USD 335.71 EUR 357.36 RUB 5.23
استانا:

شەتەلدە ٴدىني ٴبىلىم الاتىن 400-دەي ستۋدەنت ەلىمىزگە قايتارىلعان

فوتو: islamdag.ru

سوڭعى 3 جىلدا شەتەلدە ٴدىني ٴبىلىم الىپ جۇرگەن 400-دەي ستۋدەنت قازاقستانعا قايتارىلعان. ونىڭ ٴ11-ى جامبىل وبلىسىنىڭ تۇرعىنى. ستۋدەنتتەر نەگە سىرتتان قايتارىلاتىن بولدى؟

شەتكە ٴىلىم ىزدەپ بارعاندار كوبىنە پاكىستان، بانگلادەش، مالايزيا، ساۋد ارابياسى مەن كورشى قىرعىز ەلدەرىنە تۇراقتايدى. ويتكەنى وسى ەلدەردە وقۋعا ٴتۇسۋ، ۆيزا مەن وزگە قىزمەتتەر تەگىن. بۇل ٴدىني ساۋاتتى باسقا باعىتقا بۇرۋ ٴۇشىن جاسالعان جاعداي ەكەنى تۇسىنىكتى دەيدى پروكۋرورلار.

جامبىل وبلىسىنان ازيا ەلدەرىنە اتتانعاندار 18 بەن 25 جاس ارالىعىنداعى ازاماتتار.

«سىرت ەلدەردە 23 ادامنىڭ وقيتىنى انىقتالدى. ولاردىڭ ٴ11-ىن ەلگە قايتاردىق. ٴدىني جانە الەۋمەتتىك سالالارعا جۇمىسقا ورنالاستىرىلدى. وزگەلەرى ٴالى دە بانگلادەش، پاكىستان مەن مالايزيادا ٴبىلىم الۋدا. ولاردى دا كەلەسى جىلى قايتارامىز. 4 اتا-انا كەلىسىمىن بەردى»، - دەيدى جامبىل وبلىستىق پروكۋراتۋراسىنىڭ ٴبولىم باسشىسى باقتيار شايسلاموۆ.

ستۋدەنتتەردى ەلگە قايتارۋ «ەكسترەميزم مەن تەرروريزمگە قارسى كۇرەس باعدارلاماسى» اياسىندا جۇزەگە اسۋدا. جامبىل وبلىسىنىڭ وكىل يمامى بۇل ساياساتتى قولدايدى. ايتۋىنشا، ٴدىني ساۋات اشۋ ٴوز ەلىمىزدە دە جولعا قويىلعان. سول ٴۇشىن سىرتقا سابىلۋ ٴجون ەمەس دەيدى.

«ٴوز جەرىمىزدە ٴوزىمىزدىڭ انا تىلىمىزدە ٴىلىم الۋ ۇلكەن باقىت دەپ ويلايمىن. جالپى، ەرتەرەكتە مۇنداي باقىتقا كوپتەگەن ازاماتتار كەنەلمەستەن، سىرت مەملەكەتتەرگە باراتىن ەدى. قازىرگى تاڭدا ونداي قاجەتتىلىك جوق. اللا شۇكىر، ٴبىزدىڭ وبلىسىمىزدا دا حيباتتۋلا تارازي مەدرەسەسى جۇمىس جاساپ جاتىر»، - دەيدى قمدب جامبىل وبلىسىنداعى وكىل يمامى دانيار جۇمابايەۆ.

ەلگە ورالعانداردىڭ ٴبىرى يبرايم شاروۆ. ول ەر-ريادتا ٴىلىم العان. «مۋحاممەد يبن ساۋد» ۋنيۆەرسيتەتىنىڭ ٴ4-شى كۋرسىن ٴتامامدار تۇستا ەلگە ورالدى. ونداعى ٴىلىم مەن جاسالعان جاعدايدان ەلىمىزدىكى الدەقايدا جاقسى دەيدى.

«ەلباسىمىزدىڭ بۇل ساياساتىنا ريزامىز. ٴبىزدىڭ بولاشاعىمىزعا بەي-جاي قارامادى. جانە ساۋد ارابياسىنداعى قازاقستان ەلشىلىگىنە كوپ راحمەت. اي سايىن باسىمىزدى قوسىپ تۇراتىن. ٴبىز ٴوز پروبلەمالارىمىزدى ايتاتىنبىز. ناتيجەسىندە بىردەن جۇمىس تاۋىپ بەرىپ، ەلگە قايتاردى»، - دەيدى يبرايم شاروۆ.

پروكۋرورلار، كەلەسى جىلى شەتتە جۇرگەن 13 ستۋدەنتتى قايتارۋ باستى مىندەتىمىز، دەپ وتىر. بۇل ەكستەرميزم مەن تەرروريزمنىڭ الدىن الۋ تەتىكتەرىنىڭ ٴبىر پاراسى. ويتكەنى سوڭعى كەزدەرى جات اعىمدا جۇرگەندەردىڭ سىرتتان بارعان ستۋدەنتتەردىڭ ساناسىن ۋلاۋ دەرەگى كۇرت كوبەيگەن.

استانا ارناسى

سسىلكي پو تەمە:
كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي