BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

اقتاۋ ٴسامميتى: قازاقستانعا بەس ەلدىڭ پرەزيدەنتى ۇشىپ كەلدى

فوتو: Бауыржан Жуасбаев

بۇگىن كاسپيي ماڭى مەملەكەتتەرىنىڭ بەسىنشى سامميتىنە قاتىسۋ ٴۇشىن كورشىلەس ەلدەردىڭ پرەزيدەنتتەرى اقتاۋعا ساپارمەن كەلدى، دەپ حابارلايدى baq.kz اقپارات اگەنتتىگى.

العان بولىپ اقتاۋ اۋەجايىنا ازەربايجان پرەزيدەنتى يلحام اليەۆ مىنگەن ۇشاق قوندى. ونى قازاقستان جاعىنان ەنەرگەتيكا ٴمينيسترى قانات بوزىمبايەۆ قارسى الدى.

ودان كەيىن اقتاۋ سامميتىنە يران پرەزيدەنتى حاسان رۋحاني باستاعان دەلەگاسيا كەلدى. حاسان ٴرۋحانيدى قازاقستاننىڭ ينۆەستيسيا جانە دامۋ ٴمينيسترى جەڭىس قاسىمبەك كۇتىپ الدى.

ٴۇشىنشى بولىپ كاسپيي ماڭى مەملەكەتتەرىنىڭ بەسىنشى سامميتىنە قاتىسۋ ٴۇشىن اقتاۋعا تۇركىمەنستان پرەزيدەنتى گۋربانگۋلى بەردىمۇxامەدوۆ كەلدى. ونى قر ۇلتتىق ەكونوميكا ٴمينيسترى تيمۋر سۇلەيمەنوۆ قارسى الدى.

ايتا كەتەيىك، بۇل ەلدەردىڭ باسشىلارى اقتاۋعا تۇسكە دەيىن كەلىپ قويدى.

تۇستەن كەيىن اقتاۋعا رەسەي پرەزيدەنتى ۆلاديمير ٴپۋتيننىڭ ۇشاعى كەلىپ قوندى.

ەستەرىڭىزگە سالا كەتەيىك، اقتاۋدا وتەتىن كاسپيي ماڭى مەملەكەتتەرى باسشىلارىنىڭ سامميتىندە كاسپيي تەڭىزىنىڭ قۇقىقتىق مارتەبەسى تۋرالى كونۆەنسياعا قول قويىلادى دەپ كۇتىلۋدە. قۇجات تەڭىز اكۆاتورياسىن، كاسپيي تەڭىزى ٴتۇبىن بولۋگە، بيورەسۋرستاردى قورعاۋعا، بالىق اۋلاۋعا، سونىمەن قاتار كاسپيي تۇبىمەن قۇبىر تارتۋعا قاتىستى ەرەجەلەردى قامتيدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي