USD 336.23 EUR 360.3 RUB 5.28
استانا:

وسكەمەندىك يمامدار «كەرەي-جانىبەك» تاريحي دراماسىن تاماشالادى

قازاقستان مۇسىلماندارى ٴدىني باسقارماسىنان جاريالانعان «ٴدىن جانە تاريح تاعىلىمى جىلى» اياسىندا وسكەمەن ايماعىنىڭ وكىل يمامى ەرمەك قاجى تاسبولات ۇلى باستاعان شىعىس قازاقستان وبلىستىق «حاليفا التاي» مەشىتىنىڭ يمامدارى مەن «وسكەمەن قالالىق مەشىتىنىڭ» قىزمەتكەرلەرى جانە 2 ايلىق يمامدىق كۋرستا ٴبىلىم الىپ جاتقان تالاپكەرلەر سەنبى كۇنى شىعىس قازاقستان وبلىستىق دراما تەاترىندا دراماتۋرگ د.رامازاننىڭ «كەرەي-جانىبەك» تاريحي دراماسىن تاماشالادى.

ۇلت تاريحىنىڭ ورنەكتى كەزەڭدەرىن تەاتر اكتەرلەرى بارىنشا شىنايىلىقپەن جەتكىزە بىلگەندىگى سونداي، كورەرمەندەر كوزدەرىنە جاس الىپ وتىرىپ تاماشالادى. سپەكتاكلگە كەلگەن قاۋىمنىڭ رۋحى ويانىپ، قازاق حاندىعىنىڭ العاشقى قۇرىلۋ سەبەپتەرىنە كۋا بولدى.

«ٴبىزدىڭ تاريحىمىز- ۇلى تاريح. اتا-بابالارىمىز ۇرپاق ٴۇشىن جان ياماي وسىنداي ۇلى دالاعا قازاق مەملەكەتىن قۇرىپ بەردى. مەملەكەتىمىزدىڭ تۋىن بيىككە كوتەرىپ، ماڭگىلىك ەل يدەياسىنا توپتاسۋىمىز كەرەك. حالقىمىزدىڭ رۋحىن كوتەرىپ، ۇلتىمىزدىڭ تاريحىن باياندايتىن وسىنداي تاريحي قويىلىمدارسانامىزعا ۇلت تاريحىن جاڭعىرتادى» دەپ اتاپ ٴوتتى ەرمەك قاجى تاسبولات ۇلى.

قويلىم سوڭىنان وكىل يمام تەاتردىڭ كوركەمدىك جەتەكشىسى، بەلگىلى رەجيسسەر ساحان اكەلەەۆپەن جولىعىپ، «كەرەي-جانىبەك» دراماسىنان العان اسەرىمەن ٴبولىسىپ، وسىنداي تاريحي تۋىندىلاردى ٴار كەز قولدايتىندىعىن جەتكىزىپ، تەاتر ۇجىمىنا ساتتىلىك تىلەدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي