BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

waqyp travel ٴدىني ٴتۋريزمدى ۇيىمداستىرادى

مەملەكەت باسشىسىنىڭ تاپسىرماسى بويىنشا قۇرىلعان «ۋاقىپ» قازاقستاندىق قورى» كورپوراتيۆتىك قايىرىمدىلىق قورىنا 1 شىلدە كۇنى 1 جىل تولدى. قوردىڭ نەگىزگى قىزمەتى الەۋمەتتىك جوبالاردى قولداۋعا باعىتتالعان. قور قۇرىلعاننان باستاپ كوپ جۇمىس اتقارىلدى جانە وسى ارالىقتاعى قىزمەتتى قوىرىتىندىلاۋ ٴۇشىن «ۋاقىپ» قورىنىڭ پرەزيدەنتى قايرات ايتبايمەن سۇحباتتاسقان ەدىك.

- قايرات ورىنباي ۇلى، 1 جىل ىشىندە اتقارىلعان جۇمىستى قورىتىندىلاساڭىز، وسى ارالىقتا نە ىستەلىندى جانە العا قانداي ماقسات قويىپ وتىرسىزدار؟

- ساۋالىڭىزعا راحمەت. بارلىق اتقارىلعان ىستەردى ٴبىر عانا سۇحباتتىڭ اياسىندا جەتكىزۋ مۇمكىن ەمەس. دەگەنمەن نەگىزى جوبالاردى ايتىپ وتكىم كەلەدى. ەڭ اۋەلى ٴبىز كومەك كورسەتكەن مەكەمەلەر مەن ادامداردىڭ اتى-جوندەرى رەسمي سايتىمىزدا بار جانە سىزدەر دە www.waqyp.kz سايتى ارقىلى ولارعا اقشا اۋدارا الاسىزدار. كەز كەلگەن سوما، ٴتىپتى 500 نەمەسە مىڭ تەڭگە بولسىن، ٴبىز ونىڭ بارلىعىن بىرىكتىرىپ، مۇقتاج جاندارعا ايتارلىقتاي كومەك كورسەتەمىز. ەگەر ساندارعا كوز جۇگىرتسەك، قور 382 ميلليون تەڭگە قارجى جيناپ، ونىڭ 200 ميلليون تەڭگەسىنە مۇقتاج جاندارعا كومەكتەسىپ ۇلگەردى.

ٴبىز 300-دەن استام ٴدىني قىزمپەتكەرگە الەۋمەتتىك كومەك كورسەتتىك. سونىمەن قاتار، شالعايدا تۇرىپ جۇمىس ىستەيتىن تەولوگتارعا 31 ميلليون سوماسىنا شاكىرتاقى تاعايىنداۋ ارقىلى كومەك جاسادىق. سونداي-اق، قور قر يمامداردىڭ بىلىكتىلىگىن ارتتىرۋ يسلام ينستيتۋتىنا جوندەۋ جۇمىستارىنا جانە وقۋعا قاتىستى شىعىنداردى جابۋ ٴۇشىن 16 ميلليون تەڭگە ٴبولدى.

«ۇممەت» قب بىرلەسە «مەكتەپ سومكەسى» اكسياسى اياسىندا الەۋمەتتىك جاعىنان از قامتىلعان 250 وتباسىنا وقۋعا كەرەكتى قۇرالدار سالىنعان مەكتەپ سومكەلەرى تاراتىلدى. «نۇر-مۇباراك» يسلام مادەنيەتى ۋنيۆەرسيتەتىنىڭ الەۋمەتتىك جاعىنان از قامتىلعان 15 ستۋدەنتىنە وقۋ اقىسىن تولەۋگە قارجىلاي كومەك بەرىلدى. جانىپ كەتكەن پراۆوسلاۆ شىركەۋىن قالپىنا كەلتىرۋگە قارجى ٴبولىندى جانە بۇدان باسقا 100-دەي جوباعا قاتىستى كومەك كورسەتىلدى. وسى باعىتتاعى جۇمىس جالعاساتىن بولادى.

- قايرات ورىنباي ۇلى، قور جانىنان قۇرىلعان جاڭا ۇيىم نەمەن اينالىساتىن بولادى؟

- ٴيا، قور جانىنان جاڭا waqyp invest باسقارۋشى كومپانيا جشس قۇرىلدى. ونىڭ ٴبىر قۇرىلىمى waqyp travel ٴدىني ٴتۋريزمدى، مۇسىلمانداردى قاسيەتتى مەككە مەن مەدينا قالاسىنا زيارات ەتۋگە بارۋدى ۇيىمداستىرۋمەن اينالىساتىن بولادى. www.waqyptravel.kz سايتىندا جول ساپاردى ۇيىمداستۋردىڭ جولدارىمەن تانىسۋلارىڭىزعا بولادى. ٴدال ٴقازىر ٴبىز «ساۋاپتى ٴىس» قايىرىمدىلىق اكسياسىن ۇيىمداستىرىپ جاتىرمىز. وعان قاتىسۋ ٴۇشىن كەم دەگەندە 3 مىڭ تەڭگە جولداساڭىز بولعانى، ٴسىز اكسيانىڭ قاتىسۋشىسى اتاناسىز جانە ٴسىزدىڭ بەرگەن اقشاڭىز مۇقتاج جاندارعا كومەكتەسۋگە جولدانادى.

- ٴسىز باسقا دا ۇيىمدارمەن بايلانىس ورناتۋعا قالاي قارايسىز؟

- ٴبىز ٴارقاشاندا بايلانىس ورناتۋعا دايىنبىز. بۇگىنگى تاڭدا ٴبىرقاتار كەلىسىم بار. وتكەن جىلدىڭ سوڭىندا قر كاسىپوداقتار فەدەراسياسىنىڭ ٴتوراعاسى باقىتجان جارىرقاسىن ۇلىمەن كەزدەستىك، ول دەمالىس ورتالىقتارىنا جولداما بەرۋ ارقىلى قايىرىمدىلىققا اتسالىسۋعا كەلىستى. سونىمەن قاتار، ٴارتۇرلى قوعامدىق بىرلەستىكتەرمەن مەموراندۋمدارىمىز بار. ولاردىڭ ىشىندە جاقىندا عانا قول قويىلعان «حارەكەت» قورى اراسىنداعى قۇجاتتى ايتا كەتۋگە بولادى. وسى مەموراندۋم نەگىزىندە سايتىمىزدا ارنايى ٴبولىم اشتىق، سول ارقىلى اتالمىش قورمەن بىرلەسىپ، جينالعان اقشاعا مۇقتاج جاندارعا ٴۇي ساتىپ الۋعا تىرىسامىز.

- سىزدەرگە قانداي دا ٴبىر ۇيىمدار نەمەسە مەملەكەتتىك ورگاندار قولداۋ كورسەتە مە؟

- جاقىندا بىزگە ٴدىن ىستەر كوميتەتى قولداۋ كورسەتتى. ولار ٴبىزدىڭ قوردى قولداۋعا قاتىستى قايىرىمدىلىق اكسياسىن وتكىزدى. كوميتەت ٴتوراعاسىنىڭ ورىنباسارى بالعابەك مىرزايەۆ قىزمەتكەرلەردەن جينالعان اقشانى قورعا تابىس ەتتى. ٴبىز باسقا دا ۇيىمداردى، قازاقستان ەستارداسىنىڭ جۇلدىزدارىن «ساۋاپتى ٴىس» قايىرىمدىلىق اكسياسىنا قاتىسۋعا شاقىرامىز.

- وسكەلەڭ ۇرپاقتىڭ تاربيەسىنە باعىتتالعان قانداي دا ٴبىر جوبالار بار ما؟

- ٴيا، ارينە. ٴبىز جاقىندا عانا ٴ2-شى جاڭارتىلعان ەنەرگيا كوزدەرى ٴسامميتى اياسىندا «ٴبىز جاسىل پلانەتانى سالامىز» اتتى الەۋمەتتىك - ەكولوگيالىق اكسيانى وتكىزدىك. شارا بارىسىندا بالالار جاسىل ەكونوميكا تاقىرىبىندا سۋرەت سالدى. كارتينالارىڭ قىزىقتى بولعانى سونشالىقىتى، كەيبىر سامميت قوناقتارى ٴبىرقاتارىن ساتىپ الدى. بالالاردى قورعاۋ كۇنىنە ارناپ قور استانا قالاسىنىڭ بالالار پسيحونەۆرولوگيالىق مەديسينالىق-الەۋمەتتىك مەكەمەسىنىڭ تاربيەلەنۋشىلەرى ٴۇشىن شارا وتكىزدى. «حان شاتىر» ورتالىعىنىڭ اتتراكسيوندارىنا بارىپ، انيمە-شوۋ ۇيىمداستىرىلدى.

سونداي-اق قور جاس سپورتشىلاردى دا قولداپ كەلەدى. جاقىندا وزبەكستاندا كوركەم گيمانستيكادان وتكەن گران-پري جارىسىنا قاتىسقان ايزەرەگە كومەك بەردىك. سەبەبى اناسىنىڭ قىزىن جارىسقا جىبەرۋ ٴۇشىن مۇمكىندىگى بولمادى. ناتيجەسىندە ايزەرە ازىزبەكوۆا ٴبىرىنشى ورىن الدى. وسىعان بايلانىستى سپورتشىنىڭ اناسى مەن باپكەرلەر قۇرامى قورعا ٴوز العىستارىن ايتتى. بۇل وسكەلەڭ ۇرپاقتىڭ تاربيەسىنە ارنالعان سوڭعى جۇمىستاردىڭ ٴبىرى عانا.

- سۇحباتىڭىزعا راقمەت، الداعى جۇمىستارىڭىزعا ساتتىلىك تىلەيمىز!

اڭگىمەلەسكەن حاسەن مولدابايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي