BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قازاقستاندا قاجىلاققا بارۋ ٴۇشىن 3 مىڭ ادامعا كۆوتا ٴبولىندى

قر قوعامدىق دامۋ ٴمينيسترى دارحان كالەتايەۆتىڭ توراعالىعىمەن قاجىلىققا باراتىن قازاقستاندىقتاردىڭ جولعا شىعۋىن ۇيىمداستىرۋ ماسەلەلەرى بويىنشا وتىرىس ٴوتتى، دەپ حابارلايدى ۆaq.kz اقپارات اگەنتتىگى.

وتىرىسقا قازاقستان مۇسىلماندارى ٴدىني باسقارماسىنىڭ باسشىلىعى جانە مۇددەلى مەملەكەتتىك ورگانداردىڭ وكىلدەرى، سونداي-اق «scat» جانە «fly nas» اۋەكومپانياسىنىڭ وكىلدەرى قاتىستى.

كەزدەسۋ بارىسىندا قاجىلىق ماۋسىمىندا قازاقستاندىق ازاماتتاردىڭ قاجىلىققا بارۋ جانە كەلۋ ٴتارتىبى پىسىقتالدى، قاجىلاردى تاسىمالدايتىن اۋەكومپانيالاردىڭ دايارلىعى، سونىڭ ىشىندە ۇشاقتاردىڭ ۋاقىتىلى ۇشۋىن قامتاماسىز ەتۋ، سونداي-اق مىندەتتى ەكپە ەگۋ (ۆاكسيناسيا) ٴراسىمى مەن ۆيزا الۋ ماسەلەلەرى تالقىلاندى.

دارحان كالەتايەۆ قازاقستان ازاماتتارىنىڭ زاڭدى مۇددەلەرى مەن قاۋىپسىزدىگىن ۇيىمداستىرۋ جانە قاجىلىق كەزىندە قاجىلىققا بارعاندار ٴۇشىن قولايلى جاعدايلار جاساۋ بويىنشا ٴتيىستى شارالاردى قابىلداۋ قاجەتتىلىگىنە باسا نازار اۋداردى.

قازاقستان مۇسىلماندارى ٴدىني باسقارماسى ساۋد ارابياسى كورولدىگىنىڭ قاجىلىق ىستەرى جونىندەگى مينيسترلىگىمەن جىل سايىن كەلىسىم جاساسىپ، سونىڭ نەگىزىندە بيىلعى جىلى 3 مىڭ ادامعا كۆوتا ٴبولىندى.

ٴمينيستردىڭ ايتۋىنشا، قاجىلىقتى قاداعالاۋ مەن ۇيىمداستىرۋ ٴۇشىن مينيسترلىك تاراپىنان قمدب-مەن بىرگە 14 ادامنان تۇراتىن قاجىلىق ميسسيا قۇرىلدى: قمدب – 7 وكىل، باق – 3 وكىل، قر دەنساۋلىق ساقتاۋ مينيسترلىگىنەن 2 مەديسينا قىزمەتكەرى جانە قر قوعامدىق دامۋ مينيسترلىگىنىڭ – 2 وكىل.

قمدب-نىڭ مالىمەتى بويىنشا بارلىق قاجىلىققا اتتانۋشىلار قاجىلىقتى ۇيىمداستىرۋعا قاتىسقان 18 قازاقستاندىق تۋريستىك كومپانياعا بەكىتىلدى.

قازاقستان مەن ساۋد ارابياسىنىڭ اۋەكومپانيالارى 50/50 ۇلەس ارقىلى ۇشۋدى ۇيىمداستىرادى. ساۋد ارابياسى تاراپىنان قازاقستاندىقتاردىڭ قاجىلىققا ۇشىپ بارۋىن ۇيىمداستىرۋ ٴۇشىن «fly nas» اۋەكومپانياسى بەلگىلەندى. قازاقستان تاراپىنان وتكەن جىلدان بەرى قر قوعامدىق دامۋ مينيسترلىگىنىڭ قولداۋىمەن قاجىلىققا اتتانعانداردى تاسىمالداۋ بويىنشا قىزمەت كورسەتۋدى «scat» اۋەكومپانياسى جۇزەگە اسىرادى.

قاجىلىق پارىزىن وتەيتىن قازاقستاندىقتار ساۋد ارابياسىنا 9-15 تامىز ارالىعىندا بارىپ، 1 قىركۇيەككە دەيىن ەلگە ورالادى.

اتالعان وتىرىستا قاجىلىققا اتتاناتىن قازاقستاندىقتارعا ەكپە ەگۋ ماسەلەلەرىنە ەرەكشە نازار اۋدارىلدى. وسى جىلى قازاقستاننىڭ 5 قالاسىنىڭ 8 مەديسينالىق ورتالىعىندا ٴبىر ۋاقىتتا ەكپە ەگۋ ٴراسىمى (ۆاكسينالاۋ) جۇرگىزىتەلىتىن بولادى. قاجىلىققا اتتاناتىندار ٴۇشىن ەكپە باعاسى 28 مىڭ تەڭگەنى قۇرايدى.

قوعامدىق دامۋ مينيسترلىگى 2017 جىلى ٴدىني تۋريزم سالاسىندا تۋروپەراتورلىق قىزمەتتى جۇزەگە اسىرۋ قاعيدالارى بەكىتكەنىن ايتا كەتكەن ٴجون.

اتالعان قاعيدالار قازاقستان رەسپۋبليكاسى ازاماتتارىنىڭ قاجىلىققا بارۋىن ۇيىمداستىرۋ پروسەسستەرىن رەتتەۋدى قامتاماسىز ەتەدى. سونىمەن بىرگە اتالمىش قۇقىقتىق اكتىنى ەنگىزۋ قاجىلىق پارىزىن وتەپ جاتقان قازاقستان ازاماتتارىنىڭ دەسترۋكتيۆتى ٴدىني يدەولوگيانىڭ ىقپالىنا تۇسپەۋىنە مۇمكىندىك بەرەدى.

وتىرىس قورىتىندىسى بويىنشا جاۋاپتى ورگاندارعا قاجىلىققا بارۋ بويىنشا بارلىق ۇيىمداستىرۋشىلىق ماسەلەلەردى شەشۋ جونىندە ۇسىنىمدار بەرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي