BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

بىزگە بىردەڭە جەتىسپەيدى – قىتاي ەلشىسى جاڭا ميسسياسى تۋرالى

فوتو: Гүлжан Раманкулова

قىتاي حالىق رەسپۋبليكاسىنىڭ قر-داعى جاڭا ەلشىسى چجان سياو العاش رەت قازاقستاندىق جۋرناليستەرگە سۇحبات بەردى، دەپ حابارلايدى ۆaq.kz ٴتىلشىسى.

ەلشىنىڭ جۇمىسىنا كىرىسكەنىنە بۇگىن تولىق 14 كۇن بولدى. ونىڭ ورىس تىلىندە ەركىن ٴارى ٴيىرىمدى سوزدەردى قولدانىپ سويلەۋىن بىردەن اڭعارۋعا بولادى. «پەكين پالاس» قوناقۇيىندە وتكەن جيىندا ديپلومات اكسەنتسىز ورىسشا سويلەۋىنىڭ سىرىن اشتى.

«مەن تىرىستىم. ورىس ٴتىلى – شىنىمەن وتە قيىن تىلدەردىڭ ٴبىرى. ٴبىراق قىتايدا ورىس ٴتىلىن ۇيرەتەتىن مىقتى ۇستازدار مەكتەبى بار»، - دەدى ول «قىتاي قازاقستاندىقتاردىڭ كوزىمەن» فوتوكونكۋرسىنىڭ جەڭىمپازدارىن ماراپاتتاۋدان كەيىن جۋرناليستەرگە بەرگەن سۇحباتىندا.

گۇلجان رامانكۋلوۆا

كەيىن ەلشى قازاق ٴتىلىن ۇيرەنۋ مۇمكىندىگىن دە قاراستىرىپ كورەتىنىن ايتتى.

«مەنىڭشە ۋاقىتىمەن بارلىعى بولادى»، - دەپ جاۋاپ بەردى قازاق ٴتىلىن ۇيرەنۋگە قاتىستى سۇراققا چجان سياو.

ونىڭ ايتۋىنشا، قازاقستان مەن قىتاي تۇرعىندارىنىڭ بايلانىسىن ٴالى دە بولسا كەڭەيتۋ كەرەك.

«ٴبىز جاقىن دوستارمىز، كورشىمىز، ەجەلگى سەرىكتەسپىز، ٴبىراق نەگە ەكەنىن بىلمەيمىن ٴبىر-بىرىمىزدى جاقسى ٴبىلۋىمىز كەرەك بولسا دا، بىردەڭە جەتىسپەيدى. مەنىڭشە، وسى دەڭگەيىمىزدە، قوعام دەڭگەيىندە، ورنى تولماي تۇرعان شيكىلىك – جەتىسپەۋشىلىك بايقالادى. مىنە سوندىقتان وسى فوتوكونكۋرس سەكىلدى جوبالار ادامدارعا ٴبىر-بىرىن جاقسى تانىپ بىلۋگە سەپتىگىن تيگىزەدى»، - دەدى ەلشى.

ەلشى قازاقستانعا قايتىپ كەلگەندەگى العاشقى اسەرىمەن دە ٴبولىستى.

«مەن قازاقستانعا وسىدان 7-8 جىل بۇرىن جۇمىس بارىسىمەن كەلگەنمىن. ول كەزدە باسقا سالادا قىزمەت ەتەتىنمىن. بۇگىندە ەلشى بولىپ كەلگەندە قازاقستاننىڭ از ۋاقىت ىشىندە قالاي قارقىندى دامىپ كەتكەنىنە تاڭ قالدىم. مۇنداي ەلەۋلى وزگەرىس بولادى دەپ ويلامادىم. باسقالار قازاقستان تۋرالى ەسكە العاندا كولەمى ۇلكەن، كەڭ جازىق دالا، مۇنايعا باي ەل دەپ ويلايدى. ال مەن بولسام ،قازاقستاندى تەك پايدالى قازبا بايلىقتارعا تولى عانا ەمەس، وتە باي تابيعاتى بار، ەۋرازيالىق قۇرلىقتىق ٴدال ورتاسىندا تۇرعان كولىك-لوگيستيكالىق باعىتتىڭ نەگىزگى تورابى دەر ەدىم. بۇدان باسقا، قازاقستاندىقتار قىتايمەن تىعىز قارىم-قاتىناس ورناتىپ، دوستىق بايلانىس ورناتقىسى كەلىتىنىن كوردىم"، - دەپ ٴبولىستى چجان سياو.

ايتا كەتسەك، اتالعان فوتوكونكۋرستى قازاقستانداعى قىتاي ەلشىلىگى «كازاحستانسكايا پراۆدا» گازەتىمەن بىرلەسە وتىرىپ ۇيىمداستىرعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي