USD 334.89 EUR 361.61 RUB 5.28
استانا:

ەلباسى كىتاپحاناسىندا 7 كورمە اشىلدى

فوتو: el.kz

ەلباسى كىتاپحاناسىندا ەل تاۋەلسىزدىگىنىڭ 25 جىلدىعى جانە قر تۇڭعىش پرەزيدەنتى كۇنى قارساڭىندا قر مەملەكەتتىك حاتشىسى گۇلشارا ٴابدىقالىقوۆا 7 كورمەنىڭ تۇساۋىن كەستى، دەپ حابارلايدى baq.kz ٴتىلشىسى.

سالتاناتتى شاراعا قر پرەزيدەنتى كەڭسەسىنىڭ باستىعى، قر تۇڭعىش پرەزيدەنتى – ەلباسى كىتاپحاناسى ديرەكتورىنىڭ مىندەتىن اتقارۋشى ماحمۇت قاسىمبەكوۆ، كورنەكتى ساياسي جانە قوعام قايراتكەرلەرى، جاستار ۇيىمدارىنىڭ وكىلدەرى قاتىستى.

ماڭىزدى جيىندا گۇلشارا ٴابدىقالىقوۆا كورمەنىڭ ماڭىزدىلىعىنا توقتالدى.

«بۇگىن 7 كورمە ٴوز جۇمىسىن باستاعالى وتىر. كورمەدە ەلىمىزدى كۇشەيتۋ جولىندا جاسالعان ماڭىزدى شەشىمدەردى كورسەتەتىن مەملەكەتتىك ماڭىزى بار ارحيۆتىك قۇجاتتار، فيلمدەر، سۋرەتتەر، كارتينالار، تاريحي دەرەكتەر قويىلعان. سوندىقتان بۇگىنگى شارانىڭ تاريحي جانە مادەني ماڭىزى زور.

تاۋەلسىزدىك جولىنىڭ شيرەك عاسىرلىق بەلەسىندە ەلىمىز الەمدىك قاۋىمداستىقتا ەكونوميكاسى دامىعان، قازىرگى زامانعى، وركەنيەتتى مەملەكەت رەتىندە قالىپتاستى. ەلباسى نۇرسۇلتان نازاربايەۆ بەلگىلەگەن قازاقستاندىق جولدى، بىرلىك پەن تۇراقتىلىقتىڭ ايشىقتى ۇلگىسىن تورتكۇل دۇنيە مويىندادى. كوپەتنوستى حالقىمىزدىڭ بىرلىگى مەن ىنتىماعىنىڭ ارقاسىندا قازاقستاننىڭ تاۋەلسىزدىك تۇعىرى بەكىدى»، - دەدى قر مەملەكەتتىك حاتشىسى.

وسىلايشا، ەلباسى كىتاپحاناسىندا مەيرام كۇندەرىنە ارنالعان 7 كورمەنىڭ تۇساۋى كەسىلدى.

«ەلباسى جولى» كورمەسىنە 50-دەن استام بىرەگەي مۇراعات قۇجاتتارى ۇسىنىلدى. ولار مەملەكەت باسشىسى نۇرسۇلتان نازاربايەۆتىڭ باتىل باستامالارىنان جانە تاۋەلسىز ەلىمىزدىڭ دامۋ تاريحىنان سىر شەرتەدى.ال «تاۋەلسىز قازاقستان – تۇعىرلى ەل» كورمەسى شيرەك عاسىردا مەملەكەتىمىزدىڭ الەۋمەتتىك-ەكونوميكالىق قارىشتاپ دامۋى مەن الەم تانىعان مەملەكەت رەتىندە قالىپتاسۋ كەزەڭدەرىنەن سىر شەرتەدى.

كورمەدە 50-گە جۋىق بىرەگەي فوتوقۇجات قويىلعان.

«الەم قادىرلەگەن ەلباسى» كورمەسىندە كوپشىلىكتىڭ نازارىنا قر پرەزيدەنتى نۇرسۇلتان نازاربايەۆقا بەرىلگەن شەت مەملەكەتتەردىڭ جوعارى ناگرادالارى ۇسىنىلعان. توپتامادا ۇلىبريتانيا، جاپونيا، رەسەي، ۆاتيكان، فرانسيا، قىتاي جانە باسقا دا ەلدەردەن بەرىلگەن 41 ناگرادا قويىلعان.

سونداي-اق، ەلباسى كىتاپحانىسىنا كەلگەن مەيماندار اسا قۇندى جانە بىرەگەي 550 جيناقپەن تانىستى. جالپى «ن.ٴا. نازاربايەۆ – تاۋەلسىز قازاقستاننىڭ نەگىزىن قالاۋشى» كورمەسى 280 كىتاپتان تۇرادى. مازمۇندى توپتامادا 4 ٴبولىم بار: «ەلباسى جانە تاۋەلسىزدىك»، «ەل جانە ەلباسى»، «الەمدىك تۇلعا»، «ەلباسى ەڭبەكتەرى الەم تىلدەرىندە».

«ەلباسىنا ەستەلىككە قولتاڭبا» كىتاپ كورمەسىندە 160 كىتاپ توپتاستىرىلعان. قۇندى تاريحي ماڭىزى بار جيناقتاردى ەلباسىعا تاياۋ جانە الىس شەتەل مەملەكەتتەرىنىڭ باسشىلارى، تانىمال قوعام قايراتكەرلەرى سىيعا تارتقان.

ال «ەگەمەن ەلدىڭ تاۋەلسىزدىك شەجىرەسى» اتتى كىتاپ كورمەسىنە ەلىمىزدىڭ وتكەنىنەن جانە بۇگىنىنەن سىر شەرتەتىن 110 تۋىندى قويىلىپتى.

سونىمەن قاتار « ۇلى دالا ەلى» كورمەسىندە قر سۋرەتشىلەر وداعىنىڭ مۇشەسى نۇرجان قارىمساقوۆتىڭ ٴتول تۋىندىلارى كورەرمەننىڭ نازارىنا ۇسىنىلعان. وندا مەملەكەتىمىزدىڭ شيرەك عاسىرداعى تابىستارى مەن جەتىستىكتەرىن قىلقالاممەن بەينەلەگەن سۋرەتشىنىڭ 36 كارتيناسى قويىلدى.

ايتا كەتەيىك، ەلباسى كىتاپحاناسىنداعى مەرەكەلىك شارالار 23 جەلتوقسانعا دەيىن جالعاسادى.

كوممەنتاريي1
ليايلا
جاستاردىڭ كىتاپقا دەگەن قۇلشىنىسىن وسىنداي تىڭ دۇنيەلەر ارقىلى اشۋ كەرەك. وتە دۇرىس باستاما

ۆاش كوممەنتاريي بۋدەت وپۋبليكوۆان پوسلە مودەراسيي