BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

اككرەديتتەۋ جانە رەيتينگتىڭ تاۋەلسىز اگەنتتىگى ساراپشىلارىن كاسىبي دامىتۋ جونىندە حالىقارالىق سەمينار ٴوتتى

اككرەديتتەۋ جانە رەيتينگتىڭ تاۋەلسىز اگەنتتىگى (ارتا) جوعارى ٴبىلىم بەرۋ ساپاسىن قامتاماسىز ەتۋدىڭ ەۋروپالىق تىزىلىمىمەن (the european quality assurance register for higher education، eqar) بىرلەسىپ، ارتا ساراپشىلارىنىڭ كاسىبي بىلىكتىلىگىن ارتتىرۋ بويىنشا حالىقارالىق سەمينار وتكىزىپ جاتىر، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

eqar — 2005 جىلدان باستاپ ساپا كەپىلدىگىنىڭ اشىقتىعىن ارتتىرۋ جانە ەۋروپالىق ەلدەر اۋماعىندا جۇمىس ىستەيتىن اگەنتتىكتەر تۋرالى اقپارات بەرۋ ارقىلى ەۋروپالىق جوعارى ٴبىلىم بەرۋ كەڭىستىگىن ودان ٴارى دامىتۋدى قامتاماسىز ەتەتىن نەگىزگى ۇيىم. 2017 جىلعى 20 ماۋسىمدا اككرەديتتەۋ جانە رەيتينگتىڭ تاۋەلسىز اگەنتتىگى تىركەۋ كوميتەتىنىڭ شەشىمىمەن ٴبىلىم بەرۋ ساپاسىن قامتاماسىز ەتۋدىڭ ەۋروپالىق تىزىلىمىنە ەنگىزىلدى. eqar-عا قوسىلۋ — اككرەديتتەۋ ورگاندارىنىڭ ەڭ ۇلكەن جەتىستىگى جانە ولاردى مويىنداۋ بەلگىسى دەۋگە بولادى. بۇگىندە ەۋروپالىق ساپا كەپىلدىگىنىڭ تىزىلىمىنە 22 ەلدىڭ 44 اگەنتتىگى كىرەدى.

قازاقستان بولون پروسەسىنە قاتىساتىن الەمنىڭ 48 ەلىنىڭ ىشىندە 23-ەل بولدى. ارتا تانىلعان اگەنتتىك مارتەبەسىن الۋى ونىڭ جوعارى حالىقارالىق ستاندارتتارعا سايكەس كەلۋىنىڭ دالەلى ٴارى سەنىم كۋالىگى بولىپ تابىلادى.

ارتا جانە eqar حالىقارالىق سەمينارى قازاق ۇلتتىق حورەوگرافيا اكادەمياسى نەگىزىندە ۇيىمداستىرىلدى.

eqar پرەزيدەنتى karl dittrich، نيدەرلاندى جوعارى ٴبىلىم بەرۋ ينسپەكتوراتىنىڭ ديرەكتورى hendrik michael (erik) martijnse، ارتا ديرەكتورى الينا باقىتجانقىزى جۇماعۇلوۆا جانە ارتا ساراپتاما كەڭەسىنىڭ ٴتورايىمى مارينا الەكساندروۆنا سكيبا سەميناردىڭ باستى سپيكەرلەرى بولادى.

حالىقارالىق سەميناردىڭ نەگىزگى ماقساتى — قر جوو-لارىن سىرتقى باعالاۋ بويىنشا كاسىبي قاۋىمداستىقتى قالىپتاستىرۋ جانە بولون پروسەسىنىڭ سوڭعى ۇردىستەرىن ٴتۇسىندىرۋ ٴۇشىن ارتا ساراپشىلارىنىڭ بىلىكتىلىگىن ارتتىرۋ.

سەميناردا كەلەسى ماسەلەلەر قاراستىرىلادى:

  • بولون پروسەسىن دامىتۋدىڭ ماڭىزدىلىعى مەن ىلگەرىلەۋى;

  • ٴبىلىم ساپاسىن قامتاماسىز ەتۋدەگى eqar ٴرولى;

  • ساياسات جانە ۋنيۆەرسيتەتتەر: پروبلەمالار مەن ساپانى قامتاماسىز ەتۋ جولدارى;

  • سىرتقى ساپا كەپىلدىگى بويىنشا ەسەپتى قالىپتاستىرۋدىڭ تاسىلدەرى;

  • ٴبىلىم بەرۋدى باعالاۋ جانە ەسەپتەردى دايارلاۋ ساپاسى;

  • اككرەديتتەۋ جۇمىستارىن جۇرگىزۋدەگى ساراپشىلاردىڭ ٴرولى;

اتالعان حالىقارالىق سەمينار ساراپتاۋ قاۋىمداستىعىنا ٴبىلىم بەرۋ باعدارلامالارىن جوعارى دەڭگەيدە باعالاۋعا جانە تاۋەلسىز حالىقارالىق اككرەديتتەۋ ۇردىسىندە وزدەرىنىڭ كاسىبي داعدىلارىن قولدانۋعا مۇمكىندىك بەرەدى. حالىقارالىق سەميناردىڭ سوڭىندا ساراپشىلارعا بىلىكتىلىكتى ارتتىرعاندارى تۋرالى سەرتيفيكاتتار بەرىلەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي