BAQ.kz - Қазақстан жаңалықтары USD 336.39 BAQ.kz - Қазақстан жаңалықтары EUR 390.28 BAQ.kz - Қазақстан жаңалықтары RUB 5.36
استانا:

الماتى اكىمى قازاقستانداعى رەسەي ەلشىسىمەن كەزدەستى

فوتو: almaty.gov.kz

الماتى اكىمى باۋىرجان بايبەك قازاقستان رەسپۋبليكاسىنداعى رەسەي فەدەراسياسىنىڭ توتەنشە جانە وكىلەتتى ەلشىسى الەكسەي بوروداۆكينمەن كەزدەستى. تاراپتار ساۋدا-ەكونوميكالىق جانە مادەني-گۋمانيتارلىق ماسەلەلەردى تالقىلادى، دەپ حابارلايدى baq.kz اقپارات اگەنتتىگى الماتى قالاسى اكىمدىگىنىڭ ٴباسپاسوز قىزمەتىنە سىلتەمە جاساپ.

رەسەي – قازاقستاننىڭ تۇراقتى ەكونوميكالىق سەرىكتەسى. الماتى مەن رەسەي فەدەراسياسى اراسىنداعى تاۋار اينالىمى تۇراقتى وسۋدە، سوڭعى جىلداعى كورسەتكىش 22%-عا ارتقان. الماتى اكىمدىگى مەن ماسكەۋ، سانكت-پەتەربۋرگ جانە قازان مەريالارى بىرنەشە باعىتتار بويىنشا ىنتىماقتاسىپ، جۇمىس ىستەۋدە.

قالادا رەسەيلىك كاپيتالمەن 2 مىڭنان استام كاسىپورىن ساۋدا، قارجى، مەديسينا، ونەركاسىپ جانە باسقا سالالاردا جۇمىس ىستەيدى. قازىرگى كەزدە يندۋستريالدى ايماقتا كابەل وتكىزگىش ونىمدەر شىعاراتىن رەسەيلىك «kmk investment» زاۋىتى سالىنۋدا.

كەزدەسۋ بارىسىندا رەسەي فەدەراسياسىنىڭ ەلشىسى ەكى ەل پرەزيدەنتتەرى مەن ەكى ەل حالىقتارى اراسىندا قاشاندا ٴوزارا سەنىم مەن دوستىق قاتىناستىڭ قالىپتاسقاندىعىن اتاپ ٴوتتى.

«بۇگىنگى كۇنى ەاەس اياسىندا بىرىككەن اۋقىمدى جوبالار جۇزەگە اسۋدا. سونىمەن قاتار ەكى جاقتى ٴتۋريزمدى دامىتۋدا، ٴبىلىم باعدارلامالارىنىڭ اياسىن كەڭەيتۋدە ٴوزارا ۇندەستىك كەڭ قانات جايۋدا. ورتا ازياداعى ەڭ ٴىرى قالا رەتىندە الماتى ٴتۇرلى حالىقارالىق فورۋمداردى، كونفەرەنسيالار مەن فەستيۆالدەردى وتكىزۋدە، بۇلارعا رەسەي دەلەگاسياسى بەلسەندى قاتىستى. جاقىن كۇندەرى عانا ودكب سىرتقى ىستەر مينيسترلەرىنىڭ ٴسامميتى، ەۋرازيالىق مەديا فورۋم ٴوتتى. وسىنىڭ بارلىعى مادەني جانە ىسكەرلىك بايلانىستاردى ودان ٴارى دامىتۋعا ىقپال ەتەدى»، - دەپ اتاپ ٴوتتى الەكسەي بوروداۆكين.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي