BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

15 ناۋرىزدا قازاقستانعا وزبەكستان پرەزيدەنتى كەلەدى

وزبەكستاننىڭ پرەزيدەنتى شاۆكات ميرزيەەۆ قر مەملەكەت باسشىسى نۇرسۇلتان نازاربايەۆتىڭ شاقىرتۋىمەن 2018 جىلدىڭ 15 ناۋرىزىندا استاناعا جۇمىس ساپارىمەن كەلەدى، دەپ حابارلايدى baq.kz اقپارات اگەنتتىگى وزبەكستان پرەزيدەنتىنىڭ رەسمي سايتىنا سىلتەمە جاساپ.

ساپار بارىسىندا وزبەك دەلەگاسياسى ورتالىق ازيا مەملەكەت باسشىلارىنىڭ العاشقى كونسۋلتاتيۆتىك كەزدەسۋىنە قاتىسادى. سونداي-اق كورشىلەس ەلدەردىڭ پرەزيدەنتتەرىنىڭ ەكىجاقتى كەزدەسۋى جوسپارلانعان.

بۇل كەزدەسۋ تۋرالى 2017 جىلى بۇۇ باس اسسامبلەياسىنىڭ 72-سەسسياسىندا پرەزيدەنت ش.ميرزيەەۆتىڭ ۇسىنىس جاساعان بولاتىن. ول ونى قاراشا ايىندا سامارقاندتا وتكەن «ورتالىق ازيا: تۇراقتى دامۋ جانە بىرگە وركەندەۋ ٴۇشىن ورتاق تاريح جانە ورتاق بولاشاق» اتتى حالىقارالىق كونفەرەنسيادا جەتىلدىرىپ تۇتاس باعدارلاماعا اينالدىردى. وزبەكستاننىڭ باستاماسى ايماقتاعى بارلىق ەلدىڭ قولداۋىنا يە بولدى. قازاقستان العاشقى كەزدەسۋدى استانادا جوعارى دەڭگەيدە وتكىزۋدى ۇسىنعان بولاتىن. سول كۇنى وزبەكستاننىڭ باسشىسى قازاقستانداعى وزبەكستان جىلىنىڭ رەسمي اشىلۋ راسىمىنە قاتىسادى.

وزبەكستان پرەزيدەنتىنىڭ ٴباسپاسوز حاتشىسى كوميل اللامجونوۆتىڭ مالىمدەۋىنشە بۇعان دەيىن شەت ەلدەردە وزبەكستان كۇندەرى وتكىزىلگەن، الايدا وزبەكستان جىلى العاش رەت وتكىزىلمەك. وسىعان بايلانىستى اۋقىمدى ٴىس-شاراعا ازىرلەنۋ ٴۇشىن استاناعا قۇرامىندا مادەنيەت جانە ونەر قايراتكەرلەرى، قولونەرشىلەر، جۋرناليستەر جانە باسقا سالا وكىلدەرى بار وزبەكستاننىڭ دەلەگاسياسى كەلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي