كەزەڭدەگى حالىقارالىق قاتىناستار ترانسفورماسياسى جاعدايىندا ەقىۇ قاۋىپسىزدىكتىڭ جاڭا ارحيتەكتۋراسىنىڭ نەگىزگى ەلەمەنتىنىڭ ٴبىرى بولىپ قالا بەرەتىنى ايتىلعان»، - دەلىنگەن قۇتتىقتاۋ حاتتا.

ٴىس-شاراعا ەقىۇ باس حاتشىسى ت.گرەمينگەر، سىرتقى ىستەر ٴمينيسترى ق.ٴابدىراحمانوۆ، پرەزيدەنت كەڭسەسىنىڭ باستىعى م.قاسىمبەكوۆ، پارلامەنت دەپۋتاتتارى، مەملەكەتتىك ورگانداردىڭ، ديپلوماتيالىق ميسسيانىڭ، عىلىمي-ساراپتامالىق قوعامداستىقتىڭ، جوعارى وقۋ ورىندارىنىڭ، ازاماتتىق قوعامنىڭ وكىلدەرى قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي