BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

شەرحان مۇرتازا دۇنيەدەن ٴوتتى

جازۋشى شەرحان مۇرتازا ومىردەن وزدى. بۇل تۋرالى جامبىل وبلىسى ىشكى ساياسات باسقارماسىنىڭ باسشىسى بەرىك ٴۋالي facebook پاراقشاسىنا جاريالادى، دەپ حابارلايدى baq.kz اقپارات اگەنتتىگى.

شەرحان مۇرتازا 1932 جىلى 28 قىركۇيەكتە جامبىل وبلىسى، جۋالى اۋدانى، مىڭبۇلاق اۋىلىندا دۇنيەگە كەلگەن. 1955 جىلى م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن ٴتامامداعان.

«لەنينشىل جاس» (قازىرگى «جاس الاش») گازەتىنىڭ، «سوسياليستىك قازاقستان» (قازىرگى «ەگەمەن قازاقستان») گازەتىنىڭ ٴتىلشىسى، ادەبي قىزمەتكەرى بولدى. 1963-1970 جىلدارى «لەنينشىل جاس» گازەتىنىڭ رەداكتورى.

سودان كەيىنگى ۋاقىتتا «جازۋشى» باسپاسىنىڭ، «جالىن» الماناحىنىڭ، «جۇلدىز» جۋرنالىنىڭ باس رەداكتورى، قازاقستان جازۋشىلار وداعى باسقارماسىنىڭ ەكىنشى حاتشىسى، «قازاق ادەبيەتى» گازەتىنىڭ باس رەداكتورى ٴارى قازاقستان جازۋشىلار وداعى باسقارماسىنىڭ حاتشىسى.

1989-1992 جىلدارى «ەگەمەن قازاقستان» گازەتىنىڭ باس رەداكتورى، 1992–1994 جىلدارى قازاقستان رەسپۋبليكاسى مەملەكەتتىك تەلەراديو كومپانياسىنىڭ ٴتوراعاسى بولىپ ىستەدى. قر پارلامەنتىنىڭ ٴماجىلىس دەپۋتاتى بولعان.

جازۋشىنىڭ ٴار جىلدارى «تابىلعان تەڭىز» (1963)، «بەلگىسىز سولداتتىڭ بالاسى» (1969)، «احمەتجاننىڭ انتى» (1973)، «مىلتىقسىز مايدان» (1977) پوۆەستەرى، «41-جىلعى كەلىنشەك» (1972)، «ينتەرنات نانى» (1974) اڭگىمەلەرى، «قارا مارجان» (1977)، بەس كىتاپتان تۇراتىن «قىزىل جەبە»، «اي مەن ايشا» (1999) روماندارى، شىعارمالارىنىڭ ٴتورت تومدىعى (1990-2000)، شىعارمالارىنىڭ 6 تومدىعى، تاڭدامالى شىعارمالارىنىڭ 7 تومدىعى، «ەلىم، ساعان ايتام، ەلباسى، سەن دە تىڭدا» (ك. سمايىلوۆپەن بىرگە) (1998)، «ٴبىر كەم دۇنيە» (2008) كىتاپتارى جارىق كورگەن.

ونىڭ شىعارمالارى كسرو حالىقتارى مەن شەتەل تىلدەرىنە اۋدارىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي