BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

قازاقتىڭ اتبەگىلىك ٴداستۇرى يۋنەسكو تىزىمىنە ەندى

استانا، baq.kz. ماتەريالدىق ەمەس مادەني مۇرانى (مەمم) قورعاۋ جونىندەگى ۇكىمەتارالىق كوميتەت اتالعان قازاقستاندىق ۇسىنىستاردى ٴوزىنىڭ 2018 جىلعى 26 قاراشا مەن 1 جەلتوقسان ارالىعىندا ماۆريكيي رەسپۋبليكاسىنىڭ استاناسى پورت-لۋي قالاسىندا ٴوتىپ جاتقان ٴ13-شى سەسسياسى اياسىندا ماقۇلداپ، قازاق اتبەگىلەرىنىڭ كوكتەمگى جورالعىلارى ادامزاتتىڭ ماتەريالدىق ەمەس مادەني مۇرالارىنىڭ تىزىمىنە ەنگىزىلدى.

بۇل تۋرالى قر مادەنيەت جانە سپورت مينيسترلىگىنىڭ ٴباسپاسوز قىزمەتى مالىمدەدى. «قازاق جىلقىشىلارىنىڭ ٴداستۇرلى كوكتەمگى ادەت-عۇرىپتارى» حالقىمىزدىڭ «قىمىزمۇرىندىق»، «بيە بايلاۋ» جانە «ايعىر قوسۋ» دەگەن جورالعىلارىن قامتيدى.

قازاقستان يۋنەسكو-نىڭ وسى بەدەلدى قۇرىلىمىنىڭ جۇمىسىنا العاش رەت تولىققاندى مۇشە رەتىندە قاتىسۋدا. وتاندىق دەلەگاسيانىڭ قۇرامىندا يۋنەسكو جانە يسەسكو ىستەرى جونىندەگى ۇلتتىق كوميسسيا مەن يۋنەسكو جانىنداعى تۇراقتى وكىلدىك قىزمەتكەرلەرى جانە « ۇلىتاۋ» قورىق-مۇراجايىنىڭ ديرەكتورى باقتيار قوجاحمەتوۆ بار.

سەسسيا اتالعان جورالعىلاردى ادامزاتتىڭ ماتەريالدىق ەمەس مادەني مۇراسىنا قوسۋ جولىندا ايانباي تەر توككەن جانە جوعارىدا اتالعان نوميناسيانىڭ اۆتورى، « ۇلىتاۋ» قورىق-مۇراجايىنىڭ عىلىمي قىزمەتكەرى ەلەنا حوروشتى ٴبىر مينۋتتىق ۇنسىزدىكپەن ەسكە الۋمەن باستالدى. ەلەنا حوروش بۇدان بۇرىنىراق دۇنيەجۇزىلىك مۇرا تىزىمىنە قوجا احمەت ياسساۋي كەسەنەسى مەن تامعالى پەتروگليفتەرىن قوسۋعا بەلسەندى ات سالىسقان ەدى.

«ايعىر قوسۋ»، «بيە بايلاۋ» جانە «قىمىز مۇرىندىق» جورالعىلارى تۇتاس قازاقستاندا تەك تەرىساققان اۋىلىندا ساقتالعان. « ۇلىتاۋ» قورىق-مۇراجايى بۇل جورالعىلاردى كوزدىڭ قاراشىعىنداي ساقتاۋ ىسىنە 2010 جىلدان كىرىستى. 2012 جىلى اتالعان جورالعىلاردى «تەرىساققان كوكتەمى» فەستيۆالىنە اينالدىردىق. 2014 جىلى سونداي فەستيۆالىمىزگە قازاقستان رەسپۋبليكاسىنىڭ يۋنەسكو جونىندەگى ۇلتتىق كوميسسيا مۇشەلەرى ەمما ۋسمانوۆا مەن ەلەنا حوروش كەلىپ كوردى جانە ونى يۋنەسكو-نىڭ ماتەريالدىق ەمەس مادەني مۇراسىنا قوسۋعا بولادى دەگەن وي ايتىپ كەتتى. 2015 جىلى يۋنەسكو جونىندەگى ۇلتتىق كوميسسيا ٴتوراعاسى حانزادا ەسەنوۆا كەلىپ قاتىستى. ارتىنشا قازاقستاننىڭ ۇلتتىق ماتەريالدىق ەمەس ەس­كەرتكىشتەرى تىزىمىنە ەنگىزىلدى.» - دەپ اتاپ ٴوتتى « ۇلىتاۋ» ۇلتتىق تاريحي-مادەني جانە تابيعي قورىق-مۇراجاي ديرەكتورى باقتيار قوجاحمەتوۆ.

سونىمەن قاتار، وسى جىلدارى «تەرىساققان كوكتەمى» ەتنوفەستيۆالى تۋرالى ەكى دەرەكتى فيلم ٴتۇسىرىلدى ونىڭ ٴبىرىنشىسىن وڭتۇستىك كورەيانىڭ تاپسىرىسىمەن «قازاقفيلم» كينوستۋدياسى تۇسىرگەن بولاتىن. ال، ەكىنشىسى «قازاق جىلقىشىلارىنىڭ ٴداستۇرلى كوكتەمگى مەرەكەلىك جورالعىلارى» دەگەن اتپەن يۋنەسكو-نىڭ رەسمي سايتىندا جاريالاندى.

«بىرەر كۇن بۇرىن ٴبىزدىڭ ۇسىنىس يۋنەسكو تاراپىنان قولداۋ تاۋىپ، ادامزاتتىڭ ماتەريالدىق ەمەس مادەني مۇراسىنىڭ رەپرەزەنتاتيۆتىك تىزىمىنە ەنگىزىپ كەلدىك. بىرىنشىدەن، بۇل - كوپجىلعى ەڭبەكتىڭ كوپتەن كۇتكەن جەمىسى. ەكىنشىدەن، يۋنەسكو-نىڭ ادامزاتتىڭ ماتەريالدىق ەمەس مادەني مۇراسى دەپ تانۋى وسى جورالعىلارعا جوعارى مارتەبە بەرىپ قويمايدى سونىمەن قاتار، ونى حالىقارالىق قورعاۋعا الادى. ياعني كوزدىڭ قاراشىعىنداي ساقتالىپ، كەيىنگى ۇرپاققا مۇرا بولىپ قالادى دەگەن ٴسوز. وسىلايشا اتالعان جورالعىلاردى تەك تەرىسااقاندىقتارعا، ٴيا بولماسا ۇلىتاۋ مەن قاراعاندىلىقتارعا ەمەس، تۇتاس ەلگە ناسيحاتتاۋ جاۋاپكەرشىلىگى جۇكتەلدى دەگەن ٴسوز» دەپ قورىتىندىلادى ٴوز ٴسوزىن « ۇلىتاۋ» ۇلتتىق تاريحي-مادەني جانە تابيعي قورىق-مۇراجاي ديرەكتورى باقتيار قوجاحمەتوۆ.

« ۇلىتاۋ» قورىق-مۇراجايى بۇل جورالعىلاردى جاقىن بولاشاقتا كوشپەندى مادەنيەتكە قاتىسى بار باۋىرلاس ەلدەرگە كەڭىنەن تاراتۋدى جوسپارلاپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي