BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

اتىراۋ وبلىستىق اكىمدىگى قالماق رەسپۋبليكاسى ۇكىمەتىمەن ىنتىماقتاستىق تۋرالى كەلىسىمگە قول قويدى

استانا، baq.kz. قازاقستان رەسپۋبليكاسى مەن رەسەي فەدەراسياسى پرەزيدەنتتەرىنىڭ قاتىسۋىمەن ٴوتىپ جاتقان قازاقستان مەن رەسەي اراسىنداعى حv ٴوڭىرارالىق ىنتىماقتاستىق فورۋمى اياسىندا اتىراۋ وبلىستىق اكىمدىگى مەن قالماق رەسپۋبليكاسى ۇكىمەتى اراسىندا سەرىكتەستىك تۋرالى كەلىسىمگە قول قويىلدى.

اتىراۋ وبلىسى تاراپىنان ايماق باسشىسى نۇرلان نوعايەۆ، قالماق رەسپۋبليكاسى ۇكىمەتى تاراپىنان رەسپۋبليكا باسشىسى الەكسەي ورلوۆ كەلىسىمگە قول قويدى. كەلىسىم ساۋدا-ەكونوميكالىق بايلانىستاردى ورناتۋ ٴۇشىن ەكىجاقتى قارىم-قاتىناستى دامىتىپ، جاعداي جاساۋعا باعىتتالعان.

"تۋريزم سالاسىندا ٴوڭىرارالىق ىنتىماقتاستىق باستامالاردى قولداۋعا، تۋريستىك رەسۋرستاردى ٴتيىمدى پايدالانۋعا، ٴار ايماقتاعى تابيعي، مادەني مۇرالاردى ناسيحاتتاۋعا باعىتتالادى"، - دەيدى اتىراۋ وبلىستىق كاسىپكەرلىك جانە يندۋستريالدى-يننوۆاسيالىق دامۋ باسقارماسىنىڭ باسشىسى ايقىن ەلەۋسىزوۆ.

پەتروپاۆلدا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ پەن رەسەي فەدەراسياسىنىڭ پرەزيدەنتى ۆلاديمير ٴپۋتيننىڭ قاتىسۋىمەن وتەتىن ەكى مەملەكەت اراسىنداعى ىنتىماقتاستىق فورۋمى باستالعانىن حابارلاعانبىز.

اتىراۋ وبلىسىنىڭ دەلەگاسياسى پەتروپاۆلدا ٴوتىپ جاتقان ٴوڭىرارالىق ىنتىماقتاستىق فورۋمىنىڭ جۇمىسىنا قاتىسىپ جاتىر.

دەلەگاسيا قۇرامىندا ٴوڭىردىڭ كاسىپكەرلەرى، تۋريستىك فيرمالاردىڭ، جەرگىلىكتى تاۋار وندىرۋشىلەردىڭ، "اتامەكەن" ۇكپ وكىلدەرى، سونداي-اق وبلىستىق كاسىپكەرلىك جانە يندۋستريالدى-يننوۆاسيالىق دامۋ باسقارماسىنىڭ وكىلدەرى بار.

فورۋم جۇمىسىنا قازاقستان مەن رەسەيدەن ەكى مىڭنان استام ادام قاتىستى.

قازاقستان مەن رەسەي ٴوڭىرارالىق ىنتىماقتاستىقتىڭ حv فورۋمى اياسىندا ٴتۋريزمنىڭ ٴتۇرلى سالاسىن قامتيتىن 17 مەموراندۋمعا قول قويىلدى.

فورۋم اياسىندا قازاقستان مەن رەسەي تۋريستىك كورمەسى ٴوتتى.

بىرنەشە كۇن بويى جالعاساتىن شاراعا قازاقستاننىڭ بارلىق ٴوڭىرى مەن رەسەيدىڭ 10 وبلىسىنان 40 ەكسپونەنت قاتىسۋدا. ەكى جىلدا قازاقستانعا رەسەيدەن كەلەتىن تۋريستەر سانى ەكى ەسە ارتقانى بەلگىلى بولدى.

سونىمەن قاتار، ەكى ەلدىڭ ونەر ۇجىمدارى قاتىسقان «دوستىق كوپىرى» اتتى گالا-كونسەرت ٴوتتى. سولتۇستىك قازاقستان، ومبى، قورعان، تۇمەن وبلىستارىنىڭ ۇجىمدارى مەن جەكە ورىنداۋشىلارى حالىق الدىندا 3 ساعات بويى ونەر كورسەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي