BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

اقتوبە مەن چەليابى ىنتىماقتاستىق تۋرالى كەلىسىمگە كەلدى

استانا، baq.kz. اقتوبە وبلىسىنىڭ اكىمى بەردىبەك ساپاربايەۆ پەن رەسەي فەدەراسياسىنىڭ چەليابى وبلىسىنىڭ گۋبەرناتورى بوريس دۋبروۆسكيي «قازاقستان مەن رەسەيدەگى ٴتۋريزمدى دامىتۋدىڭ جاڭا تاسىلدەرى مەن تەندەنسيالارى» xv حالىقارالىق ىنتىماقتاستىق فورۋمى بارىسىندا مەموراندۋمعا قول قويدى.

اقتوبە وبلىسىنىڭ رەسەي فەدەراسياسىمەن اراداعى ىشكى تاۋاراينالىمى 2018 جىلدىڭ قاڭتار-تامىز ايلارى ىشىندە 804،3 مىڭ اقش دوللارىن، سونىڭ ىشىندە ەكسپورت – 373مىڭ اقش دوللارىنقۇرادى. ەكسپورتتىڭ نەگىزگى ۇلەسى حروم، مىس جانە مىرىش رۋدالارى مەن كونسەنتراتتارىنا، مۇناي ونىمدەرىنە تيەسىلى. سونداي-اق، ەكسپورتقا قۇبىر ٴونىمى، سۇيمەن مەن قارا مەتالل جانە باسقا دا تاۋارلار كىرەدى.

اۋماعىندا «ماگنيتاگورسك مەتاللۋرگيا كومبيناتى» كاق، «ممك-مەتيز» ماگنيتاگورسك مەتبۇيىم-كاليبرلەۋ زاۋىتى، «چەليابى مىرىش زاۋىتى» كاق جانە ت.ب. سىندى ٴىرى كاسىپورىندار جۇمىس جاسايتىن چەليابى وبلىسى اقتوبەلىك تاراپ ٴۇشىن ۇلكەن قىزىعۋشىلىق تۋدىرادى. قازىرگى تاڭدا ٴوڭىردىڭ كاسىپورىندارىمەن 11 اقتوبەلىك كومپانيا تىعىز جۇمىس جاسايدى. بۇل ٴوزارا قارىم-قاتىناس پەن ەكونوميكالىق بايلانىستى كەڭەيتۋ ٴۇشىن ۇلكەن الەۋەت بارىن دالەلدەيدى.

كەلىسىمدەر اياسىندا تاراپتار ساۋدا-ەكونوميكالىق، عىلىمي-تەحنيكالىق، الەۋمەتتىك، مادەني جانە گۋمانيتارلىق ىنتىماقتاستىقتى كەڭەيتۋدە ٴوزارا ارەكەت ەتۋگە، وڭىرلەردىڭ بيزنەسىن، وندىرىستىك-شارۋاشىلىق كووپەراسيانى دامىتۋدا كومەكتەسۋگە كەلىستى.

ٴوڭىر باسشىلارى سونداي-اق، وزدەرىنىڭ وكىلەتتىكتەرى اياسىندا بىرلەسكەن باعدارلامالار مەن جوبالاردى جۇزەگە اسىرۋ ٴۇشىن كۇش بىرىكتىرۋدى، تاراپتار وكىلدەرىنىڭ رەسمي جانە جۇمىس بابىمەن كەزدەسۋلەرى اياسىندا ينۆەستيسيالىق جوبالاردى جۇزەگە اسىرۋداعى تاجىريبەلەرىمەن الماسۋدى، ىسكەرلىك تاپسىرمالار، كورمەلەر ۇيىمداستىرۋدى جانە ينۆەستيسيالىق الەۋەتتى تانىستىرۋدى جوسپارلاپ وتىر. دەنساۋلىق ساقتاۋ جانە ٴبىلىم بەرۋ، تۋريزم سالالارىنداعى بىلىمدەرىمەن جانە تاجىريبەلەرىمەن الماسۋداعى بىرلەسكەن جۇمىستار جوسپارلانعان.

پەتروپاۆلدا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ پەن رەسەي فەدەراسياسىنىڭ پرەزيدەنتى ۆلاديمير ٴپۋتيننىڭ قاتىسۋىمەن وتەتىن ەكى مەملەكەت اراسىنداعى ىنتىماقتاستىق فورۋمى باستالعانىن حابارلاعانبىز.

اتىراۋ وبلىسىنىڭ دەلەگاسياسى پەتروپاۆلدا ٴوتىپ جاتقان ٴوڭىرارالىق ىنتىماقتاستىق فورۋمىنىڭ جۇمىسىنا قاتىسىپ جاتىر.

دەلەگاسيا قۇرامىندا ٴوڭىردىڭ كاسىپكەرلەرى، تۋريستىك فيرمالاردىڭ، جەرگىلىكتى تاۋار وندىرۋشىلەردىڭ، "اتامەكەن" ۇكپ وكىلدەرى، سونداي-اق وبلىستىق كاسىپكەرلىك جانە يندۋستريالدى-يننوۆاسيالىق دامۋ باسقارماسىنىڭ وكىلدەرى بار.

فورۋم جۇمىسىنا قازاقستان مەن رەسەيدەن ەكى مىڭنان استام ادام قاتىستى.

قازاقستان مەن رەسەي ٴوڭىرارالىق ىنتىماقتاستىقتىڭ حv فورۋمى اياسىندا ٴتۋريزمنىڭ ٴتۇرلى سالاسىن قامتيتىن 17 مەموراندۋمعا قول قويىلدى.

فورۋم اياسىندا قازاقستان مەن رەسەي تۋريستىك كورمەسى ٴوتتى.

بىرنەشە كۇن بويى جالعاساتىن شاراعا قازاقستاننىڭ بارلىق ٴوڭىرى مەن رەسەيدىڭ 10 وبلىسىنان 40 ەكسپونەنت قاتىسۋدا. ەكى جىلدا قازاقستانعا رەسەيدەن كەلەتىن تۋريستەر سانى ەكى ەسە ارتقانى بەلگىلى بولدى.

سونىمەن قاتار، ەكى ەلدىڭ ونەر ۇجىمدارى قاتىسقان «دوستىق كوپىرى» اتتى گالا-كونسەرت ٴوتتى. سولتۇستىك قازاقستان، ومبى، قورعان، تۇمەن وبلىستارىنىڭ ۇجىمدارى مەن جەكە ورىنداۋشىلارى حالىق الدىندا 3 ساعات بويى ونەر كورسەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي