BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

اقتاۋداعى كاسپيي سامميتىندە ٴبىرقاتار قۇجاتتارعا قول قويىلادى

فوتو: ҚР СІМ

اقتاۋداعى كاسپيي سامميتىندە ٴبىرقاتار قۇجاتتارعا قول قويۋ جوسپارلانۋدا، دەپ حابارلايدى baq.kz اقپارات اگەنتتىگى ٴسىم-نىڭ ٴباسپاسوز قىزمەتىنە سىلتەمە جاساپ.

12 تامىزدا قازاقستاننىڭ اقتاۋ قالاسىندا وتەتىن بەسىنشى كاسپيي ٴسامميتىنىڭ بەس تاراپپەن كەلىسىلگەن كۇن ٴتارتىبى نەگىزگى ٴۇش ماسەلەنى قامتيدى:

1. كاسپيي تەڭىزىنىڭ قۇقىقتىق مارتەبەسى.

2. كاسپييدەگى ىنتىماقتاستىق ماسەلەلەرى:

• ەكونوميكا جانە ترانسپورت;

• ەكولوگيا جانە بيورەسۋرستاردى قورعاۋ;

• قاۋىپسىزدىك.

3. ايماقتىق جانە جاھاندىق حالىقارالىق تاقىرىپتار.

كايتا كەتەيىك، قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ شاقىرۋى بويىنشا سامميتكە ازەربايجان رەسپۋبليكاسىنىڭ پرەزيدەنتى يلحام اليەۆ، يران يسلام رەسپۋبليكاسىنىڭ پرەزيدەنتى حاسان رۋحاني، رەسەي فەدەراسياسىنىڭ پرەزيدەنتى ۆلاديمير پۋتين جانە تۇرىكمەنستان رەسپۋبليكاسىنىڭ پرەزيدەنتى گۋربانگۋلى بەردىمۇحامەدوۆ كەلەدى.

«ٴسامميتتىڭ قورىتىندىسى بويىنشا 2017 جىلعى 4-5 جەلتوقساندا ماسكەۋدە وتكەن كاسپيي ماڭى مەملەكەتتەرىنىڭ سىرتقى ىستەر مينيسترلەرىنىڭ كەزدەسۋى اياسىندا جوباسى ماقۇلدانعان نەگىزگى قورىتىندى قۇجات - كاسپيي تەڭىزىنىڭ قۇقىقتىق مارتەبەسى تۋرالى كونۆەنسياعا قول قويۋ جوسپارلانۋدا»،- دەلىنگەن ۆەدومسۆتونىڭ حابارلاماسىندا.

سونىمەن قاتار، كاسپيي ماڭى مەملەكەتتەرىنىڭ ۇكىمەتتەرى اراسىنداعى سامميت بارىسىندا ترانسپورت، ساۋدا-ەكونوميكا جانە كاسپيي تەڭىزىندە جانجالداردى بولدىرماۋ سالاسىنداعى ىنتىماقتاستىق تۋرالى ٴۇش كەلىسىم سياقتى ٴبىرقاتار حالىقارالىق قۇجاتتارعا سونداي-اق 2010 جىلعى 18 قاراشاداعى كاسپيي تەڭىزىندەگى قاۋىپسىزدىك سالاسىنداعى كەلىسىمگە ۇيىمداسقان قىلمىسقا، تەرروريزمگە قارسى كۇرەس جانە كاسپيي ماڭى مەملەكەتتەرىنىڭ شەكارالىق ورگاندارىنىڭ ٴوزارا ارەكەتتەستىگىنە قاتىستى ٴۇش حاتتامالارعا قول قويۋ جوسپارلانۋدا.

كەزدەسۋ اياقتالعاننان كەيىن بەسىنشى كاسپيي ٴسامميتىنىڭ كومميۋنيكەسىن تاراتۋ جوسپارلانۋدا.

سونىمەن قاتار، 11 تامىزدا ٴسامميتتىڭ قارساڭىندا كاسپيي ماڭى مەملەكەتتەرىنىڭ سىرتقى ىستەر مينيسترلەرىنىڭ كەزدەسۋى وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي