BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

« ۇلى دالانىڭ جەتى قىرى» جانە تۇركىستان» تاقىرىبىندا جيىن ٴوتتى

تۇركىستان، baq.kz. تۇركىستان وبلىسى اكىمى جانىنداعى «ىرىس الدى – ىنتىماق» قوعامدىق فورۋمى اياسىندا « ۇلى دالانىڭ جەتى قىرى» جانە تۇركىستان» تاقىرىبىندا كەلەلى جيىن ٴوتتى.

باسقوسۋعا وبلىستىق باسقارمالاردىڭ جاۋاپتى قىزمەتكەرلەرى، زيالى قاۋىم وكىلدەرى، قوعامدىق ۇيىمداردىڭ جەتەكشىلەرى، عالىمدار مەن قوعامدىق ۇيىمنىڭ وكىلدەرى جانە جۋرناليستەر قاتىستى.

اتالمىش ٴىس-شارانى تۇركىستان وبلىسى اكىمىنىڭ ورىنباسارى مالىك وتاربايەۆ اشىپ، جۇرگىزىپ وتىردى. كەزدەسۋدە جازۋشى مارحابات بايعۇت، سارىاعاش اۋدانى ارداگەرلەر كەڭەسىنىڭ ٴتوراعاسى مۇستافا سۇلەيمەنوۆ، جەتىساي اۋدانى قوعامدىق كەڭەسىنىڭ ٴتوراعاسى تويىم ٴجۇنىسوۆ، تاريح عىلىمدارىنىڭ دوكتورى، ارحەولوگ باۋىرجان ٴابىش ۇلى، ق.ا.ياساۋي اتىنداعى حقتۋ-نىڭ تۇركولوگ عالىمى سەيسەنباي قۇداسوۆ، حالىقارالىق «تۇركولوگيا» ورتالىعىنىڭ عىلىمي قىزمەتكەرى قازىبەك تاجيەۆ، تاريح عىلىمدارىنىڭ دوكتورى، ارحەولوگ مۇحتار قوجا ٴسوز سويلەپ، « ۇلى دالانىڭ جەتى قىرى» مەن تۇركىستان» تاقىرىبىندا جاسالىنىپ جاتقان جۇمىستار جايلى ايتتى.

جيىندا تۇركىستان وبلىسىنىڭ اكىمى جانسەيىت تۇيمەبايەۆ ٴسوز سويلەپ، ەلباسىنىڭ « ۇلى دالانىڭ جەتى قىرى» ماقالاسى جونىندە بايانداما جاسادى. وبلىس اكىمى بايانداماداعى ويلارىن ورتاعا سالىپ، جيىننىڭ ماڭىزدىلىعىنا توقتالدى.

« ۇلى دالانىڭ جەتى قىرى» ماقالاسىندا ەلباسىمىز تۇركىستانعا ارنايى توقتالىپ، ۇلى شاhاردى دامىتۋ ماسەلەسىن ايتتى. مىنە، وسىعان وراي، « ۇلى دالانىڭ جەتى قىرى» جانە تۇركىستان» باعدارلامالىق ماقالاسىندا ايقىن كورسەتىلگەن تاريحىمىز بەن جوبالاردى قولعا الىپ، اۋقىمدى جۇمىستاردى جۇزەگە اسىرۋدا جانە تۇركىستان وبلىسىن دامىتۋعا بارلىعىمىز بىرلىك پەن تاتۋلىقتى تۋ ەتىپ ەڭبەك ەتۋىمىز كەرەك. بىرلىك پەن ىنتىماقتى، تاتۋلىق پەن تۇراقتىلىقتى، سايىپ كەلگەندە، تاۋەلسىزدىكتى باياندى، ۇلى دالا ەلىن ماڭگىلىك، تۇركىستاندى تۇركى دۇنيەسىنىڭ تەكتى ٴتورى، مادەني-رۋحاني ورتالىعى ەتۋ ماقساتىنداعى باسقوسۋىمىزدىڭ اتىن - «تۇركىستان تۇعىرى – تەكتىلىك پەن تاتۋلىق» دەپ اتاۋدى ۇسىنامىن»، – دەدى وبلىس اكىمى.

ودان سوڭ ٴوڭىر باسشىسى «بولاشاققا باعدار: رۋxاني جاڭعىرۋ» باعدارلامالىق ماقالاسىنىڭ «تۋعان جەر ارنايى جوباسى» اياسىندا تۋعان جەرگە سۇبەلى ۇلەس قوسىپ جۇرگەن سىرىم ەرتايەۆ، تالعات ىسقاقوۆ، ايىپحان ايىمبەتوۆ، باعلان سۇگىربايەۆ سىندى ازاماتتاردى «جومارت جۇرەك» سىيلىعىمەن ماراپاتتادى.

سونىمەن قاتار، «ىرىس الدى – ىنتىماق» قوعامدىق فورۋمىنىڭ « ۇلى دالانىڭ جەتى قىرى» جانە تۇركىستان» جيىنىنا قاتىسۋشىلار اتالعان تاقىرىپتى تالقىلاي كەلىپ، قارار قابىلدادى.

رۋحاني شارانىڭ سوڭى «بولاشاققا باعدار: رۋحاني جاڭعىرۋ» باعدارلاماسى اياسىندا «وڭتۇستىكتىڭ قاسيەتتى ورىندارى: ٴاڭىز-اپسانالار»، «وڭتۇستىك قازاقستان وبلىسىنىڭ تاريحي ورىندارى مەن كيەلى جەرلەرى» اتتى كىتاپتارىنىڭ تۇساۋكەسەرىنە ۇلاستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي