BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

ەلشىمەن كەزدەسۋ. شۇاا-داعى ەتنيكالىق قازاقتاردىڭ ماسەلەسى وڭ شەشىمىن تابادى

فوتو: СІМ баспасөз қызметі

استانا، baq.kz. سىرتقى ىستەر ٴمينيسترى قايرات ٴابدىراحمانوۆ قحر-دىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى چجان سياونى قابىلدادى جانە ديپلوماتتىڭ قىزمەتىنە جاقىندا كىرىسۋىمەن قۇتتىقتاي وتىرىپ، قازاقستان مەن قىتاي اراسىنداعى جان-جاقتى ستراتەگيالىق ارىپتەستىكتى العا جىلجىتۋدا تابىستار تىلەدى.

كەزدەسۋ بارىسىندا ەكىجاقتى ساياسي قاتىناستاردىڭ جاي-كۇيى مەن كەلەشەگى، قازاقستان مەن قىتاي اراسىنداعى ساۋدا-ەكونوميكالىق، مادەني-گۋمانيتارلىق ىنتىماقتاستىقتىڭ وزەكتى ماسەلەلەرى، قاۋىپسىزدىك پروبلەمالارى بويىنشا ٴوزارا ىقپالداستىق تالقىلاندى. ٴوزارا قىزىعۋشىلىق تۋدىراتىن قازىرگى زامانعى وزەكتى ماسەلەلەردىڭ بۇكىل سپەكترى بويىنشا ديالوگتى دامىتۋدىڭ ماڭىزدىلىعى ايرىقشا اتاپ ٴوتىلدى.

قازاقستان پرەزيدەنتى نۇرسۇلتان نازاربايەۆتىڭ قحر-عا مەملەكەتتىك ساپارى جانە ونىڭ 2018 جىلدىڭ ماۋسىم ايىندا شىۇ سامميتىنە قاتىسۋى قورىتىندىسى نەگىزىندە قول جەتكىزىلگەن ەكىجاقتى كەلىسىمدەردى جۇزەگە اسىرۋ بارىسىن تالقىلاۋعا ەرەكشە نازار اۋدارىلدى.

ٴابدىراحمانوۆتىڭ ايتۋىنشا، استانا مەن پەكين اراسىنداعى جان-جاقتى تابىستى ىنتىماقتاستىق، نەگىزىنەن ەرەكشە دوستىق جانە سەنىمدى قاتىناستار ورناتقان ەكى ەل باسشىلارى كۇش-جىگەرلەرىنىڭ ارقاسىندا مۇمكىن بولدى. سوڭعى جىلدارى «نۇرلى جول» جاڭا ەكونوميكالىق جوباسىن «بەلبەۋ جانە جول» باستاماسىمەن ۇشتاستىرۋمەن قاتار، ٴبىرقاتار ٴىرى ينۆەستيسيالىق جوبار جۇزەگە اسىرىلدى.

قىتاي قازاقستاننىڭ ٴىرى سىرتقى ساۋدا سەرىكتەسى بولىپ تابىلادى، سونىمەن بىرگە استانا، قازاقستاننىڭ ونىمدەرىن، ەڭ الدىمەن اۋىل شارۋاشىلىق ونىمدەرىن قىتاي نارىعىندا كەڭەيتۋگە مۇددەلى. وسى جىلدىڭ قىركۇيەك ايىندا استانا قالاسىندا «بەلبەۋ جانە جول» باستاماسىنىڭ 5 جىلدىق مەرەيتويىنا وراي 130-دان استام قىتايلىق ىسكەرلىك توپ وكىلدەرىنىڭ قاتىسۋىمەن ۇيىمداستىرىلعان بيزنەس-فورۋمنىڭ ناتيجەسى جوعارى باعالاندى. تاراپتار وندىرىستىك قۋاتتاردى دامىتۋ باعدارلاماسىن ودان ٴارى ىسكە اسىرۋعا قىزىعۋشىلىق تانىتتى. بۇگىنگى كۇنى جالپى قۇنى 27 ملرد دوللار قۇرايتىن 51 بىرلەسكەن جوبالار بويىنشا جۇمىس جۇرگىزىلۋدە، ونىڭ ىشىندە جالپى قۇنى 2،5 ملرد دولل. قۇرايتىن 9 جوبا ىسكە قوسىلدى.

وسى رەتتە، تاراپتار جوعارى ۇكىمەتتىك دەڭگەيدەگى الداعى جوسپارلانعان كەزدەسۋلەرگە دايىندىق ماسەلەلەرىن تالقىلادى جانە ولاردىڭ ناتيجەلەرى ەكى ەل اراسىنداعى ساۋدا-ەكونوميكالىق جانە ينۆەستيسيالىق قاتىناستاردىڭ بارلىق سپەكترىن دامىتۋعا وڭ سەرپىن بەرەتىنىن اتاپ ٴوتتى.

قحر ەلشىسى، پرەزيدەنت ن. نازاربايەۆتىڭ قازاقستان حالقىنا جولداۋىنىڭ مازمۇنىن جوعارى باعالاپ، 2019 جىلدى جاستار، ٴتۋريزمدى قولداۋ، شىمكەنت قالاسىنىڭ ۇلگىسىنە سايكەس مەگاپوليستەردى دامىتۋ جىلى دەپ جاريالاۋ سياقتى ٴبىرقاتار باستامالاردى جۇزەگە اسىرۋعا قىتاي تاراپىنىڭ قىزىعۋشىلىعىن ٴبىلدىردى.

سونىمەن قاتار، كەزدەسۋ بارىسىندا، تاراپتار قحر-داعى قازاق دياسپوراسىنىڭ قازاقستان مەن قىتاي اراسىنداعى «دوستىق كوپىرى» رەتىندە سانالاتىنىن اتاپ ٴوتتى. سونىمەن بىرگە، شۇاا ەتنيكالىق قازاقتاردىڭ قۇقىقتارى مەن مۇددەلەرىن قورعاۋعا بايلانىستى ماسەلەلەر ٴوزارا سەنىمدىلىك، تاتۋ كورشىلىك، قۇرمەتتەۋ قاعيداتتارى نەگىزىندە جانە ستراتەگيالىق ارىپتەستىكتىڭ جوعارى دەڭگەيىندەگى رۋحىندا وڭ شەشىلەتىن بولادى دەگەن ۋاعدالاستىققا قول جەتكىزىلدى.

قازاقستان تاراپى قازاقستان ازاماتتارىنا قحر-دىڭ جەكە، ىسكەرلىك جانە تۋريستىك ۆيزالارىن بەرۋدى تەز ارادا قايتا جالعاستىراتىنىنا ٴۇمىت ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي