BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

كاسپيي ماڭى مەملەكەتتەرىنىڭ بەسىنشى ٴسامميتى باستالدى

فوتو: Бауыржан Жуасбаев

ۇگىن اقتاۋدا بەس ەل پرەزيدەنتتەرىنىڭ قاتىسۋىمەن كاسپيي ماڭى مەملەكەتتەرىنىڭ بەسىنشى ٴسامميتى ٴوز جۇمىسىن باستادى، دەپ حابارلايدى baq.kz اقپارات اگەنتتىگى.

اقتاۋداعى «دوستىق ۇيىندە» ەلباسى نۇرسۇلتان نازاربايەۆ رەسەي پرەزيدەنتى ۆلاديمير ٴپۋتيندى، ازەربايجان پرەزيدەنتى يلحام اليەۆتى، يران پرەزيدەنتى حاسان ٴرۋحانيدى جانە تۇرىكمەنستان پرەزيدەنتى گۋربانگۋلى بەردىمۇxامەدوۆتى كۇتىپ الدى.

سامميت بارىسىندا الدىن الا بەس تاراپپەن كەلىسىلگەن كۇن ٴتارتىبى بويىنشا نەگىزگى ٴۇش ماسەلە قارالاتىن بولادى. اتاپ ايتقاندا، كاسپيي تەڭىزىنىڭ قۇقىقتىق مارتەبەسى، كاسپييدەگى ىنتىماقتاستىق ماسەلەلەرى، ايماقتىق جانە حالىقارالىق تاقىرىپتار.

ەستەرىڭىزگە سالا كەتەيىك، اقتاۋدا وتەتىن كاسپيي ماڭى مەملەكەتتەرى باسشىلارىنىڭ سامميتىندە كاسپيي تەڭىزىنىڭ قۇقىقتىق مارتەبەسى تۋرالى كونۆەنسياعا قول قويىلادى دەپ كۇتىلۋدە. قۇجات تەڭىز اكۆاتورياسىن، كاسپيي تەڭىزى ٴتۇبىن بولۋگە، بيورەسۋرستاردى قورعاۋعا، بالىق اۋلاۋعا، سونىمەن قاتار كاسپيي تۇبىمەن قۇبىر تارتۋعا قاتىستى ەرەجەلەردى قامتيدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي