BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

انكارادا قازاق-تۇرىك بيزنەس فورۋمى ٴوتتى

انكارادا ەكى ەلدىڭ رەسمي تۇلعالارىنىڭ جانە ىسكەر توپتارىنىڭ قاتىسۋىمەن قازاقستان-تۇركيا ينۆەستيسيالىق فورۋمى ٴوتتى. ٴىس-شاراعا حيميا، جەڭىل ونەركاسىپ، تاماق ونەركاسىبى، اۋىل شارۋاشىلىعى، ماشينا جاساۋ، لوگيستيكا، اقپاراتتىق كوممۋنيكاسيالىق تەحنولوگيالار جانە تاعى باسقا دا سالالاردى تانىستىرعان 200-دەن استام تۇركيا مەن قازاقستان كومپانيالارىنىڭ وكىلدەرى قاتىستى، دەپ حابارلايدى baq.kz اقپارات اگەنتتىگى.

تاراپتار ەكى ەل اراسىنداعى ينۆەستيسيالىق ىنتىماقتاستىقتىڭ پەرسپەكتيۆالى جانە الەۋەتتى باعىتتارى بويىنشا ٴوزارا ٴىس-قيمىلدى ودان ٴارى كەڭەيتۋ ماسەلەلەرىن تالقىلادى.

«بۇگىنگى كەزدەسۋ – بۇل ەكى ەل اراسىنداعى ىسكەرلىك بايلانىستاردى نىعايتۋعا ٴوزارا مۇددەلىلىك پەن ۇمتىلىستىڭ تاعى ٴبىر دالەلى»، - دەدى بيزنەس-فورۋمنىڭ اشىلۋىندا سويلەگەن قر پرەمەر-مينيسترىنىڭ ٴبىرىنشى ورىنباسارى اسقار مامين.

قازىرگى ۋاقىتتا قازاقستاندا جالپى قۇنى 4،3 ملرد. اقش دوللارىن قۇرايتىن شامامەن 71 قازاقستان-تۇركيا ينۆەستيسيالىق جوبالارى بار، دەپ اتاپ ٴوتتى اسقار مامين.

قازاقستان-تۇركيا بيزنەس-فورۋمى قازاقستان مەن تۇركيانىڭ ىسكەر توپتارى اراسىنداعى ينۆەستيسيالىق ىنتىماقتاستىقتى جانداندىرۋعا، ەكى ەلدىڭ كومپانيالارى اراسىنداعى ىنتىماقتاستىقتى نىعايتۋعا، سونداي-اق سەرىكتەستەردى ىزدەۋگە باعىتتالعان.

بيزنەس-فورۋمنىڭ قورىتىندىسى بويىنشا حيميا، تاۋ-كەن جانە مەتاللۋرگيا، جەڭىل ونەركاسىپ، اگروونەركاسىپتىك كەشەن، ەلەكتر ەنەرگياسى، جاڭارتىلعان ەنەرگيا كوزدەرى سياقتى سالالار بويىنشا جالپى سوماسى 1،5 ملرد. اقش دوللارىن قۇرايتىن 22 قۇجاتقا قول قويىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي