BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

«مەرەيلى وتباسى-2018» ديپلومانتتارىنا اۆتوكولىك سىيلادى

قىزىلوردا وبلىسىنىڭ اكىمى قىرىمبەك كوشەربايەۆ «مەرەيلى وتباسى-2018» رەسپۋبليكالىق بايقاۋىنىڭ ديپلومانتتارىمەن كەزدەستى. وبلىس باسشىسى ولارعا «نيۆا-شەۆرولە» اۆتوكولىگىنىڭ كىلتىن تابىس ەتتى، دەپ حابارلايدى baq.kz اقپارات اگەنتتىگى.

شيەلى اۋدانىنىڭ يشانقۇلوۆتار وتباسى 62 جىل بىرگە ٴومىر ٴسۇرىپ، 14 بالانى دۇنيەگە اكەلىپ، نەمەرە، شوبەرەلەرىن تاربيەلەۋدە. وبلىس اكىمى قىرىمبەك كوشەربايەۆ قىزىلوردالىق جەڭىمپاز وتباسىن قۇتتىقتادى.

«قازاق حالقى قاشاندا وتباسىن قاسيەتتى شاڭىراق رەتىندە باعالاپ، زور ماڭىز بەرىپ، كوزىنىڭ قاراشىعىنداي قورعاعان. وتباسىنىڭ ار-نامىسىن ساقتاۋعا، ۇرپاق ٴوسىرىپ، تاربيەلەۋگە، ٴوز ۇرپاعىنىڭ ەلگە ادال قىزمەت ەتۋىنە اسا ٴمان بەرگەن. وسىنداي ٴداستۇرلى قۇندىلىقتار قازاقتىڭ قايماعى بۇزىلماعان سىر وڭىرىندە ەرەكشە ساقتالۋى زاڭدىلىق دەپ ويلايمىز. وتباسى التىن ۇيا، كيەلى شاڭىراق بولسا، سول شاڭىراقتىڭ مۇراگەرى، ۇرپاق جالعاسى بالالار بولىپ تابىلادى. بالالارىنىڭ بويىنا ۇلتتىق قۇندىلىقتاردى ٴسىڭىرىپ تاربيەلەپ وتىرعان سىر ەلىنىڭ سىزدەر سياقتى ونەگەلى وتباسىلارىنا ايتار العىسىمىز شەكسىز»،-دەدى ايماق باسشىسى.

شيەلى اۋدانى، ەڭبەكشى اۋىلىنىڭ تۇرعىنى، وتاعاسى ەرعالي يشانقۇلوۆ ەرتە جاسىنان مال شارۋاشىلىعىمەن اينالىسادى، سۇيىكتى كاسىبىن زەينەتكەرلىككە شىققان سوڭ دا جالعاستىرۋدا. جارى «التىن القا»، «كۇمىس القا» توسبەلگىسىنىڭ يەگەرى باحيرا اپامەن 62 جىل ٴبىر شاڭىراق استىندا ٴومىر ٴسۇرىپ، 14 ۇل-قىزدى دۇنيەگە اكەلگەن. بۇگىنگى تاڭدا 61 نەمەرە، 46 شوبەرە، 1 شوپشەك ٴسۇيىپ وتىرعان بۇل اۋلەتتىڭ ونەگەلى ٴومىرى - ەلگە ۇلگى. يشانقۇلوۆتار جانۇياسىنىڭ 8 ۇلى مەن 6 قىزى ۇرپاق ٴوربىتىپ، ٴار سالادا تابىستى ەڭبەك ەتۋدە.

مەملەكەت باسىشىسىنىڭ اتىنان وبلىس اكىمى يشانقۇلوۆتار وتباسىنا «نيۆا –شەۆرولە» كولىگىنىڭ كىلتىن تابىستادى.

ٴوز كەزەگىندە، ەرعالي اعا ەلباسى مەن ايماق باسشىسىنا قولداۋ كورسەتكەندەرى ٴۇشىن العىسىن ايتىپ، بارلىق قازاقستاندىقتارعا بەرەكە-بىرلىك تىلەدى.

اتاپ وتەيىك، «مەرەيلى وتباسى – 2018» بايقاۋىنىڭ ەرەجەسىنە سايكەس ۇلتتىق كەزەڭگە قاتىسۋعا وبلىستان باس جۇلدە العان بايمەنوۆتەر مەن ٴبىرىنشى جۇلدەلى يشانقۇلوۆتار وتباسى ۇسىنىلدى. ناتيجەسىندە يشانقۇلوۆتار وتباسى بايقاۋدىڭ ديپلومانتى اتاندى.

ەسكە سالايىق، 2013 جىلى ەلباسى وتباسىلىق قۇندىلىقتاردى ناسيحاتتاۋ ماقساتىندا «مەرەيلى وتباسى» جالپىۇلتتىق بايقاۋىن ۇيىمداستىرۋ تۋرالى شەشىم قابىلداعان بولاتىن. قاتىسۋشىلاردىڭ سانى جىل سايىن ارتىپ كەلەدى، ال پرەزيدەنت بايقاۋدىڭ بەسىنشى جىلىندا گران-پري يەلەرىمەن (تارازدىق نيازوۆتار وتباسى) قاتار، قىزىلوردالىق يشانقۇلوۆتار وتباسى مەن الەمگە ايگىلى ديماش قۇدايبەرگەننىڭ وتباسىلارىن دا جەڭىمپاز دەپ تانىدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي