BAQ.kz - Қазақстан жаңалықтары USD 342.49 BAQ.kz - Қазақстан жаңалықтары EUR 400.85 BAQ.kz - Қазақстан жаңалықтары RUB 5.51
استانا:

بيىل تۇڭعىش رەت «قازاقستان – وزبەكستان» ايماقارالىق فورۋمى وتەدى

بۇگىن پارلامەنت ٴماجىلىسىنىڭ ٴتوراعاسى نۇرلان نىعماتۋلين وزبەكستاننىڭ قازاقستانداعى توتەنشە جانە وكىلەتتى ەلشىسى سايديكرام نيازحودجايەۆتى قابىلدادى، دەپ حابارلايدى baq.kz اقپارات اگەنتتىگى.

ن. نىعماتۋلين مەيماندى ەلشىلىك قىزمەتىنىڭ باستالۋىمەن قۇتتىقتاپ، ونىڭ مەملەكەتتىك قىزمەتتەگى مول تاجىريبەسى ٴبىزدىڭ ەلدەرىمىز اراسىنداعى ارىپتەستەكتىكتى ودان ٴارى نىعايتۋعا ىقپال ەتەتىنىنە سەنىم ٴبىلدىردى.

ٴماجىلىس سپيكەرى اتاپ وتكەندەي، وزبەكستان قازاقستاننىڭ ورتالىق ازياداعى ماڭىزدى ستراتەگيالىق ارىپتەسى.

بۇگىندە قوس ەل پرەزيدەنتتەرى نۇرسۇلتان نازاربايەۆ پەن شاۆكات ميرزيەەۆتىڭ ٴوزارا تۇسىنىستىك پەن تاتۋ دوستىققا نەگىزدەلگەن بىرلەسكەن ٴىس - قيمىل ناتيجەسىندە كوپقىرلى ىنتىماقتاستىقتى جوعارى دەڭگەيدە دامىتۋعا قول جەتكىزىلدى.

پالاتا ٴتوراعاسى ايماقتىق جانە شەكارالىق ارىپتەستىكتىڭ دامۋ دەڭگەيىنە كوڭىل ٴبولىپ، وسى جىلى تۇڭعىش «قازاقستان – وزبەكستان» ايماقارالىق فورۋمى وتەتىنىن، ول ەكى مەملەكەت اراسىنداعى ساۋدا-ەكونوميكالىق ىقپالداستىققا جاڭا سەرپىن بەرەتىنىن اتاپ ٴوتتى.

كەزدەسۋ بارىسىندا مادەني سالاعا دا ايرىقشا نازار اۋدارىلىپ، وسى رەتتە س. نيازحودجايەۆ ەكى ەلدىڭ ۋاقىت سىنىنان وتكەن تاريحي تامىرلاستىعىن العا تارتا كەلىپ، ەكى ەل باسشىلارىنىڭ وتكەن جىلعى مەملەكەتتىك ٴىس-ساپارلارى ەكىجاقتى قارىم-قاتىناستىڭ جاڭا بەلەسىن باستاعانىن ايتتى.

تاراپتار پارلامەنتارالىق ٴوزارا ٴىس-قيمىلدى كۇشەيتۋدىڭ ماڭىزدىلىعىنا توقتالدى.

وسى ورايدا ماجىلىستە قۇرىلعان وزبەكستانمەن ىنتىماقتاستىق جونىندەگى جانە وليي ماجىلىستەگى قازاقستانمەن دوستىق توپتارى ەكىجاقتى، سونىڭ ىشىندە، پارلامەنتارالىق بايلانىستاردى تەرەڭدەتۋدە ىقپالى زور ەكەندىگى جانە ولاردىڭ الەۋەتىن بەلسەندى پايدالانۋ كەرەكتىگى ايتىلدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي