BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

ٴابدىراحمانوۆ: ەقىۇ-نىڭ ەكونوميكالىق جانە ەكولوگيالىق ۇلكەن الەۋەتىن ۇمىتپاۋىمىز كەرەك

استانا، baq.kz. ميلان قالاسىندا ەۋروپاداعى قاۋىپسىزدىك جانە ىنتىماقتاستىق ۇيىمى سىرتقى ىستەر مينيسترلەرى كەڭەسىنىڭ ٴ25-شى وتىرىسى ٴوتىپ جاتىر.

قازاقستان سىرتقى ىستەر ٴمينيسترى قايرات ٴابدىراحمانوۆ ٴوز سوزىندە بريۋسسەلدەگى «ازيا-ەۋروپا» سامميتىندە (اسەم) ۇسىنىلعان نۇرسۇلتان نازاربايەۆتىڭ باستاماسىمەن تانىستىردى. «ن. نازاربايەۆ ەۋروپالىق وداق، رەسەي، اقش جانە قىتاي باسشىلارىنىڭ بىرلەسكەن تالقىلاۋى ارقىلى حالىقارالىق كەلىسپەۋشىلىكتەردى شەشۋدىڭ ماڭىزدىلىعىن اتاپ ٴوتتى. تالقىلاۋ بۇۇ قامقورلىعىمەن ارنايى سەسسيا تۇرىندە وتكىزىلۋى دە مۇمكىن، سونداي-اق استانا مۇنداي جوعارى دەڭگەيدەگى كەزدەسۋگە الاڭ بولا الادى»، - دەلىنگەن حابارلامادا.

قازاقستاننىڭ ەقىۇ ايماعىندا جانە ودان تىس جەرلەردە جانجالداردى رەتتەۋگە، وڭىرلىك جانە جاھاندىق پروبلەمالاردى شەشۋ ٴۇشىن حالىقارالىق بىرلەسكەن كۇش-جىگەرگە بەلسەنە قاتىسۋعا دەگەن بەيىلدىلىگى اتاپ ٴوتىلدى.

«حەلسينكي قورىتىندى اكتىسى قاعيداتتارىنا نەگىزدەلە وتىرىپ، ەقىۇ مەملەكەتتەرى 2010 جىلعى استانا سامميتىندە ەركىن، دەموكراتيالىق جانە بولىنبەيتىن ەۋرواتلانتيكالىق جانە ەۋرازيالىق قاۋىپسىزدىك قوعامداستىعىنىڭ جالپى كورىنىسى تۋرالى كەلىسىمگە كەلدىك، ٴبىراق ٴبىز وعان قول جەتكىزۋ جولدارى تۋرالى كەلىسپەدىك. سوندىقتان حەلسينكي قۇجاتىنىڭ 45-جىلدىعىنا وراي ۇيىمداستىرۋعا بولاتىن جوعارى دەڭگەيدەگى كونفەرەنسيا وسى باعىتتا ناقتى شارا بولادى »، - دەپ ٴتۇسىندىردى مينيستر.

قازاقستان ەقىۇ-دىڭ شيەلەنىستەردى الدىن-الۋ جانە شەشۋگە، تەرروريزم، راديكاليزم، ادام ساۋداسى جانە باقىلانبايتىن كوشى-قونعا قارسى ٴىس-قيمىل قۇرالدارىن نىعايتۋعا مۇددەلى. وسى رەتتە سيريا بويىنشا استانا پروسەسى ەۋرو-جەرورتا تەڭىزى قاۋىپسىزدىگىنە قاۋىپ-قاتەردى تومەندەتۋدە ماڭىزدى ٴرول اتقارادى، دەلىنگەن قازاقستاندىق دەلەگاسيانىڭ سوزىندە.

ەۋرازياداعى قيىندىقتاردى شەشۋدە حالىقارالىق ۇيىمداردىڭ سينەرگياسىن ناسيحاتتاۋ ماقساتىندا، قاتىسۋشى مەملەكەتتەر ەقىۇ، اوسشك جانە اسەان ايماقتىق قاۋىپسىزدىك فورۋمى حاتشىلىقتارىنىڭ بىرلەسكەن وتىرىسىن ۇيىمداستىرۋ تۋرالى پرەزيدەنت ن. نازاربايەۆتىڭ باستاماسى ۇسىنىلدى.

قاتىسۋشىلاردىڭ نازارى اۋعانستانداعى احۋالدىڭ دامۋى جانە وسى رەتتە قازاقستاننىڭ ەقىۇ-دىڭ اۋعانستان جونىندەگى جوعارى دەڭگەيدەگى كەزدەسۋىن 2019 جىلى استانادا وتكىزۋ نيەتىنە اۋدارىلدى. بۇل ٴىس-شارا ايماقتىق سەرىكتەستىك جانە قاۋىپسىزدىك پەن دامۋ اراسىنداعى قارىم-قاتىناسقا باعىتتالاتىن بولادى.

«قاۋىپسىزدىك پەن دامۋ تۋرالى ايتا وتىرىپ، كوپىر قۇرۋعا قابىلەتتى جانە كوپتەگەن ماڭىزدى ماسەلەلەر بويىنشا كونسەنسۋسقا قول جەتكىزۋگە مۇمكىنشىلىك بەرەتىن ەقىۇ ەكونوميكالىق جانە ەكولوگيالىق ولشەمدەرىنىڭ ۇلكەن الەۋەتىن ۇمىتپاۋىمىز كەرەك. بۇل مۇمكىندىكتەردىڭ ٴبىرى - ەقىۇ استاناداعى جاڭا بۋىنىنىڭ قالىپتاسۋى بولاتىن ەدى. بۇل وزىق تاجىريبەلەرمەن، اناليتيكالىق جانە عىلىمي-زەرتتەۋ جۇمىستارىمەن الماسۋ ارقىلى ورنىقتى ٴوزارا بايلانىستىلىق ماسەلەلەرىمەن اينالىساتىن ەدى»، - دەدى قازاقستان ٴسىم باسشىسى.

ەقىۇ ەكونوميكالىق جانە ەكولوگيالىق كوميتەتىنىڭ ٴتوراعاسى رەتىندە قازاقستان ميلانداعى سىرتقى ىستەر مينيسترلەر كەڭەسىنىڭ الاڭىندا ٴوزارا بايلانىستىلىق (connectivity) ماسەلەلەرى بويىنشا ارنايى ٴىس-شارا ۇيىمداستىردى.

ميلانداعى ەقىۇ وتىرىسىنىڭ اياسىندا ۇجىمدىق قاۋىپسىزدىك تۋرالى شارت ۇيىمىنا (ۇقشۇ) مۇشە-مەملەكەتتەر سىرتقى ىستەر مينيسترلەرىنىڭ جۇمىس كەزدەسۋى ٴوتتى.

سونىمەن قاتار، ميلاندا يتاليا، اۋستريا، نيدەرلاندى، سلوۆاكيا، سەربيا، ەستونيا، موناكو، بولگاريا، رۋمىنيا جانە باسقا ەلدەر دەلەگاسيالارىنىڭ باسشىلارىمەن، سونداي-اق ەقىۇ ۇلتتىق ازشىلىقتار جونىندەگى جوعارعى كوميسسارىمەن ەكىجاقتى كەزدەسۋلەر وتكىزىلۋدە.

ەقىۇ مينيسترلىك كەزدەسۋى اشىلۋىنىڭ قارساڭىندا قىرعىزستاننىڭ توراعالىعىمەن ۇجىمدىق قاۋىپسىزدىك تۋرالى شارت ۇيىمىنىڭ مۇشە-مەملەكەتتەرى سىرتقى ساياسي ۆەدومستۆولارى باسشىلارىنىڭ جۇمىس كەزدەسۋى ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي