BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

اقتاۋ سامميتىندە بەس ەلدىڭ مينيسترلىكتەرى ٴبىرقاتار قۇجاتتاردى بەكىتتى

فوتو: Бауыржан Жуасбаев

بۇگىن كاسپيي ماڭى مەملەكەتتەرىنىڭ بەسىنشى سامميتىندە بەس ەلدىڭ اراسىندا ٴبىرقاتار قۇجاتتارعا قول قويىلدى، دەپ حابارلايدى baq.kz اقپارات اگەنتتىگى.

بىرىنشىدەن، كاسپيي تەڭىزىندە لاڭكەستىكپەن كۇرەس سالاسىندا ىنتىماقتاستىق تۋرالى حاتتاما بەكىتىلدى. بۇل قۇجاتقا قازاقستان تاراپىنان قر سىرتقى ىستەر ٴمينيسترى قايرات ٴابرىراحمانوۆ قول قويدى.

ەكىنشى قۇجاتتى، ياعني كاسپيي تەڭىزىندە ۇيىمداسقان قىلمىسپەن كۇرەس سالاسىنداعى ىنتىماقتاستىق تۋرالى حاتتامانى بەس ەلدىڭ ىشكى ىستەر مينيسترلەرى بەكىتتى. وعان قوسا، بەس ەلدىڭ وكىلدەرى شەكارالىق ۆەدومستۆولاردىڭ ىنتىماقتاستىعى مەن ٴوزارا ٴىس-قيمىلى تۋرالى حاتتاماعا قول قويدى.

بۇدان باسقا، سامميت اياسىندا كاسپيي ماڭى مەملەكەتتەرىنىڭ ۇكىمەتتەرى اراسىندا ساۋدا-ەكونوميكالىق ىنتىماقتاستىق تۋرالى كەلىسىم جاسالدى.

قول قويىلعان كەلەسى كەلىسىم كاسپيي ماڭى مەملەكەتتەرىنىڭ ۇكىمەتتەرى اراسىنداعى كولىك سالاسى بويىنشا ىنتىماقتاستىققا ارنالدى.

سونىمەن قاتار، كاسپيي تەڭىزىندە جانجالداردى بولدىرماۋ جونىندەگى كەلىسىم بەكىتىلدى. وسى قۇجاتقا قازاقستان جاعىنان قر قورعانىس ٴمينيسترى نۇرلان ەرمەكبايەۆ قول قويدى.

ەستەرىڭىزگە سالا كەتەيىك، بۇعان دەيىن اقتاۋ سامميتىنە قاتىسقان بەس ەلدىڭ باسشىلارى كاسپييدىڭ قۇقىقتىق مارتەبەسى تۋرالى كونۆەنسياعا قول قويدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي