BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

ەكى جىلدا قازاقستانعا رەسەيدەن كەلەتىن تۋريستەر سانى ەكى ەسە ارتتى

فوتو: автор

سولتۇستىك قازاقستان، baq.kz ٴتىلشىسى. قازاقستان مەن رەسەي ٴوڭىرارالىق ىنتىماقتاستىعىنىڭ حv فورۋمى اياسىندا پلەنارلىق سەسسيالار ٴوز جۇمىسىن باستادى. شەتەلدىك دەلەگاتتاردىڭ قاتىسۋىمەن «تۋريزم سالاسىن دامىتۋداعى كاسىپكەرلىكتىڭ ٴرولى» اتتى ىسكەرلىك كەڭەسى ٴوتتى.

القالى جيىندا شەكاراسىز تۋريزم – ٴبىرىڭعاي كەڭىستىك قۇرۋ، اتالعان سالانى دامىتۋداعى ساندىق تەحنولوگيالار، وندىرىستىك تۋريزم سىندى ماسەلەلەر قاراستىرىلدى.

«ستاتسيتيكالىق مالىمەتتەرگە سۇيەنسەك وتكەن جىلى قازاقستانعا 1 ملن 700 مىڭ رەسەيلىك تۋريست كەلگەن. 2017 جىلدىڭ ناۋرىز ايىندا ٴبىز ماسكەۋدە وتكەن حالىقارالىق تۋريستتىك كورمەگە قاتىستىق. وندا ٴبىز شىتىرمانعا تولى ٴارى قىزىقتى باعدارلامالارى بار بەلسەندى دەمالىس تۇرلەرىن تانىستىرىپ، تىڭ جوبالار ۇسىندىق. جالپى ايتقاندا بولاشاقتا بىرلەسىپ اتقاراتىن جۇمىس وتە كوپ. سونىمەن قاتار باستى ماسەلە – كولىككە قولجەتىمدىلىك. رەسەي مەن قازاقستان قالالارىنىڭ اراسىندا تىكەلەي بايلانىس ورناتۋ ماسەلەسىن شەشۋ»، - دەدى سەسسياعا قاتىسقان «kazakh toursim» ۇق اق باسقارما ٴتوراعاسى راشيد كۇزەمبايەۆ.

رەسەيدىڭ ٴنوۆوسىبىر وبلىسىنان كەلگەن مەيماندار ٴوز وڭىرلەرىنىڭ تۋريستتىك الەۋەتى جايلى ايتتى. قوناقتاردىڭ پىكىرىنشە پەتروپاۆل مەن ٴنوۆوسىبىردىڭ تابيعاتى، كليماتى، ٴداستۇرى مەن مەرەكەلەرىنىڭ ورتاق ۇقساستىقتارى وتە كوپ.

«ٴنوۆوسىبىر وبلىسىنىڭ رەسەي اۋماعىندا لايىقتى ورىنى بار. ٴبىز قوناقتارىمىزعا قىزىقتى ٴارى جاڭا دەمالىس باعىتتارىن ۇسانامىز. سونىمەن قاتار ٴنوۆوسىبىر وبلىسى پاۆلودارمەن شەكارالاس. پاۆلودار قالاسىمەن ىنتىماقتاستىق جايلى كەلىسىمىمىز بار. كوپ جىلدان بەرى مادەني، ساۋدا-ساتتىق سالادا بىرگە جۇمىس ىستەپ كەلەمىز. ٴبىزدىڭ تۇرعىندار سىزدەردىڭ ٴسۇت، كوكونىس سەكىلدى ونىمدەرىڭىزدى تۇتىنادى. ەكى ەل اراسىندا ەكونوميكالىق، ساۋدا-ساتتىق بايلانىس تا ورناعان. بولاشاقتا ارىپتەستىگىمىز دامي تۇسەدى دەگەن نيەتتەمىن»، - دەدى رف ٴنوۆوسىبىر وبلىسىنىڭ ونەركاسىپ، ساۋدا-ساتتىق جانە كاسىپكەرلىكتى دامىتۋ ٴمينيسترىنىڭ مىندەتىن اتقارۋشى نيكولاي سيمونوۆ.

فورۋمدا مەديسينالىق ٴتۋريزمنىڭ دامۋى دا اڭگىمە وزەگىنە اينالدى. قازاقستان كلينيكالارىنا جىل سايىن الەمنىڭ 45 مەملەكەتتەرىنەن مەديسينالىق تۋريست كەلەدى. شەتەلدىكتەردىڭ 90 پايىزى – تمد ەلدەرىنىڭ وكىلدەرى. اتاپ ايتار بولساق، رەسەي، قىرعىزستان جانە وزبەكستان ەلدەرىنەن. قالعان 10 پايىزى قىتاي، تۇركيا، يران جانە تاعى باسقا ەلدەردەن. فورۋمدا ايتىلعانداي، قازاقستان مەديسينالىق قىزمەت كورسەتۋ اياسىن شەكارالاس ەلدەر نارىعىنا شىعۋعا باعىتتاماق.

«كورمە جوعارى دەڭگەيدە ۇيىمداستىرىلعان. قازاقستاندا ەمدىك شارالارىن جاسايتىن بارلىق شيپاجايلار تانىستىرىلىپ جاتقانىن كورىپ قۋانىپ قالدىم. ٴوزىمىزدىڭ ەمدەلۋشىلەرگە اۋىز تولتىرىپ ايتا الامىز. جانە شەت ەلدەردە ەمەس، قازاقستاندا دەمالاتىن، ەمدەلەتىن ورىنداردىڭ كوپ ەكەنىنە تاعى ٴبىر كوزىمدى جەتكىزدىم»، - دەيدى پەتروپاۆل قالاسىنداعى ٴ3-شى قالالىق ەمحانانىڭ باس دارىگەرى ٴاليا تاشەتوۆا.

تۋريزم سالاسىنىڭ دامۋى – مەملەكەتىمىزدىڭ ەكونوميكاسىنا وڭ سەرپىلىس بەرەرى انىق. فورۋمعا قاتىسۋشىلار ماڭىزدى وقيعا قازاقستان مەن رەسەيدىڭ وسى سالاداعى جاڭا مۇمكىندىكتەر كوكجيەگىن اشاتىنىنا سەنىم ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي