BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

ٴابدىقالىقوۆا وزبەكستانعا جۇمىس ساپارىمەن باردى

فوتو: интернеттен

بۇگىن قر مەملەكەتتىك حاتشىسى گۇلشارا ٴابدىقالىقوۆا جۇمىس ساپارىمەن وزبەكستان رەسپۋبليكاسىنا باردى، دەپ حابارلايدى ۆaq.kz اقپارات اگەنتتىگى.

مەملەكەتتىك حاتشى ساپار اياسىندا وزبەكستان رەسپۋبليكاسى پرەمەر-مينيسترىنىڭ ورىنباسارى، ايەلدەر كوميتەتىنىڭ ٴتورايىمى ت.ناربايەۆانىڭ شاقىرۋى بويىنشا قازاقستان جانە وزبەكستان ايەلدەرى بيزنەس-فورۋمىنا قاتىستى.

وعان سونداي-اق قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مۇشەلەرى، پارلامەنت دەپۋتاتتارى، مەملەكەتتىك ورگاندار، «اتامەكەن» ۇكپ، ۇكىمەتتىك ەمەس ۇيىمدار، كاسىپكەر ايەلدەر قوعامداستىعى وكىلدەرى قاتىستى.

قۇتتىقتاۋ سوزىندە گۇلشارا ٴابدىقالىقوۆا ەل پرەزيدەنتى ن.ٴا.نازاربايەۆ قازاقستان مەن وزبەكستان اراسىنداعى ەكىجاقتى قارىم-قاتىناستىڭ دامۋىنا ايرىقشا كوڭىل بولەتىنىن اتاپ ٴوتتى.

مەملەكەت باسشىسىنىڭ «ٴبىزدىڭ ەكى حالىقتىڭ قارىم-قاتىناسىنىڭ ناعىز باۋىرلاستىق سيپاتى ٴوز تامىرىن سوناۋ عاسىرلار قويناۋىنا تارتىپ، اتا-بابالارىمىزدىڭ داڭقتى ورتاق تاريحى مەن باي رۋحاني مۇراسى ارقىلى بەكىپ جاتقانى» جونىندەگى سوزىنە كوڭىل اۋدارتتى.

گ.ٴابدىقالىقوۆا قازاقستاندا ايەلدەردىڭ ەكونوميكالىق مۇمكىندىكتەرىن كەڭەيتۋگە باعىتتالعان مەملەكەتتىك ساياسات جۇرگىزىلىپ وتىرعانىن ايتتى.

– دەموكراتيالىق قوعام قۇرۋدىڭ نەگىزگى باعىتىنىڭ ٴبىرى گەندەرلىك ۇيلەسىمگە قول جەتكىزۋ بولىپ سانالادى. تاۋەلسىزدىك جىلدارىندا قوماقتى ناتيجەلەر ەڭسەرىلدى. ٴبىز ايەلدەردىڭ ساياساتقا ارالاسۋى جونىنەن ورنىقتى ىلگەرىلەۋشىلىككە قول جەتكىزدىك. ماجىلىستە 29 ايەل بار، ياعني ولار دەپۋتاتتاردىڭ جالپى سانىنىڭ 27%-ىنان اسادى. ەكونوميكادا قارقىندى تۇردە كاسىپكەر ايەلدەر سەكتورى قالىپتاستى. شاعىن جانە ورتا بيزنەس سۋبەكتىلەرىنىڭ 44%-ىن ايەلدەر باسقارادى، ولار بۇل سالاداعى بارلىق جۇمىس ورنىنىڭ ۇشتەن ٴبىرىن قامتاماسىز ەتىپ وتىر، – دەدى مەمحاتشى.

فورۋمدا قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مەن وزبەكستان ايەلدەرى كوميتەتى اراسىنداعى ىنتىماقتاستىق تۋرالى مەموراندۋمعا قول قويىلدى، قازاقستان مەن وزبەكستاننىڭ كاسىپكەر ايەلدەرىنىڭ يننوۆاسيالىق بيزنەس-جوبالارى نازارعا ۇسىنىلدى، سىندارلى تۇردە وزىق تاجىريبە الماسۋ جۇزەگە اسىرىلدى.

قر مەملەكەتتىك حاتشىسى گ.ن.ٴابدىقالىقوۆا فورۋم اياسىندا وزبەكستان پرەمەر-مينيسترىنىڭ ورىنباسارى، ايەلدەر كوميتەتىنىڭ ٴتورايىمى ت.ك.ناربايەۆامەن بىرگە ايەلدەر بيزنەس قوعامداستىعى ىنتىماقتاستىعىنىڭ، سونداي-اق ايەلدەردىڭ ٴرولىن ارتتىرۋ مەن مۇمكىندىكتەرىن كەڭەيتۋدىڭ وزەكتى ماسەلەلەرىن تالقىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي