BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

ٴابدىقالىقوۆا: سىبايلاس جەمقورلىقپەن كۇرەستە حالىقارالىق بىرلەستىكتەردىڭ وزىق تاجىريبەسىن ەسكەرەمىز

استانا، baq.kz. قازاقستان رەسپۋبليكاسىنىڭ مەملەكەتتىك حاتشىسى گۇلشارا ٴابدىقالىقوۆا «جاھاندانۋ جاعدايىنداعى سىبايلاس جەمقورلىققا قارسى ٴىس-قيمىل» اتتى حالىقارالىق كونفەرەنسياعا قاتىستى. بۇل تۋرالى اقوردانىڭ ٴباسپاسوز قىزمەتى حابارلادى.

ٴىس-شاراعا مەملەكەتتىك ورگانداردىڭ، ديپلوماتيالىق كورپۋستىڭ، ەكونوميكالىق ىنتىماقتاستىق جانە دامۋ ۇيىمى، بۇۇ دامۋ باعدارلاماسى، ازيا دامۋ بانكى سياقتى حالىقارالىق ۇيىمداردىڭ، اكادەميالىق قوعامداستىقتىڭ، ۇكىمەتتىك ەمەس سەكتوردىڭ وكىلدەرى قاتىستى.

مەملەكەتتىك حاتشى ٴوز قۇتتىقتاۋىندا مەملەكەت باسشىسى نۇرسۇلتان نازاربايەۆ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋىندا: «سىبايلاس جەمقورلىقپەن بەلسەندى كۇرەس جالعاساتىن بولادى» دەپ اتاپ وتكەنىنە توقتالدى.

– بىرىككەن ۇلتتار ۇيىمىنىڭ سىبايلاس جەمقورلىققا قارسى كونۆەنسياسى ەرەجەسىنە جانە ۇلتتىق ەرەكشەلىكتەرىنە ساي قازاقستان ۇزدىك حالىقارالىق تاجىريبە نەگىزىندە سىبايلاس جەمقورلىقتان ازات قوعام قالىپتاستىرۋعا ۇمتىلاتىن زاماناۋي مەملەكەتتىڭ وزىندىك مودەلىن جاسادى، – دەدى گ.ٴابدىقالىقوۆا.

مەملەكەتتىك حاتشى «بەس ينستيتۋسيونالدىق رەفورما» جانە قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسى اياسىندا سىبايلاس جەمقورلىققا قارسى ٴىس-قيمىل جۇيەسى جاڭعىرىپ جاتقانىن اتاپ ٴوتتى. زاڭنامالىق بازا جەتىلدىرىلۋدە، بەرىك ينستيتۋسيونالدىق نەگىز قالىپتاستى، مەملەكەتتىك قىزمەتشىلەردىڭ ادامگەرشىلىك جانە ەتيكالىق مىنەز-قۇلقىنا قويىلاتىن ناقتى تالاپتار ەنگىزىلدى.

– سىبايلاس جەمقورلىققا قارسى ىس-ارەكەتتىڭ ۇلتتىق جۇيەسىن جەتىلدىرە وتىرىپ، ٴبىز جاھاندىق ترەندتەردى، سونداي-اق دامىعان مەملەكەتتەردىڭ جانە بىرىككەن ۇلتتار ۇيىمى، ەكونوميكالىق ىنتىماقتاستىق جانە دامۋ ۇيىمى، ەۋروپاداعى قاۋىپسىزدىك جانە ىنتىماقتاستىق ۇيىمى سياقتى حالىقارالىق بىرلەستىكتەردىڭ وسى سالاداعى وزىق تاجىريبەسىن جان-جاقتى ەسكەرەمىز، – دەدى گۇلشارا ٴابدىقالىقوۆا.

سوڭىندا قازاقستان رەسپۋبليكاسىنىڭ مەملەكەتتىك حاتشىسى گۇلشارا ٴابدىقالىقوۆا كونفەرەنسياعا قاتىسۋشىلارعا سىبايلاس جەمقورلىققا قارسى مەملەكەتتىك ساياساتتى ودان ٴارى جەتىلدىرۋ جولىنداعى جۇمىستا تابىس تىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي