BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

پاۆلودار مەن بقو بىرلەسىپ تۇركىستاندا مۋزەي سالادى

استانا، baq.kz. اشىق اسپان استىنداعى مۋزەيگە تۇركىستان وبلىسىنداعى كيەلى ورىندارىنىڭ كىشىرەيتىلگەن كوشىرمەلەرى قويىلاتىن بولادى.

رavlodarnews.kz سايتىنىڭ مالىمەتىنشە جاڭا مۋزەي قوجا احمەت ياساۋي ماۆزولەيىنىڭ ماڭىندا بوي كوتەرەتىنىن بولادى.

«مەملەكەت باسشىسىنىڭ تاپسىرمالارىن ورىنداۋ ماقساتىندا باتىس قازاقستان وبلىسىمەن بىرلەسىپ «تۇركىستان وبلىسىنىڭ تاريحي-كيەلى ورىندار ورتالىعى» اتتى اشىق اسپان استىنداعى مۋزەيدى سالۋ جوباسىن جۇزەگە اسىراتىن بولامىز. شامامەن ەكى گەكتار الاڭعا تۇركىستان وبلىسىنىڭ گەوگرافيالىق كارتاسىنىڭ كولەمدى-كەڭىستىكتى نەگىزىندە، ەرتەدەگى قۇرىلىس تەحنولوگيالاردى قولدانا وتىرىپ، وڭتۇستىك ٴوڭىردىڭ تاريحي ٴمانى بار ەسكەرتكىشتەرىن سالۋ جوسپارلانۋدا، - دەيدى پاۆلودار وبلىستىق ساۋلەت باسقارماسى باسشىسى نۇرلان قاقامبەتوۆ.

جوبانى جۇزەگە اسىرۋ 1،5 جىلعا سوزىلىپ، ول 2020 جىلدىڭ ماۋسىم ايىندا پايدالانۋعا بەرىلمەك.

«تاعى ٴبىر ايتا كەتەتىن جايت، يدەياعا سايكەس تاريحي ورىندار كوشىرمەلەرى اراسىندا جاياۋ جۇرگىنشىلەرگە ارنالعان جولدار، تاماشالاۋ الاڭدارى، دەمالاتىن ورىندار مەن كوگالداندىرۋ ايماقتارىن سالۋ جوسپارلانۋدا. بۇل تۋريستەرگە جايلى جاعداي جاساۋعا مۇمكىندىك بەرمەك»، - دەيدى نۇرلان قاقامبەتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي