USD 336.23 EUR 360.3 RUB 5.28
استانا:

قوعامدىق كەڭەستە وسكەمەن وكىلدىگىنىڭ جۇمىسى جوعارى باعالاندى

وسكەمەن قالاسى اكىمىنىڭ ورىنباسارى بۋلاكينا ولگا الەكساندروۆنانىڭ توراعالىعىمەن «وسكەمەن قالالىق اكىمدىگى جانىنداعى ٴدىني بىرلەستىكتەرمەن بايلانىس جونىندەگى كەڭەستىڭ» وتىرىسى قالالىق اكىمدىكتە بولىپ ٴوتتى.

شىعىس قازاقستان وبلىستىق «حاليفا التاي» مەشىتىنىڭ ٴباسپاسوز قىزمەتىنىڭ حابارلاۋىنشا، شاراعا قمدب-نىڭ وسكەمەن ايماعىنىڭ وكىل يمامى، شىعىس قازاقستان وبلىستىق «حاليفا التاي» مەشىتىنىڭ باس يمامى ەرمەك قاجى تاسبولات ۇلى باستاعان يمامدار، جانە وسكەمەن قالاسىنداعى باسقا ٴدىني بىرلەستىكتەردىڭ جەتەكشىلەرى مەن قوعامدىق ۇيىم وكىلدەرى، قۇقىق قورعاۋ ورىندارىنىڭ ماماندارى، مەملەكەتتىك ۇيىم مەكەمەلەردىڭ باسشىلارى، جوو-ى ۇستازدارى مەن جاستار ٴىسى جونىندەگى ماماندارى قاتىستى.

قوعامدىق كەڭەستىڭ وتىرىسىندا وسكەمەن ايماعىنىڭ وكىل يمامى ەرمەك قاجى تاسبولات ۇلى ارنايى بايانداما جاساپ، ٴدىني باسقارمانىڭ ٴتورت باعىتتاعى تاپسىرمالارىنىڭ نەگىزىندە وكىلدىك تاراپىنان وڭىردە ٴدىني ەكسترەميزم مەن لاڭكەستىككە قارسى اتقارىلىپ جاتقان شارالارعا توقتالدى.

«يسلام ۇلتتار دوستىعى مەن تۇراقتىلىقتى، بەيبىتشىلىكتى بارىنشا ۋاعىزدايتىن ٴدىن. ٴبىز وڭىردە اسىل ٴدىنىمىزدىڭ ۇلتىمىزدىڭ سالتىمەن ۇندەسكەن عيبراتتى تاعىلىمدارىن ناسيحاتتاي وتىرىپ، ٴدىني لاڭكەستىككە قارسى شارالاردى قارقىندى جۇرگىزىپ كەلەمىز، الدا دا جات اعىمدارعا توسقاۋىل قويۋ باعىتىنداعى ىس-ارەكەتتەرىمىزدى باتىل جالعاستىرا بەرەتىن بولامىز» دەپ اتاپ ٴوتتى، وكىل يمام ٴوز سوزىندە.

كەڭەستە باسقا ٴدىني بىرلەستىكتەر وكىلدەرى مەن قۇقىق قورعاۋ ورىندارىنىڭ قىزمەتكەرلەرى ٴوز تاراپتارىنان لاڭكەستىككە قارسى جاسالىپ جاتقان شارالار تۋرالى ايتتى.

كەڭەس وتىرىسىنا قاتىسۋشىلار قمدب-نىڭ وسكەمەن ايماعى وكىلدىگىنىڭ ۇيىمداستىرىپ جاتقان ىستەرىن جوعارى باعالاپ، ٴار كەز قولدايتىندىقتارىن ٴبىلدىردى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي