USD 336.23 EUR 360.3 RUB 5.28
استانا:

كەيكى باتىردىڭ بەت-بەينەسىن قالپىنا كەلتىرۋ جۇمىستارى قاراشادا اياقتالادى

ۆەنگرياداعى جاراتىلىستانۋ عىلىمدارى مۇراجايىنداعى ماماندار كەيكى باتىردىڭ بەينەسىن قالپىنا كەلتىرۋ جۇمىستارىنىڭ قالاي جۇرگىزىلىپ جاتقانىن ايتىپ بەردى، دەپ حابارلايدى tengrinews.kz ٴتىلشىسى.

13 قازاندا بۋداپەشتكە كەيكى باتىردىڭ باسسۇيەگى جەتكىزىلدى. مۋزەيدەگىلەردىڭ ايتۋىنشا، ماماندار باتىردىڭ باس سۇيەگىنىڭ بەت-بەينەسىن قۇراستىرۋ ٴۇشىن ونى ٴۇش ولشەمدى كومپيۋتەرلىك توموگرافياعا تۇسىرەدى. ول باس سۇيەكتى تولىقتاي زەرتتەۋگە كومەكتەسەدى. ال جالپى بەينەنى قالپىنا كەلتىرۋ جۇمىستارىنىڭ قالاي جۇرگىزىلىپ جاتقانىن ماماندار 18 قازاندا بۋداپەشتە وتەتىن ٴباسپاسوز كونفەرەنسياسىندا ايتىپ بەرۋگە ۋادە بەردى.

«ٴۇش ولشەمدى مودەلدى سۋرەتكە ٴتۇسىرىپ، دنق ساراپتامالارىنىڭ ۇلگىلەرىن العان سوڭ، كەيكى باتىردىڭ باس سۇيەگى قازاقستانعا قايتارىلادى. سوسىن رەسمي تۇردە وتەتىن سالتاناتتى كەشتە باتىردىڭ باسسۇيەگى ونىڭ تۋعان جەرى تورعاي اۋدانىنداعى جەر قوينىنا تاپسىرىلادى. سونداي-اق، وندا باتىرعا ارنالعان تاريحي ەسكەرتكىش ورناتىلادى»، - دەپ حابارلادى مۋزەيدەگى ماماندار.

سونىمەن قاتار، ۆەنگرياداعى عالىمدار قاجەتتى عىلىمي زەرتتەۋلەردى دە جۇرگىزەدى. ولار باس سۇيەككە تيگەن زاقىمداردى انىقتاپ، دنق ساراپتامالارىن جۇرگىزەدى. جالپى انتروپولوگيالىق ساراپتامانى اندراش جولت بيرو مەن شاندور ەۆينگەر جۇرگىزەدى. ال كەيكى باتىردىڭ بەت-بەينەسىن قالپىنا كەلتىرۋ جۇمىستارىمەن اگنەش كۋشتار اينالىسادى.

ۆەنگر انتروپولوگتارى 2006 جىلدان بەرى قازاقستانداعى ورتالىق مەملەكەتتىك مۋزەيمەن بىرىگە وتىرىپ، انتروپولوگيالىق جانە گەنەتيكالىق زەرتتەۋلەر جۇرگىزىپ كەلەدى.

ايتا كەتەيىك، ۆەنگريانىڭ انتروپولوگتارى كەيكى باتىردىڭ بەت-بەينەسىن قالپىنا كەلتىرۋ جۇمىستارىن 2016 جىلدىڭ جەلتوقسانىنا دەيىن اياقتاۋدى جوسپارلاپ وتىر.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي