BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

ٴابدىراحمانوۆ پەن ەقىۇ باق بوستاندىعى جونىندەگى وكىلى قازاقستانداعى باق-تىڭ دامۋىن تالقىلادى

استانا، baq.kz. قازاقستان ٴسوز بوستاندىعىن قامتاماسىز ەتۋ، پىكىر ٴبىلدىرۋ، جۋرناليستەر ٴۇشىن ەڭبەك ەتۋگە ٴقاۋىپسىز جاعداي جاساۋعا اسا ماڭىز بەرەدى جانە باق-تىڭ ودان ٴارى جان-جاقتى دامۋىنا ماقسات قويادى. بۇل جونىندە قر سىرتقى ىستەر ٴمينيسترى قايرات ٴابدىراحمانوۆتىڭ ەقىۇ-نىڭ باق بوستاندىعى جونىندەگى وكىلى ارلەم دەزيرمەن كەزدەسۋىندە ايتىلدى.

كەزدەسۋ بارىسىندا ٴسوز بوستاندىعىنىڭ جانە پىكىر ٴبىلدىرۋ قاعيداتتارىن قورعاۋ مەن ىلگەرىلەتۋىنە، قازاقستانداعى باق ينستيتۋتىنىڭ دامۋىنا ىقپال ەتۋگە بايلانىستى، ونىڭ ىشىندە زاڭنامالىق نەگىزىندە، وزەكتى ماسەلەلەر تالقىلاندى.

تاراپتار قازاقستان مەن ۇيىمنىڭ ٴوزارا ٴىس-قيمىلىنىڭ ديناميكاسىن جوعارى باعالاپ، ٴبىزدىڭ ەلىمىزدىڭ ٴرولىن، اسىرەسە 2010 جىلى ٴتوراعالىق ەتكەن كەزىندەگى 21 عاسىرداعى جالعىز ٴسامميتتىڭ ٴوتۋى جانە تاريحي استانا دەكلاراسياسىن قابىلدانعانىن اتاپ ٴوتتى. ٴىرى ەلدەر اراسىنداعى ٴوزارا تۇسىنۋشىلىكتى تابۋعا باعىتتالعان ٴوزىنىڭ بىتىمگەرلىك باستامالارىمەن پرەزيدەنت نۇرسۇلتان نازاربايەۆتىڭ بەدەلى تانىمال اتاپ ٴوتىلدى.

ق. ٴابدىراحمانوۆ ەقىۇ-نىڭ باق بوستاندىعى ماسەلەلەرى جونىندەگى وكىلىنىڭ قىزمەتىن، ونىڭ ىشىندە ەقىۇ-نىڭ باق بوستاندىعى جونىندەگى وكىلىنىڭ وفيسىمەن قر ٴتيىستى مەملەكەتتىك ورگاندارى اراسىنداعى ٴتيىمدى ىنتىماقتاستىقتى قۇپتادى.

ا. دەزير قازاقستان تاراپىنا باق بوستاندىعى جونىندەگى وكىلى ٴوفيسىنىڭ جۇمىسىنا وڭ باعا بەرگەنى ٴۇشىن العىسىن بىلدەرە وتىرىپ، قازاقستاننىڭ ەقىۇ قىزمەتىندەگى سىندارلى ٴرولىن اتاپ ٴوتتى.

ەقىۇ-نىڭ جوعارى دارەجەلى وكىلى ەقىۇ-نىڭ 20-شى مەرەيتويلىق ورتالىق ازيا مەديا كونفەرەنسياسىنىڭ «جۋرناليستيكانىڭ بولاشاعى» تاقىرىبىنا ارنالعان جۇمىسىنا قاتىسۋى ٴۇشىن ەكى كۇندىك ساپارمەن استاناعا كەلدى.

ورتالىق ازيا مەديا كونفەرەنسياسىنىڭ كۇن تارتىبىنە سيفرلىق ترانسفورماسيا داۋىرىندەگى اقپاراتتىڭ ساپاسى مەن جۋرناليستيكانىڭ بولاشاعى، «جالعان جاڭالىقتار مەن جالعان اقپارات»، سونداي-اق جەلىدە پىكىر ٴبىلدىرۋ بوستاندىعى بويىنشا ماسەلەلەر كىرەدى.

كونفەرەنسياعا 100-گە جۋىق جەرگىلىكتى جانە شەتەلدىك جۋرناليستەر، ازاماتتىق قوعام ۇيىمدارىنىڭ وكىلدەرى مەن اكادەميالىق توپتار، ايماقتاعى بۇقارالىق اقپارات قۇرالدارىنىڭ ەركىندىگى ماسەلەلەرىن تالقىلايتىن حالىقارالىق ساراپشىلار قاتىسۋدا.

ەقىۇ-نىڭ مەديا كونفەرەنسياسىنىڭ شەڭبەرىندە ا. دەزير اقپارات جانە كوممۋنيكاسيا ٴمينيسترى داۋرەن ابايەۆپەن دە كەزدەستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي