BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

بۇۇ ورنىقتى دامۋ ماقساتتارىن جىلجىتۋ بويىنشا جۇمىس توبىنىڭ وتىرىسى ٴوتتى

فوتو: СІМ баспасөз қызметі

استانا، baq.kz. سىرتقى ىستەر مينيسترلىگىندە بۇۇ ورنىقتى دامۋ ماقساتتارىن جىلجىتۋ بويىنشا جۇمىس توبىنىڭ وتىرىسى ٴوتتى

قازاقستان رەسپۋبليكاسىنىڭ سىرتقى ىستەر ٴمينيسترى قايرات ٴابدىراحمانوۆتىڭ توراعالىعىمەن بۇۇ قامقورلىعىمەن قابىلدانعان ورنىقتى دامۋ ماقساتتارىن (ودم) قازاقستاندا العا جىلجىتۋ جونىندەگى «سەرىكتەستىك» جۇمىس توبىنىڭ العاشقى وتىرىسى ٴوتتى.

كەزدەسۋدە ٴسوز سويلەگەن سىرتقى ىستەر مينيسترلىگىنىڭ باسشىسى بارلىق قاتىسۋشىلاردى بەلسەندى جۇمىس ىستەۋگە شاقىرىپ، ودم-نىڭ قازاقستان پرەزيدەنتى نۇرسۇلتان نازاربايەۆتىڭ ستراتەگيالىق جانە باعدارلامالىق قۇجاتتارىمەن تولىق سايكەس كەلەتىندىگىن جانە تيىسىنشە ودم-عا قول جەتكىزۋ ەلباسىنىڭ باستامالارىن جۇزەگە اسىرۋعا تىكەلەي سەپتىگىن تيگىزەتىنىن ەرەكشە اتاپ ٴوتتى. ودم-دى ىسكە اسىرۋ قازاقستاننىڭ الەمدەگى دامىعان ەلدەردىڭ قاتارىنا كىرۋ قادامدارىنىڭ تابىستىلىعىنىڭ كورسەتكىشى بولماق.

بارلىق 17 ورنىقتى دامۋ ماقساتىنىڭ بىرەگەيلىگى ەرەكشە اتالىپ، ولارعا قول جەتكىزۋ ٴۇشىن بارلىق ەلدەر - كەدەي، باي جانە ورتا تابىسى بار ەلدەر بولسىن بىرگە جۇمىس ىستەۋ قاجەتتىلىگى ايتىلدى. ەڭ العاشقى قاتارعا كەلەسىدەي باستى مىندەتتەر قويىلادى: كەدەيلىكتى جويۋ، ەكونوميكالىق ٴوسۋدى ىنتالاندىراتىن ستراتەگيالاردى ىسكە اسىرۋ، ادامداردىڭ ٴبىلىم، دەنساۋلىق ساقتاۋ، الەۋمەتتىك قورعاۋ، جۇمىسقا ورنالاسۋ سياقتى الەۋمەتتىك قاجەتتىلىكتەرىن قاناعاتتاندىرۋ، كليماتتىڭ وزگەرۋىنە بايلانىستى پروبلەمالاردى شەشۋگە جانە قورشاعان ورتانى قورعاۋعا باعىتتالعان ستراتەگيالاردى ىسكە اسىرۋ.

ٴىس-شاراعا قاتىسۋشىلار ورنىقتى دامۋ ماقساتتارىن قازاقستاندا العا جىلجىتۋ، سونداي-اق 2019 جىلدىڭ شىلدەسىندە نيۋ-يوركتە بۇۇ-نىڭ جوعارى دەڭگەيدەگى ساياسي فورۋمىندا قازاقستان ۇسىناتىن ەرىكتى ۇلتتىق شولۋدى دايىنداۋ ماسەلەلەرىن تالقىلادى.

ٴىس-شاراعا قازاقستاننىڭ مۇددەلى مەملەكەتتىك ورگاندارى، حالىقارالىق ۇيىمدار، بۇۇ دامۋ باعدارلاماسى، يۋنيسەف، بۇۇ ايەلدەر، ەۋروپالىق وداق، دۇنيەجۇزىلىك بانكى، ازيا دامۋ بانكى، سونداي-اق عىلىمي-زەرتتەۋ ينستيتۋتتارى مەن ازاماتتىق قوعام ۇيىمدارىنىڭ وكىلدەرى قاتىستى.

«2030 جىلعا دەيىنگى ورنىقتى دامۋدىڭ كۇن ٴتارتىبى» دەگەن اتپەن تانىمال ورنىقتى دامۋ ماقساتتارى مىڭجىلدىق دامۋ ماقساتتارىنىڭ ورنىنا كەلىپ، بولاشاق حالىقارالىق ىنتىماقتاستىعى ٴۇشىن ماقساتتار جيىنتىعى بولىپ تابىلادى. ودم-عا 2030 جىلعا دەيىن قول جەتكىزۋ جوسپارلانۋدا.

قر ۇكىمەتى جانىندا ودم-دى قازاقستاندا تابىستى ىسكە اسىرۋ ماقساتىندا 5 باعىت بويىنشا كەلەسىدەي ۆەدومستۆوارالىق جۇمىس توپتارى قۇرىلدى: «ادامدار»، «پلانەتا»، «وركەندەۋ»، «الەم» جانە «سەرىكتەستىك». قر سىرتقى ىستەر مينيسترلىگى «تۇراقتى دامۋ ٴۇشىن عالامدىق ارىپتەستىگىنىڭ» ٴ17-شى ماقساتى بويىنشا جۇمىس توبىنىڭ ۇيلەستىرۋشىسى بولىپ بەكىتىلگەن. ۇلتتىق دەڭگەيدە بۇل ماڭىزدى جۇمىستىڭ ۇيلەستىرۋشىسى - قر ۇلتتىق ەكونوميكا مينيسترلىگى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي