BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

الماتىدا تمد جاستارىنىڭ فورۋمى ٴوتىپ جاتىر

ەكى كۇنگە جوسپارلانعان شارانىڭ ٴبىرىنشى كۇنى قازاقستان-رەسەي جاستار ىنتىماقتاستىعى كۇنىنە ارنالىپ، تاراپتار جاستار ساياساتىن جۇزەگە اسىرۋدىڭ وزەكتى ماسەلەلەرىن تالقىلادى، دەپ حابارلايدى baq.kz اقپارات اگەنتتىگىنىڭ ٴتىلشىسى.

قر قدم جاستار جانە وتباسى ىستەرى كوميتەتى ٴتوراعاسىنىڭ مىندەتىن اتقارۋشى اسحات ورالوۆ مۇنداي جيىندار جاستاردىڭ ٴتيىمدى باستامالارى مەن شىعارماشىلىعىن جۇزەگە اسىرۋعا مۇمكىندىك تۋعىزاتىنىن جەتكىزدى.

«فورۋمعا جالپى 306 ادام قاتىسىپ وتىر. ٴار مەملەكەت شاماسى كەلگەنشە دەلەگاتتاردى جىبەردى. بۇگىن جاقسى پىكىر الماسۋ بولادى دەگەن ويدامىن. وسىنىڭ ارقاسىندا تمد جاستارىن الەۋمەتتىك جانە جاستار ساياساتىندا جاڭا باستامالار مەن تىڭ جوبالاردى ىسكە اسىرۋدا بىرىكتىرۋگە بولادى. سونىمەن قاتار، مۇنداي جيىندار تاجىريبە الماسۋدا ٴوز سەپتىگىن تيگىزەدى. شارا بارىسىندا «جاستار بيزنەسى» اتتى جەكە وتىرىس بولادى، وندا تانىمال كاسىپكەرلەر ٴوز تاجىريبەلەرىمەن بولىسەدى»، - دەيدى ول.

فورۋم اياسىندا قازاقستان جاستارىنىڭ كونگرەسى، جاستاردىڭ ىسكەرلىك كەڭەسى رەسەي فەدەراسياسىنىڭ جاستار ۇكىمەتتەرى قاۋىمداستىعىمەن جانە تاتارستان رەسپۋبليكاسىنىڭ جاستار ۇكىمەتى اراسىنداعى ىنتىماقتاستىق تۋرالى مەموراندۋمعا قول قويىلدى.

سونداي-اق، «زاماناۋي ٴتۋريزمنىڭ ترەندتەرى»، «ۆولونتەرلىك ٴومىر سالتى بەينەسى»، «جاستار جانە بيزنەس»، «اقپارات اعىمىنداعى جاستار» تاقىرىپتارى بويىنشا سۇحبات الاڭدارى وتۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي