BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

قازاقستاندىق قاجىلار ساۋد ارابياسىنا باردى

149 ادامنان تۇراتىن قازاقستاندىق قاجىلاردىڭ ٴبىرىنشى توبى جيددا قالاسىنا جەتتى. بيىلعى جىلى ساۋد ارابياسى كورولدىگىنىڭ ۇكىمەتى تاراپىنان بولىنگەن كۆوتالارعا سايكەس، ەلىمىزدىڭ ٴۇش مىڭ ازاماتى قاسيەتتى جەرلەرگە زيارات جاسايدى. ۇلى قاجىلىق مەرزىمى 19-23 تامىز ارالىعىنا سايكەس كەلەدى، دەپ حابارلايدى ۆaq.kz اقپارات اگەنتتىگى.

قازاقستاننىڭ كونسۋلدىعى ەلىمىزدىڭ ٴتيىستى مەملەكەتتىك مەكەمەلەرىمەن بىرلەسە وتىرىپ، قاجىلىق ماۋسىمدا ەكى جىل قاتارىنان قازاقستاندىق قاجىلاردى تاسىمالداۋ وتاندىق «scat» اۋەكومپانياسى جانە «flynas» ساۋديالىق سەرىكتەسى ارقىلى جۇزەگە اسىرىلۋدا. اتالعان اۋەكومپانيالاردىڭ ۇشاقتارى قازاقستاندىقتاردى كورولدىكتىڭ جيددا مەن مەدينا قالالارىنا استانا، الماتى، شىمكەنت جانە اقتاۋدان 9-15 تامىز ارالىعىندا تىكەلەي رەيسپەن الىپ كەلىپ، 27 تامىز بەن 1 قىركۇيەك ارالىعىندا كەرى الىپ قايتادى.

قالىپتاسقان تاجىريبە بويىنشا جىل سايىن كونسۋلدىق تاراپىنان قاجىلار اراسىندا كورولدىكتىڭ زاڭنامالارىن ساقتاۋ، ٴتۇرلى جۇقپالى اۋرۋلاردىڭ (تۇماۋ، مەنينگيت) الدىن الۋ ٴۇشىن سانيتارلىق-گيگيەنالىق ەرەجەلەردىڭ ساقتالۋىنا ٴمان بەرۋ، جەرگىلىكتى سالت-داستۇرلەرگە قۇرمەتپەن قاراۋ جانە تاعى باسقا دا ماسەلەلەر بويىنشا ٴتيىستى تۇسىندىرمە جۇمىستارى جۇرگىزىلەدى.

مەككا مەن مەدينا قالالارىنىڭ ورتالىق شتابتارىندا قازاقستان مۇسىلماندارى ٴدىني باسقارماسى ۇيىمداستىرعان ستاسيونارلىق بولىمشەلەر تاۋلىك بويى جۇمىس ىستەيتىن بولادى. ول جەردە قازاقستاندىق دارىگەرلەر تاراپىنان قاجىلارىمىزعا العاشقى مەديسينالىق كومەك كورسەتىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي