USD 335.71 EUR 357.36 RUB 5.23
استانا:

قىتايداعى قازاق سپورتشىلارى تۋرالى كىتاپ جارىققا شىقتى

فوتو: Нұрбек ӘЛМАНБЕТ

ەلوردادا قر ۇلتتىق اكادەميالىق كىتاپحانادا داۋرەن باقىتحاجى ۇلىنىڭ «قىتايداعى قازاق سپورتشىلار» اتتى كىتابىنىڭ تۇساۋكەسەرى ٴوتتى، دەپ حابارلايدى baq.kz ٴتىلشىسى.

ٴىس-شاراعا بەلگىلى سپورت ٴجۋرناليسى، قازاقستاننىڭ ەڭبەك سىڭىرگەن قايراتكەرى نەسىپ ٴجۇنىسباي ۇلى، قر ۇلتتىق سپورت تۇرلەرىنەن مەملەكەتتىك باس جاتتىقتىرۋشىسى رامازان ٴساتتىباي، اقىن-جازۋشىلار جانە جۋرناليستەر قاتىستى.

كىتاپتا قحر-داعى ميللياردتار ىشىنەن توپ جارعان 80-نەن استام قازاق سپورتشىسى تۋرالى مالىمەتتەر جيناقتالعان. اۆتوردىڭ ايتۋىنشا، بۇل ونىڭ العاشقى ەڭبەگى. الداعى ۋاقىتتا 2017 جىلعى ەكسپو كورمەسى قارساڭىندا باسقا دا شەت ەلدەردەگى تابىسقا جەتكەن، ەڭبەگى ەلەۋلى قازاق سپورتشىلارى تۋرالى كىتاپ جازىپ، وقىرمان قاۋىمعا سىيلاماق.

- قىتايداعى قازاق سپورتشىلارى تۋرالى جيناقتالعان مالىمەت جوق. مۇمكىندىگىم جەتكەنشە حالىقارالىق، اۆتونوميالىق اۋداندىق جارىستاردا توپ جارعان سپورت ساڭلاقتارى تۋرالى ماعلۇماتتاردى توپتاستىردىم. كىتاپ جالپى وقىرمان قاۋىمعا ارنالادى، – دەيدى اۆتور د. باقىتحاجى ۇلى.

سپورت جۋرناليستيكاسىندا 40 جىلدان استام ەڭبەك ەتىپ كەلە جاتقان نەسىپ ٴجۇنىسباي ۇلى سالانىڭ وتكەنى مەن بۇگىنى تۋرالى اڭگىمە قوزعادى. سپورتتىق دودالارداعى قازاق سپورتشىلارىنىڭ جەڭىسى جيناقتالعان انىقتامالىق كىتاپتىڭ كوتەرەر جۇگى - ەنسيكلوپەديا سالماعىمەن پارا پار دۇنيە دەيدى.

- قازىرگى جاستاردىڭ مىقتى ەكەنىن مويىنداۋ كەرەكپىز. «قىتايداعى قازاق سپورتشىلارى» دەگەن مىناۋ ۇلكەن كىتاپ مەنى تاڭقالدىردى. عۇمىرىمدى سپورت سالاسىنا ارناعان اداممىن. كىتاپتا بەيمالىم ادامدار كوپ ەكەن. بۇل ەڭبەك سىرتتا جۇرگەن سەنىڭ حالقىڭا دەگەن ماحابباتىڭنىڭ ۇشقىنى دەپ بىلەمىن. قىتاي سەكىلدى ميللياردتاعان تۇرعىنى بار ەلدەگى قازاق ۇلاندارى مەن ۇلدارىنىڭ ٴاتى-جونىن، بەينەسىن بەرىپ وتىرسىڭ. قازاق تاريحىن تۇگەندەۋ ارقىلى ٴوز ۇلەسىڭدى قوسا بەرۋىڭە تىلەكتەسپىن، – دەگەن جازۋشى اۆتورعا اعالىق جىلى لەبىزىن ارنادى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي