BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

بۇگىن بەس ەل پرەزيدەنتتەرىنىڭ قاتىسۋىمەن اقتاۋ ٴسامميتى وتەدى

فوتو: ашық дереккөзден

بۇگىن اقتاۋدا كاسپيي ماڭى مەملەكەتتەرىنىڭ بەسىنشى ٴسامميتى باستالادى. قازاقستان، ازەربايجان، تۇرىكمەنستان، رەسەي جانە يران مەملەكەتتەرىنىڭ پرەزيدەنتتەرى قاتىساتىن بۇل شارا شاھاردا جاڭادان سالىنعان «دوستىق ۇيىندە» وتەدى، دەپ حابارلايدى baq.kz اقپارات اگەنتتىگى.

بەلگىلى بولعانداي، اقتاۋدا وتەتىن كاسپيي ماڭى مەملەكەتتەرى باسشىلارىنىڭ سامميتىندە كاسپيي تەڭىزىنىڭ قۇقىقتىق مارتەبەسى تۋرالى كونۆەنسياعا قول قويىلادى دەپ كۇتىلۋدە. قۇجات تەڭىز اكۆاتورياسىن، كاسپيي تەڭىزى ٴتۇبىن بولۋگە، بيورەسۋرستاردى قورعاۋعا، بالىق اۋلاۋعا، سونىمەن قاتار كاسپيي تۇبىمەن قۇبىر تارتۋعا قاتىستى ەرەجەلەردى قامتيدى.

ايتا كەتەيىك، 11 تامىز كۇنى قۇرىق پورتىنداعى مۋلتيمودالدىق كولىك حابىن تانىستىرۋ شاراسىندا قر پرەزيدەنتى نۇرسۇلتان نازاربايەۆ 12 تامىزدا وتەتىن كاسپيي ماڭى مەملەكەتتەرىنىڭ اقتاۋ سامميتىنە قاتىستى پىكىر بىلدىرگەن بولاتىن.

«20 جىل توڭىرەگىندە ٴبىز كوپتەگەن كەلىسسوز جۇرگىزدىك، كاسپيي تەڭىزىندەگى ٴبىزدىڭ جالپى جۇمىسىمىز بويىنشا بارلىق سۇراقتى شەشۋ ٴۇشىن ۇستانىمدارىمىزدى كەلىسە بىلدىك. بۇل - كەمە قاتىناسى، بۇل - رەسۋرس، بۇل - بيولوگيالىق رەسۋرستاردىڭ ساقتالۋى جانە وسى ەلدەردىڭ ساۋدا ىنتىماقتاستىعى. بۇگىن بارلىق سۇراق كەلىسىلدى دەپ ايتا الامىن. ٴبىز ەرتەڭ تاريحي شەشىم بولادى دەگەن ويدامىز. بۇل - بارلىعىمىز ٴۇشىن ماڭىزدى ٴسات»، - دەدى مەملەكەت باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي