USD 335.71 EUR 357.36 RUB 5.23
استانا:

بۇۇ باس حاتشىسى قازاق بالاسىنىڭ تۇساۋىن كەستى

بۇۇ-نىڭ جاڭا باس حاتشىسى انتونيو گۋتەرريش استانادا "تۇساۋ كەسۋ" راسىمىنە قاتىستى. بۇل تۋرالى گۋتەررشيش تۇساۋىن كەسكەن بالاقايدىڭ اكەسى ايتىپ بەردى، دەپ حابارلايدى tengrinews.kz.

بۇۇ-نىڭ جاڭا باس حاتشىسى وتكەن اپتادا قىسقا مەرزىمدى ساپارمەن استانادا بولىپ، قازاقستان پرەزيدەنتىمەن كەزدەسكەن بولاتىن. مادەني باعدارلاما بارىسىندا ول قازاقستانداعى پورتۋگال قوعامداستىعىمەن كەزدەستى. سول كەزدە انتونيو گۋتەرريش راسىمگە قاتىسقان. بۇۇ باس حاتشىسى ناۋرىزدىڭ ەكىسى كۇنى ٴبىر جاسقا تولاتىن ٴنۇرامىرعاليدىڭ تۇساۋىن كەسىپ، جولىن اشتى.

بالانىڭ اكەسى ٴىلياس وماروۆ وسى ٴبىر ٴقادىرلى ٴراسىم ٴۇشىن نەلىكتەن سىيلى قوناقتى تاڭداعانىن ايتتى.

«ٴدال وسى كۇنى، 1992 جىلدىڭ 2 ناۋرىزىندا قازاقستان بىرىككەن ۇلتتار ۇيىمىنا مۇشە بولدى. بۇل وي بىردەن كەلدى. انتونيو گۋتەرريش بۇۇ باس حاتشىسى بولعانعا دەيىن ول استاناعا ۇيىمنىڭ بوسقىندار ٴىسى بويىنشا جوعارعى كوميسسارى رەتىندە كەلگەن ۋاقىتتاردا - 2008 جانە 2013 جىلدارى جولىققان بولاتىنمىن. ولارعا كەزدەسۋ ۇيىمداستىردىم»، - دەيدى ٴىلياس وماروۆ.

ٴىس-شارا جاقىندار ورتاسىندا عانا ٴوتتى. كىلەم ۇستىنەن ٴجۇرىپ وتكەن بالا بارلىق سىيلاردىڭ ىشىنەن بۇۇ لوگوتيپى بار سۋۆەنيردى تاڭداپ، انتونيو گۋتەرريشتى قاتتى قۋانتتى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي