USD 335.71 EUR 357.36 RUB 5.23
استانا:

د.نازاربايەۆا ماجارستان دەلەگاسياسىمەن كەزدەستى

فوتو: parlam.kz

پارلامەنت سەناتى حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ٴتورايىمى داريعا نازاربايەۆا ماجارستان سىرتقى ەكونوميكا جانە سىرتقى ىستەر مينيسترلىگى مەملەكەتتىك حاتشىسىنىڭ ورىنباسارى جولت چۋتورامەن كەزدەستى، دەپ حابارلايدى parlam.kz.

جۇزدەسۋشىلەر قازاقستان مەن ماجارستان قاتىناستارىنىڭ ستراتەگيالىق سيپاتىن اتاپ ٴوتتى. سەناتور وتكەن جىلعى جەلتوقساننىڭ اياعىندا قازاقستان مەن ەۋرووداق اراسىنداعى كەڭەيتىلگەن ارىپستەستىك جانە ىنتىماقتاستىق تۋرالى جاڭا كەلىسىمگە قول قويىلعانىنا نازار اۋداردى.

«ٴبىز ماجارستاننىڭ مەملەكەتتىك جينالىسىمەن قوسا ەۋروپا وداعىنا مۇشە بارلىق مەملەكەتتەردىڭ ۇلتتىق پارلامەنتتەرى كەلىسىمدى تەزىرەك راتيفيكاسيالايتىنىنا سەنىم ارتىپ وتىرمىز»، - دەدى د.نازاربايەۆا.

ساۋدا-ەكونوميكالىق ىنتىماقتاستىق تۋرالى ايتا كەلىپ، تاراپتار ەكىجاقتى تاۋار اينالىمىن ارتتىرۋ قاجەتتىگىن اتاپ ٴوتتى. سەناتتاعى ماجارستانمەن ىنتىماقتاستىق جونىندەگى پارلامەنتتىك توپتىڭ جەتەكشىسى د.نازاربايەۆا ەكى ەل اراسىنداعى تۋريستىك ساپارلاردى جيىلەتۋدىڭ ماڭىزدىلىعىنا توقتالدى. سەناتور استانادا وتەتىن حالىقارالىق ەكسپو-2017 كورمەسى اياسىندا ماجارلىق ساياحاتشىلاردى قازاقستانعا كەلۋگە، سونداي-اق ماجارلىق ينۆەستورلاردى قازاقستانداعى اۋىل شارۋاشىلىعى ونىمدەرىن وڭدەۋ سالاسىندا ٴوندىرىس ۇيىمداستىرۋعا شاقىردى. ج.چۋتورا د.نازاربايەۆاعا بىرلەسكەن ينفراقۇرىلىمدىق جانە ٴبىلىم بەرۋ جوبالارى تۋرالى حاباردار ەتتى. ول ماجارستان ەكى جۇزگە جۋىق قازاقستاندىق ستۋدەنتتەردى، ونىڭ ىشىندە اگرارلىق سالا ماماندىقتارى بويىنشا تەگىن وقىتۋدى جوسپارلاپ وتىرعانىن ايتتى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي