USD 336.23 EUR 360.3 RUB 5.28
استانا:

ٴدىني باسقارما مۇحامەدجان تازابەكوۆكە قاتىستى پىكىرىن ايتتى

فوتو: old.muftyat.kz

ٴدىني باسقارما ەلىمىزدەگى سالافيزم اعىمىنا قوسىلعانداردىڭ پورترەتىن جاسادى. جات اعىمنىڭ جەتەگىندە كەتكەندەردىڭ باسىم بولىگى اۋىلدان شىققان 25-30 جاس ارالىعىنداعى ازاماتتار. كوبى جاعدايى تومەن وتباسىلاردا تاربيەلەنگەن جانە جۇمىسسىز بوس جۇرگەندەر. ولار راديكالدى باعىتتاعى شەيحتاردى ٴپىر تۇتىپ، سولاردىڭ ۋاعىزىن تىڭداعان.

«ەڭ ٴبىرىنشى سەبەبى – بىلىمسىزدىك. كوبىسى ينتەرنەتتەن ٴدارىس الادى. ونىڭ ار جاعىندا كىم وتىرعانىن بىلمەيدى. سوندىقتان يمام، تەولوگتارمەن جەكە اڭگىمە بارىسىندا، ولار وزدەرىنىڭ يسلامنان تولىق حاباردار ەمەس ەكەنىن، قايداعى ٴبىر ينتەرنەتتەگى مالىمەتتەردى وزدەرىنە سىڭىرگەنىن مويىندادى»، - دەيدى باس ٴمۇفتي ەرجان قاجى مالعاجى ۇلى.

سوندىقتان ٴمۇفتيات لاڭكەستىگى ٴۇشىن سوتتالعان 400 استام ادامدى بولەك تۇرمەدە ۇستاۋدى قولداپ وتىر. ٴتىپتى تۇرمەلەرگە بارىپ دىنىنەن اداسقانداردى رايىنان قايتارىپ ٴجۇر ەكەن. سونداي-اق، بۇگىن ٴدىني باسقارما باس ٴمۇفتي اۋىسادى دەگەن اقپاراتقا قاتىستى دا مالىمدەمە جاسادى. ويتكەنى سوڭعى كۇندەرى «اسىل ارنا» تەلەارناسىنىڭ ديرەكتورى مۇحامەدجان تازابەكوۆ ٴدىني باسقارماعا باسشى بولىپ تاعايىندالادى ەكەن دەگەن اقپارات تاراعان. باسقارماداعىلار بولسا قازىرگى ٴتوراعا ەرجان قاجى مالعاجى ۇلى قىزمەتتەن كەتپەيدى دەپ وتىر. ونىڭ ۇستىنە باس ٴمۇفتي بولاتىن ادام حانافي ٴماسحابىن ۇستانۋى كەرەك دەيدى.

كتك

كوممەنتاريي1
انونيم
مىندا تاقىرىپ اتىنا زاتى ساي ەمەس

ۆاش كوممەنتاريي بۋدەت وپۋبليكوۆان پوسلە مودەراسيي