BAQ.kz - Қазақстан жаңалықтары USD 356.54 BAQ.kz - Қазақстан жаңалықтары EUR 419.43 BAQ.kz - Қазақстан жаңалықтары RUB 5.42
استانا:

اۋىل شارۋاشىلىعى ۆيسە-مينيسترى تاعايىندالدى

قازاقستان رەسپۋبليكاسى ۇكىمەتىنىڭ 2018 جىلعى 11 شىلدەدەگى قاۋلىسىمەن بەرىك تۇرسىنبەك ۇلى بەيسەنعاليەۆ قازاقستان رەسپۋبليكاسىنىڭ اۋىل شارۋاشىلىعى ۆيسە-مينيسترى لاۋازىمىنا تاعايىندالدى، دەپ حابارلايدى baq.kz اقپارات اگەنتتىگى.

بەرىك تۇرسىنبەك ۇلى بەيسەنعاليەۆ 1966 جىلعى 12 اقپاندا قوستاناي وبلىسىندا دۇنيەگە كەلگەن.

ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن بىتىرگەن، ەكونوميكا عىلىمدارىنىڭ دوكتورى.

ەڭبەك جولىن 1990 جىلى ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە وقىتۋشى بولىپ باستادى.

1996 جىلدان 2006 جىلعا دەيىن رەسپۋبليكامىزدىڭ بانك جۇيەسىندە ٴتۇرلى لاۋازىمداردى اتقاردى.

2006 جىلدان 2009 جىلعا دەيىن «اstana capital investment group» جشس باس ديرەكتورى قىزمەتىن اتقاردى.

2009 جىلدان 2011 جىلعا دەيىن «قازاگرو» ۇلتتىق باسقارۋشى حولدينگى» اق باسقارما ٴتوراعاسىنىڭ ورىنباسارى بولدى.

2011 جىلى «قازاگرو» ۇلتتىق باسقارۋشى حولدينگى» اق باسقارما ٴتوراعاسى بولىپ تاعايىندالدى.

2012 جىلدان 2018 جىلعى مامىرعا دەيىن «سامۇرىق-قازىنا» ۇلتتىق ٴال-اۋقات قورى» اق-دا باسقارۋشى ديرەكتور – باسقارما مۇشەسى قىزمەتىن اتقاردى.

«ەكونوميكا» ماماندىعى بويىنشا قاۋىمداستىرىلعان پروفەسسور. ەۋروپالىق جاراتىلىستانۋ اكادەمياسىنىڭ كوررەسپوندەنت مۇشەسى، ەدينبۋرگ قالاسى، شوتلانديا. گارۆارد بيزنەس مەكتەبىنىڭ (harvard business school) جالپى باسقارۋ باعدارلاماسىن (general management program) ٴتامامداعان.

«قۇرمەت» وردەنىمەن ماراپاتتالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي